Budget 2024: பிரதமர் நரேந்திர மோடி அரசின் இரண்டாவது பதவிக்காலத்தின் இறுதி பட்ஜெட்டை நிதியமைச்சர் நிர்மலா சீதாராமன் தாக்கல் செய்ய உள்ளார். 2024 பிப்ரவரி 1ஆம் தேதி இடைக்கால பட்ஜெட்டை நிதியமைச்சர் நாடாளுமன்றத்தில் தாக்கல் செய்கிறார். இது தேர்தல் ஆண்டு என்பதால் மக்களின் எதிர்பார்ப்பும் அதிகமாக உள்ளது. குறிப்பாக மாத சம்பளம் வாங்குபவர்களை குறிவைத்து நிறைய திட்டங்கள் இருக்கும் என்று எதிர்பார்க்கப்படுகிறது. வரி செலுத்துவோர் மற்றும் வேலை செய்பவர்களின் எதிர்பார்ப்பு வரி விலக்கு இருக்கும் என்று கூறப்படுகிறது. மாத சம்பளம் வாங்குபவர்களின் எதிர்பார்ப்புகளுக்கு ஏற்ப, இந்த பட்ஜெட்டில் நிதியமைச்சர் இந்த இரண்டு அறிவிப்புகளை மட்டும் வெளியிட்டால், அது அவர்களுக்கு பெரிய நிம்மதியாக இருக்கும்.
லோக்சபா தேர்தல் 2024 இந்த ஆண்டு ஏப்ரல்-மே மாதங்களில் வரவிருப்பதால், இந்த பட்ஜெட்டில் பெரிய அறிவிப்புகள் எதுவும் இருக்காது என்று நிதியமைச்சர் சீதாராமன் முன்பு கூறியிருந்தார். மேலும், தேர்தல் ஆண்டில் இடைக்கால பட்ஜெட்டில் பெரிய திட்டங்கள் இருக்க முடியாது என்று தேர்தல் ஆணையத்தின் நடத்தை விதிகள் கூறுகின்றன. இருப்பினும், வல்லுநர்கள் தங்கள் எதிர்பார்ப்புகளை பட்டியலிட்டுள்ளனர் மற்றும் வரி செலுத்துவோருக்கு உதவ சில வரி விதிகள் மற்றும் விலக்குகளை மையம் கவனிக்க வேண்டும் என்று கருதுகின்றனர். வரிச்சலுகையை எதிர்பார்க்கும் சம்பள வகுப்பினர் பட்ஜெட்டில் இரண்டு மாற்றங்களை நிதி அமைச்சர் அறிவிக்க வேண்டும் என்று எதிர்பார்க்கின்றனர். இந்த இரண்டு மாற்றங்களின் மூலம், அவர்கள் நிம்மதி பெருமூச்சு விட வாய்ப்புள்ளது.
வரி விலக்கு வரம்பு அதிகரிப்பு
2023-24 ஆம் ஆண்டிற்கான வரவு செலவுத் திட்டத்தில் புதிய வரி விதிப்பில் வரிச் சலுகையை நிதி அமைச்சர் அதிகரித்துள்ளார். 2023ஆம் ஆண்டுக்கான பட்ஜெட் அறிவிப்பில், புதிய வரி விதிப்பில் விலக்கு வரம்பு ரூ.5 லட்சத்தில் இருந்து ரூ.7 லட்சமாக உயர்த்தப்பட்டது. அதாவது, ஒரு வரி செலுத்துபவர் புதிய வரி முறையை தேர்வு செய்தால், அவர் ஆண்டு வருமானம் ரூ.7 லட்சம் வரை வருமான வரி செலுத்த வேண்டியதில்லை. பட்ஜெட்டில் இந்த வரம்பை ரூ.7 லட்சத்தில் இருந்து ரூ.10 லட்சமாக அரசு உயர்த்த வேண்டும் என்று தற்போது மாத சம்பளம் வாங்குபவர்கள் எதிர்பார்க்கின்றனர். இந்த பட்ஜெட்டில் நிதியமைச்சரிடம் வரி செலுத்துவோர் பெரும் எதிர்பார்ப்பை வைத்துள்ளனர்.
பழைய வரி முறை
2023-24 நிதியாண்டுக்கான பட்ஜெட் அறிவிப்பில் பழைய வருமான வரி முறையில் எந்த மாற்றமும் செய்யப்படவில்லை. பழைய வரி விதிப்பில், ஆண்டு வருமானம் ரூ. 5 லட்சம் வரை மட்டுமே வரி தள்ளுபடி கிடைக்கும். அதாவது, ஒரு வரி செலுத்துபவர் பழைய வரி முறையைத் தேர்ந்தெடுத்து, வருமான வரியின் பல்வேறு பிரிவுகளின் கீழ் பலனைப் பெற்றால், அவருடைய ஆண்டு வருமானம் ரூ. 5 லட்சம் வரை இருந்தால், அவர் எந்த வரியும் செலுத்த வேண்டியதில்லை. பழைய வரி முறையில் தள்ளுபடியை அதிகரிக்கலாம் என ஊழியர்கள் எதிர்பார்க்கின்றனர். லோக்சபா தேர்தலுக்கு முன், சம்பளம் வாங்கும் வகுப்பினருக்கு, அரசு பெரிய அளவில் நிவாரணம் வழங்கலாம் என மக்கள் நம்புகின்றனர். இருப்பினும், வரி செலுத்துவோருக்கு, நிவாரணம் கிடைக்குமா, இல்லையா என்பது பிப்ரவரி, 1ம் தேதி தான் தெரியும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
