புது டெல்லி: Pradhan Mantri Kisan Samman Nidhi Scheme ஆரம்பித்து 18 மாதங்கள் நிறைவடைகிறது. இந்த காலகட்டத்தில் 9 கோடி 96 லட்சம் விவசாயிகளுக்கு 73 ஆயிரம் கோடி ரூபாய்க்கு மேல் வழங்கப்பட்டுள்ளது. விவசாயிகளுக்கு உதவுவதற்காக, அவர்களின் வங்கி கணக்கிற்கு நேரடியாக பணத்தை அனுப்பும் இந்த பிரதமர் கிசான் யோஜனா (PM Kisan Yojana) கொரோனா காலகட்டத்தில் பல மாற்றங்களைச் சந்தித்துள்ளது. இந்த மாற்றங்களை தெரிந்துக்கொண்டால், விவசாயிகள் ஆண்டுக்கு 6000 ரூபாய் உதவி பெறுவது எளிதாக இருக்கும்.
இந்தத் திட்டம் 2018 டிசம்பரில் தொடங்கப்பட்டது, முதல் ஆண்டில் 35 ஆயிரம் கோடி ரூபாய் மட்டுமே விவசாயிகளுக்கு வழங்கப்பட்டது. கொரோனா வைரஸ் (Coronavirus) ஊரடங்கின் போது, விவசாயிகளுக்கு பணத்தேவை ஏற்பட்டதால், இந்த தொகை 9 கோடிக்கும் அதிகமான விவசாயிகளின் வங்கிக் கணக்கிற்கு மாற்றப்பட்டது, இது அவர்களுக்கு உதவியாக இருந்தது. கடந்த 6 மாதங்களில், இந்த திட்டத்தில் வழங்கப்படும் தொகை முற்றிலும் அதிகரித்துள்ளது.
பிரதமர் கிசான் யோஜனாவில் செய்யப்பட்ட மாற்றங்கள்:
நில வரம்பு தகுதி நீக்குதல்: முன்னதாக இந்த திட்டத்தின் தகுதி என்னவென்றால், 2 ஹெக்டேர் (5 ஏக்கர்) சாகுபடி நிலம் உள்ளவர்களுக்கு மட்டுமே இந்த நன்மை கிடைக்கும். மோடி அரசு நில வரம்பை (Land Limit) ரத்து செய்துள்ளது. இதன் காரணமாக, 12 கோடிக்கு பதிலாக, தற்போது 14.5 கோடி விவசாயிகள் நன்மைகளைப் பெறத் தொடங்குவார்கள்.
பிற செய்தி | PM-Kisan திட்டத்தில் ₹2000 பெற ஆதார் இணைப்பு அவசியம்?
சுய பதிவு வசதி: இந்த வசதியின் விளைவாக, அதிகமான விவசாயிகள் நன்மைகளைப் பெற வேண்டும், இதன் காரணமாக, விவசாயிகளுக்கு சுய பதிவு செய்வதற்கான வசதியை அரசு வழங்கியது. விவசாயிக்கு ஆதார் அட்டை, வருவாய் அட்டை, மொபைல் எண் மற்றும் வங்கி கணக்கு எண் இருந்தால், அவர் pmkisan.nic.in தளத்தில் உழவர் பகுதிக்கு சென்று பதிவு செய்யலாம்
ஆதார் அட்டை கட்டாயம்: இந்த திட்டத்தின் நன்மைக்காக அரசு ஆதார் அட்டை கட்டாயமாக்கியுள்ளது. இத்திட்டத்தின் கீழ் விவசாயிகளுடன் ஆதார் அட்டையை இணைப்பதற்கான விலக்கு நிர்ணயிக்கப்பட்ட வரம்பை மீறி நீட்டிக்கப்படவில்லை. இது தகுதியான விவசாயிகளுக்கு மட்டுமே நன்மைகளைப் பெறும் வகையில் செய்யப்பட்டது.
கிசான் கிரெடிட் கார்டு: கிசான் கிரெடிட் கார்டு (பி.சி.சி - PCC) பிரதமர் கிசான் திட்டத்துடன் இணைக்கப்பட்டுள்ளது. இந்த திட்டத்தில் ஈடுபட்டுள்ளவர்களுக்கு கே.சி.சி (KCC) எளிதாக்கப்பட்டுள்ளது. தற்போது 7 கோடி விவசாயிகளிடம் கே.சி.சி. உள்ளது. அவர்களுக்கு 4 சதவீத வட்டிக்கு 3 லட்சம் ரூபாய் வரை கடன் வழங்க அரசு திட்டம் கொண்டுவந்துள்ளது.
பிரதமர் கிசான் மந்தன் யோஜனா: பிரதமர் கிசான் சம்மன் நிதி யோஜனாவின் பயனை அனுபவிக்கும் விவசாயி பிரதமர் கிசான் மந்தன் யோஜனாவுக்கு எந்த ஆவணங்களையும் வழங்க வேண்டியதில்லை. பிரதமர் கிசான் திட்டத்திலிருந்து பெறப்பட்ட இலாபத்திலிருந்து விவசாயிகள் நேரடியாக பங்களிக்க தேர்வு செய்யலாம். இந்த வழியில், அவர்களின் பிரீமியம் நேரடியாக குறைக்கப்படும்.
நிலை சரிபார்ப்பு வசதி: பதிவுசெய்த பிறகு உங்கள் விண்ணப்பம் ஏற்றுக்கொள்ளப்பட்டாலும் இல்லாவிட்டாலும், உங்கள் கணக்கில் எவ்வளவு தவணை பணம் வந்துள்ளது, இப்போது நீங்கள் கிசான் போர்ட்டலைப் பார்வையிடுவதன் மூலம் தகவல்களைப் பெறலாம். அவர் ஆதார் எண், மொபைல் எண் மற்றும் வங்கி கணக்கு எண்ணை உள்ளிட்டு இந்த தகவலைப் பெறலாம்.
