नेपाळमध्ये प्रवासी विमान बेपत्ता, 4 भारतीयांसह 22 जण करत होते प्रवास

काठमांडू : Plane missing in Nepal :नेपाळमध्ये एक प्रवासी विमान बेपत्ता झाले आहे. या विमानात 4 भारतीय, 3 जपानी नागरिकांसह एकूण 22 प्रवासी प्रवास करत होते. नेपाळच्या गृह मंत्रालयाने बेपत्ता विमानाचा शोध घेण्यासाठी मुस्तांग आणि पोखरा येथून दोन खासगी हेलिकॉप्टर तैनात केले आहेत. शोध घेण्यासाठी नेपाळ लष्कराचे हेलिकॉप्टर तैनात करण्याची तयारीही सुरु केली आहे.

नेपाळमधील एका खाजगी विमान कंपनीचे विमान रविवारी बेपत्ता झाले असून त्यात 22 जण होते, अशी माहिती एअरलाइन आणि सरकारी सूत्रांनी दिली.  हे छोटे विमान पोखरा, काठमांडूच्या वायव्येकडील 200 किलोमीटर अंतरावर असलेल्या पोखरा येथून वायव्येकडील 80 किलोमीटर अंतरावर असलेल्या जोमसोमला जात होते. 

 बेपत्ता विमानात चार भारतीय आणि तीन जपानी नागरिक होते. उर्वरित प्रवासी नेपाळी नागरिक होते आणि चालक दलासह एकूण 22 प्रवासी होते. तारा एअरच्या अधिकाऱ्याने काठमांडू पोस्ट वृत्तपत्राने दिलेल्या माहितीनुसार, बेपत्ता विमानाचा सकाळी 9.55 वाजता उड्डाण केल्यानंतर लगेचच विमानतळाच्या टॉवरशी संपर्क तुटला. "मुस्तांग जिल्ह्यातील जोमसोमच्या आकाशात विमान दिसले आणि नंतर ते माउंट धौलागिरीकडे वळवले गेले, त्यानंतर त्याचा संपर्क झाला नाही," असे मुख्य जिल्हा अधिकारी नेत्रा प्रसाद शर्मा यांनी एएनआयला सांगितले.