பொருளாதார வீழ்ச்சிக்கு வழி வகுத்த கொரோனா முழு அடைப்பு மத்தியிலும் சிறு வணிகங்களுக்கு பலவிதமான வாய்ப்புகள் கிடைத்துள்ளது. மேலும் இந்த சிறு வணிகங்களை முறையாக வழி நடத்துவதன் மூலம் பெரும் லாபத்தை ஈட்ட முடியும் என கூறப்படுகிறது.
அத்தகைய ஒரு வணிகம் ஊறுகாய் தயாரிப்பதாக இருக்கலாம். ஊறுகாய் என்பது இந்திய உணவு முறையின் ஒரு முக்கிய பகுதியாகும், மேலும் இது எப்போதும் உணவு சந்தையில் மிகவும் தேடப்படும் ஒரு பொருள் ஆகும். தற்போதைய தலைமுறை ஊறுகாயை நேசிக்கிறது, ஆனால் அதை வீட்டில் தயாரிப்பது கடினம் என்பதால் சற்று விலகியுள்ளனர்.
எனினும் முழு அடைப்பு காலத்தில் ஒரு தொழிலை துவங்க விரும்புவோருக்கு இந்த ஊருகாய் தயாரிப்பு தொழில் ஒரு சிறந்த வாய்ப்பாக இருக்கும் என கூறப்படுகிறது. நியாயமான விலையில் நல்ல தரமான ஊறுகாய்களை நீங்கள் செய்ய முடிந்தால், அதை முறையாக சந்தைப்படுத்தவும் முடியும்., முறையான லாபத்தையும் ஈட்ட முடியும் என வல்லூநர்கள் தெரிவிக்கின்றனர்.
- ஊறுகாய் தயாரிக்கும் தொழிலுக்கு என்ன தேவை?
ஆரம்பத்தில், நீங்கள் வீட்டிலிருந்து வணிகத்தைத் தொடங்கலாம். ஆனால் நீங்கள் பெரிய அளவில் செல்ல முடிவு செய்தால், உங்கள் அலகுக்கு 900 சதுர அடி பரப்பளவு நிலம் தேவைப்படும்.
- நீங்கள் இந்த தொழிலை வெறும் ரூ.10,000-க்கு தொடங்கலாம்?
நீங்கள் இந்த தொழிலை வெறும் ரூ.10,000-க்கு தொடங்கலாம். மற்றும் உங்கள் தயாரிப்பை ஒழுங்காக சந்தைப்படுத்தி தரமான தயாரிப்பு செய்தால், முதல் மாதத்திலிருந்தே ரூ.25,000 முதல் ரூ.30,000 வரை சம்பாதிக்கலாம். மேலும் உங்கள் தயாரிப்புகளை ஆன்லைனில், மொத்த விற்பனையாகவோ அல்லது சில்லறை சந்தை வழியாகவோ விற்பனை செய்யலாம்.
- உரிமம் பெறுவது எப்படி?
ஊறுகாய் தயாரிக்கும் வணிகத்திற்கு முதலில் நீங்கள் உரிமம் பெற வேண்டும். இதை நீங்கள் உணவு பாதுகாப்பு மற்றும் தர நிர்ணய ஆணையத்திலிருந்து (FSSAI) பெறலாம். ஆன்லைன் படிவத்தை பூர்த்தி செய்வதன் மூலமும் இந்த உரிமத்தைப் பெறலாம்.
