Russia Ukraine War : रशियाने 8 क्रूझ मिसाईल डागत उद्धवस्त केलं यूक्रेनचं एअरपोर्ट

Russia Ukraine War : रशिया आणि युक्रेनमधील युद्ध रविवारी 11 व्या दिवशीही सुरूच आहे. रशियाने रविवारी युक्रेनच्या विनितसिया विमानतळावर कालिब्र क्रूझ मिसाईलने हल्ला करून उद्ध्वस्त केले.

रशियाने विमानतळावर 8 क्रूझ क्षेपणास्त्रे डागली

यूक्रेनचे राष्ट्राध्यक्ष वोलोडिमिर झेलेन्स्की यांनी ट्विट करून याबाबत माहिती दिली. झेलेन्स्की म्हणाले, 'रशियाने 8 क्रूझ क्षेपणास्त्रे डागून विनितसिया विमानतळ पूर्णपणे उद्ध्वस्त केले. त्याने यूक्रेनच्या लष्करी हवाई तळावरही हल्ला केला. या हल्ल्यामुळे विमानतळाच्या उर्वरित भागाला आग लागली. रशियाच्या क्षेपणास्त्र हल्ल्यात एकाचा मृत्यूही झाला.

यूक्रेनला लढाऊ विमाने देण्याचे आवाहन

रशियाच्या कहरापासून संरक्षण करण्यासाठी यूक्रेनवर नो-फ्लाय झोन तयार करावा आणि यूक्रेनला स्वतःचा बचाव करण्यासाठी लढाऊ विमाने द्यावीत, असे आवाहन झेलेन्स्की यांनी जागतिक समुदायाला केले. त्याचवेळी यूक्रेनचे परराष्ट्रमंत्री कुलेबा यांनी रशियावर आणखी निर्बंध लादण्यासाठी जागतिक नेत्यांना आवाहन केले.

यूक्रेनचे मन खचू लागले आहे

दुसरीकडे, रशियाच्या तुरळक हल्ल्यांमुळे यूक्रेनच्या आत्म्याला आता खीळ बसली आहे. यूक्रेनमधील अध्यक्षीय कार्यालयाचे उपप्रमुख आंद्री सिबिगा यांनी सांगितले की, हे युद्ध थांबवण्यासाठी व्होलोडिमिर झेलेन्स्की त्यांच्या रशियन समकक्षांशी थेट चर्चेसाठी तयार आहेत. त्यांनी या संदर्भात ऑफर देखील दिली आहे परंतु रशियाच्या बाजूने कोणतीही प्रतिक्रिया आलेली नाही.

एक रशियन सैनिक जिवंत पकडला

दुसरीकडे, युक्रेनने रविवारी अनेक रशियन रणगाडे आणि विमानविरोधी तोफा नष्ट केल्या आणि त्यांच्या एका सैनिकाला जिवंत पकडले. पकडलेला रशियन सैनिक १२८ व्या ब्रिगेडशी संलग्न आहे.

भारताचे ऑपरेशन गंगा

युक्रेनमध्ये अडकलेल्या भारतीयांच्या सुटकेसाठी चालवले जाणारे ऑपरेशन गंगा आता पूर्णत्वाकडे वाटचाल करत आहे. सरकारने सांगितले की, रविवारपर्यंत युक्रेनमध्ये अडकलेले 21 हजार भारतीय बाहेर पडले आहेत. यापैकी 19 हजार 920 नागरिकांना भारत सरकारने त्यांच्या देशात परत आणले आहे. उर्वरित भारतीयांना बाहेर काढण्याचीही तयारी सुरू आहे.