இந்தியாவில் சம்பளம் வாங்கும் நடுத்தர வர்க்கத்தினருக்கு அதிக வருமானத்துடன் ஆபத்து இல்லாத முதலீடுகளைத் தேடும் மிகவும் பிரபலமான தீர்வுகளில் ஒன்று தபால் அலுவலகம். அரசாங்கம் சமீபத்தில் சிறு சேமிப்பு திட்டங்களுக்கான விகிதங்களை வெளியிட்டதில் சிறப்பான பிரபலமான ஒன்று, அஞ்சல் அலுவலக தேசிய மாத வருமான கணக்கு அல்லது எம்ஐஎஸ் ஆகும். அரசாங்கம் இந்த விகிதத்தை 6.6 சதவீதமாக வைத்திருக்கும் அதே வேளையில், இது பல வங்கிகளின் நிலையான வைப்பு விகிதங்களை விட அதிகமாகும்.
மேலும் படிக்க | Education Loan: பெற்றோர்களின் கவனத்திற்கு; உங்கள் பிள்ளைகளுக்கு சிக்கல்
தபால் அலுவலக மாதாந்திர வருமானத் திட்டம் முதலீட்டாளர்களுக்கு அவர்களின் பணம் ஆரம்பத்தில் முதலீடு செய்யப்பட்ட விகிதத்தில் நிலையான வருமானத்தை உறுதி செய்கிறது. அதாவது வட்டி விகிதங்கள் பின்னர் குறைக்கப்பட்டாலும் முதலீட்டாளர்கள் ஏற்ற இறக்கத்தைப் பற்றி கவலைப்படத் தேவையில்லை. எம்ஐஎஸ் கணக்கைப் பதிவு செய்ய விரும்பும் ஆர்வமுள்ள முதலீட்டாளர்கள், கணக்கைத் தொடங்க குறைந்தபட்சத் தொகை ரூ.1,000 ஆகும். அதைத் தொடர்ந்து, தபால் துறை விதிமுறைகளின்படி ரூ.1,000 மடங்குகளில் டெபாசிட் செய்ய வேண்டும், இந்த விதி ஏப்ரல் 1, 2020 முதல் அமலுக்கு வந்தது. ஒரு கணக்கிற்கான அதிகபட்ச முதலீட்டு வரம்பு ரூ.4.5 லட்சம் மற்றும் கூட்டுக் கணக்குகளுக்கு ரூ.9 லட்சம் ஆகும்.
தனிநபர்கள் ரூ.4.5 லட்சம் வரை எம்ஐஎஸ்-ல் முதலீடு செய்யலாம். ஒரு பாதுகாவலர் ஒரு மைனர் சார்பாக அஞ்சல் அலுவலக எம்ஐஎஸ் கணக்கைத் திறக்கலாம், ஆனால் 10 வயதுக்கு மேற்பட்ட மைனர் தனது சொந்த பெயரில் கணக்கைத் தொடங்கலாம். பெற்றோர்கள் தங்கள் குழந்தைகளின் பள்ளிக் கட்டணத்தைச் செலுத்த அல்லது தங்கள் குழந்தைகளின் நல்வாழ்வுக்கான பிற அம்சங்களில் முதலீடு செய்ய ஒவ்வொரு மாதமும் இதன்மூலம் சம்பாதிக்கும் வட்டியைப் பயன்படுத்தலாம். நீங்கள் ஒரு கணக்கைத் திறந்து ரூ.2 லட்சத்தை டெபாசிட் செய்தால், தற்போதைய ஆண்டு வட்டி விகிதத்தில் மாதம் ரூ.1,100 பெறுவீர்கள். குழந்தையின் பெயரில் ரூ.3.50 லட்சம் டெபாசிட் செய்தால், வட்டியாக ரூ.1,925 கிடைக்கும். அதிகபட்சமாக ரூ.4.5 லட்சத்தை முதலீடு செய்தால், மாதம் ரூ.2,475 வட்டியாகப் பெறுவீர்கள். இருப்பினும், டெபாசிட் செய்பவரின் வட்டிக்கு வரி விதிக்கப்படும்.
மேலும் படிக்க | 7th Pay Commission: பம்பர் டிஏ உயர்வு, ஊதியத்தில் பெரிய ஏற்றம் இருக்கும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
