புது டெல்லி: பிப்ரவரி 1 அன்று, பட்ஜெட் நாளில், பங்குச் சந்தையில் ஏற்பட்ட சரிவின் காரணமாக முதலீட்டாளர்கள் சந்தித்த அதிர்ச்சி இரண்டு நாட்களில் ஈடுசெய்யப்பட்டது. மும்பை பங்குச் சந்தையின் சென்செக்ஸ் செவ்வாயன்று 917 புள்ளிகள் உயர்ந்து 40,700 புள்ளிகளாக இருந்தது. பட்டியலிடப்பட்ட நிறுவனங்களின் முதலீட்டாளர்களின் மூலதனம் கடந்த இரண்டு நாட்களில் ரூ .3.57 லட்சம் கோடி அதிகரித்துள்ளது. முன்னதாக திங்களன்று, சென்செக்ஸ் 136.78 புள்ளிகள் குறைந்தது குறிப்பிடத்தக்கது.
சென்செக்ஸின் முன்னேற்றத்திற்கு மத்தியில், சென்செக்ஸ் பட்டியலிடப்பட்ட நிறுவனங்களின் சந்தை மூலதனம் கடந்த இரண்டு வர்த்தக அமர்வுகளில் ரூ .3,57,044.43 கோடி அதிகரித்து ரூ.1,56,61,769.40 கோடியாக உள்ளது. பட்ஜெட்டின் நாளில் சென்செக்ஸ் 987.96 புள்ளிகள் அல்லது 2.43 சதவீதம் சரிந்து 40,000 புள்ளிக்கு கீழே சரிந்து 39,735.53 ஆக முடிவடைந்தது.
கச்சா எண்ணெய் விலைகள் கடுமையாக வீழ்ச்சியடைந்ததாலும், சீனாவில் கரோனா வைரஸ் அச்சம் மற்றும் உலகளாவிய ஏற்பட்டுள்ள மந்தநிலை காரணமாகவும் பட்ஜெட் நாளில் ஏற்பட்ட இழப்பை ஒரே நாளில் பங்குச் சந்தை பெற்றுள்ளது. பிஎஸ்இ சென்சிடிவ் இன்டெக்ஸ் சென்செக்ஸ் 917.07 புள்ளிகள் (2.30%) உயர்ந்து 40,789.38 புள்ளிகளில் முடிந்தது. அதே நேரத்தில், என்எஸ்இ நிஃப்டி 271.75 புள்ளிகள் (2.32%) அதிகரித்து 11,979.65 புள்ளிகளில் முடிந்தது. பட்ஜெட் நாளில் முதலீட்டாளர்களுக்கு ரூ .3.46 லட்சம் கோடி இழப்பு ஏற்பட்டது.
பட்ஜெட்டின் நாளில் முதலீட்டாளர்கள் மற்றும் நிறுவனங்களுக்கு நிறைய நிவாரண அறிவிப்புகளை எதிர்பார்த்திருந்தனர். எனவே, எதிர்பார்ப்புகளுக்கு ஏற்ப பட்ஜெட் இல்லாததால் சனிக்கிழமை பங்கு சந்தை விற்பனையில் சரிவு ஏற்பட்டது. ஆனால் செவ்வாயன்று, தலைகீழாக மாறியுள்ளது. அதாவது சென்செக்ஸ் 900 புள்ளிகள் உயர்ந்தது.
செவ்வாய்க்கிழமை ஆரம்ப வர்த்தகத்தில் டாலருக்கு எதிராக ரூபாய் 16 பைசா அதிகரித்தது. இது பங்குச் சந்தையில் சாதகமான விளைவுகளை ஏற்படுத்தியது. ரூபய் மதிப்பு சற்று உயர்ந்ததால் பொருட்களின் இறக்குமதி மலிவாக இருக்கும்.
கொரோனா வைரஸின் பயம் இருந்தபோதிலும், உலக சந்தைகளில் வலிமையால் உள்நாட்டு பங்குச் சந்தையில் சாதகமான தாக்கத்தை ஏற்படுத்தியது.
உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.
