பணத் தேவை ஏற்படும் என்பது யாருக்கும் தெரியாது. திடீரென்று உடனடியாக பணத்தின் தேவை ஏற்படும் போது, அதனை பெற எளிதான வழி தனிநபர் கடன். வங்கிகளும் விரைவாக தனி நபர் கடன்களை வழங்க ஆவணங்கள் ஏதும் தேவையில்லை என்ற வகையில், காகிதமில்லா செயல்முறையைத் தொடங்கியுள்ளன. அத்தகைய சூழ்நிலையில், நீங்கள் தனிநபர் கடன் வாங்குகிறீர்கள் என்றால், ஆவணமில்லா கடன் என்றால் என்ன என்று தெரிந்து கொள்வது அவசியம்? ஆவணம் இல்லாத கடன் என்பது ஆவணம் தேவையில்லை என்று அர்த்தமல்ல. கடனுக்கு ஒப்புதல் பெற, பல ஆவணங்கள் தேவைப்படும். அதை நீங்கள் காகிதமாக அல்லாமல், டிஜிட்டல் நிறுவனத்தில் சமர்ப்பிக்க வேண்டும் என்பதே அதன் பொருள்.
எனவே கடன் பெற, உங்களிடம் ஆவணங்கள் இருப்பது அவசியம். அது இல்லாவிட்டால் எந்த வங்கியோ அல்லது NBFC என்னும் நிதி நிறுவனங்களோ உங்களுக்கு கடன் தராது. அப்படிப்பட்ட சூழ்நிலையில், எந்த வங்கியில் இருந்தும் வாடிக்கையாளர் சேவை பிரிவு அதிகாரி, உங்களுக்கு விரைவான கடன் தருவதாக உறுதியளித்தால், அவருடைய வார்த்தைகளில் மயங்கி பலியாகிவிடாதீர்கள். தேவையில்லாமல் சிக்கலில் சிக்க நேரிடும்.
'பேப்பர்லெஸ்' தனிநபர் கடன்கள் என்றால் என்ன?
'பேப்பர்லெஸ்' என்றால் 'பேப்பர் இல்லை'; மாறாக, விண்ணப்பதாரர்கள் தனிநபர் கடன் விண்ணப்பங்களை ஆன்லைனில் செய்யலாம் மற்றும் பாரம்பரிய காகித அடிப்படையிலான செயல்முறைக்கு பதிலாக தேவையான ஆவணங்களின் டிஜிட்டல் நகல்களை சமர்ப்பிக்கலாம் என்பதை இது சுட்டிக் காட்டுகிறது. இந்த வகை கடனில், ஆன்லைன் விண்ணப்பச் செயல்முறையின் போது, கடன் பெற எந்த இடத்திலிருந்தும் ஸ்கேன் செய்யப்பட்ட ஆவணங்களைப் பதிவேற்ற விண்ணப்பதாரர்களுக்கு அதிகாரம் அளிக்கிறது. காகிதமில்லா தனிநபர் கடன்களின் அறிமுகம், படிவத்தை நிரப்புதல் மற்றும் காகித வேலைகள் ஆகியவை தேவையில்லை என்ற நிலை உருவாகியுள்ளது.
கடன் பெற தேவையான அத்தியாவசிய ஆவணங்கள்
காகிதமில்லாத செயல்முறை அறிமுகப்படுத்தப்பட்ட போதிலும், கடன் விண்ணப்பத்துடன் கூடவே வங்கி அறிக்கைகள், சம்பள விபரங்களுக்காக சாலரி ஸ்லிப் மற்றும் பிற தேவையான ஆவணங்கள் தேவைப்படுகின்றன. இது இல்லாமல் நீங்கள் கடனுக்கு விண்ணப்பிக்க முடியாது. வருமானச் சான்றிதழ், பான் கார்டு மற்றும் ஆதார் அட்டை போன்ற சில டிஜிட்டல் ஆவணங்களும் தேவை.
கிரெடிட் ஸ்கோர் சிறப்பாக இருந்தால் உடனடி கடன் கிடைக்கும்
கிரெடிட் ஸ்கோர் ஒரு நபரின் கடந்தகால நிதி பொறுப்பை நிர்வகிக்கும் திறனை பிரதிபலிக்கிறது. அந்த நபரின் நிதிக் கடன் தகுதியை தீர்மானிப்பதில் இது முக்கிய பங்கு வகிக்கிறது. அத்தகைய சூழ்நிலையில், நீங்கள் விரைவாக தனிநபர் கடனை எடுக்க விரும்பினால், உங்கள் கிரெடிட் ஸ்கோர் நன்றாக இருப்பது முக்கியம். கிரெடிட் ஸ்கோர் 750க்கு மேல் இருந்தால் நல்லது என்று கருதப்படுகிறது. இதற்குப் பிறகுதான் காகிதமில்லா செயல்முறையின் பலனைப் பெறுவீர்கள். உங்கள் கிரெடிட் ஸ்கோர் மோசமாக இருந்தால், தொழில்நுட்பத்தை மாற்றுவதால் உங்களுக்கு பலன் கிடைக்காது.
கூடுதல் தகவல்:
முன்னதாக, அடமானம் அல்லது உத்திரவாதம் அல்லாத கடன்களின் எண்ணிக்கை பெருகுவதை கட்டுப்படுத்த, வங்கிகள் மற்றும் வங்கி அல்லாத நிதி நிறுவனங்களின் தனிநபர் கடன்களுக்கான இடர் அம்ச அளவீடுகளை நவம்பர் 16 அன்று மத்திய வங்கி 25 சதவீத புள்ளிகளாக அதிகரித்தது. அதாவது வங்கிகளும் NBFC களும் அத்தகைய கடன்களை நீட்டிக்கும் போது அதிக மூலதனத்தை ஒதுக்க வேண்டும். நுகர்வோர் கடன்களில் கிரெடிட் கார்டுகள், சில தனிநபர் மற்றும் சில்லறை கடன்கள் ஆகியவை அடங்கும்.
மேலும் படிக்க | ஜியோ, ஏர்டெல் யூஸ் பண்றீங்களா? இனி தாறுமாறாக அதிகரிக்கப்போகுது ரீசார்ஜ் கட்டணம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
