இதய தமனிகளில் சேரும் கொழுப்பை எரிக்கும் ‘சில’ உணவுகள்!

இதய நோய் அண்டாமல் இருக்க: மோசமான உணவுப் பழக்கம் உங்களை கொலஸ்ட்ரால் மற்றும் பிபி நோயாளியாக மாற்றுவதன் மூலம் உங்கள் இதய ஆரோக்கியத்தை மோசமாக ஆக்கும்

உலகளவில் இறப்புக்கு இதய நோய் மிக முக்கிய காரணமாக உள்ளது. இதயம் தொடர்பான நோய்களால் ஒவ்வொரு ஆண்டும் சுமார் 17.9 மில்லியன் மக்கள் இறக்கின்றனர். அத்தகைய சூழ்நிலையில், இதயத்தின் ஆரோக்கியத்தை கவனித்துக்கொள்வது மிகவும் முக்கியம். உங்கள் உணவுமுறை உட்பட இதயம் தொடர்பான நோய்களுக்கு பல காரணங்கள் உள்ளன. நீங்கள் சாப்பிடுவது மற்றும் குடிப்பது உங்கள் இதயத்தின் ஆரோக்கியத்தை நேரடியாக பாதிக்கிறது.

கொழுப்பு நிறைந்த பொருட்கள் மற்றும் மது அருந்துதல் கொலஸ்ட்ராலை அதிகரிக்கிறது. கொலஸ்ட்ரால் இரத்தத்தின் நரம்புகளில் அடைப்பை ஏற்படுத்தி மாரடைப்பு ஏற்பட முக்கிய காரணமாகிறது.மேலும் நரம்புகளில் கொழுப்பு சேர்வதால் உடலில் இரத்த ஓட்டம் பாதிக்கிறது. இது இதயம் தொடர்பான நோய்கள், மாரடைப்பு மற்றும் பக்கவாதம் ஏற்படும் அபாயத்திற்கு வழிவகுக்கும். உங்கள் இதயத்தை ஆரோக்கியமாகவும் வலுவாகவும் வைத்திருக்க விரும்பினால், உங்கள் உணவில் கட்டாயம் சேர்த்துக்கொள்ள வேண்டிய சில உணவுகளை பற்றி அறிந்து கொள்ளலாம். அவை தமனிகளில் சேருகும் கொழுப்பை எரித்து ஆரோக்கியத்தை கொடுக்கும்.

முழு தானியங்கள்

வெள்ளை ரொட்டி, வெள்ளை பாஸ்தா போன்ற சுத்திகரிக்கப்பட்ட தானியங்களுக்கு பதிலாக முழு தானிய பொருட்களை உங்கள் உணவில் சேர்த்துக் கொள்ளுங்கள். முழு தானியங்கள் நார்ச்சத்து, வைட்டமின்கள், தாதுக்கள் மற்றும் உங்கள் கொலஸ்ட்ரால் மற்றும் இரத்த அழுத்த அளவைக் கட்டுக்குள் வைத்திருக்கின்றன.

ஆளி விதைகள்

தினமும் ஒரு டீஸ்பூன் ஆளிவிதைகளை உட்கொள்வது உங்கள் இரத்த அழுத்தத்தை கட்டுக்குள் வைத்திருக்க உதவுகிறது மற்றும் உங்கள் ஆரோக்கியத்திற்கு ஆபத்தான ஆபத்தான நிலைகளை அடைவதை தடுக்கிறது. தினமும் நான்கு தேக்கரண்டி ஆளி விதைகளை சாப்பிடுவதன் மூலம் நீங்கள் பயனடையலாம். ஆளி விதைகளில் காணப்படும் ஆல்பா-லினோலெனிக் அமிலம் இதய நோய் உள்ளவர்களுக்கு நன்மை பயக்கும்.

உலர் பழங்கள்/ நட்ஸ்

உலர் பழங்கள் மற்றும் நட்ஸ்களில் நிறைவுறா கொழுப்பு காணப்படுகிறது மற்றும் நிறைவுற்ற கொழுப்பு குறைவாக உள்ளது. நட்ஸ் சாப்பிடுவது உங்கள் கொலஸ்ட்ரால் அளவை கட்டுக்குள் வைத்திருக்கும். இவற்றில் நார்ச்சத்து நிரம்பியுள்ளது.இது கொலஸ்ட்ரால் இரத்த ஓட்டத்தில் உறிஞ்சப்படுவதைத் தடுக்க உதவுகிறது. இதய ஆரோக்கியமான பாதாம், வேர்க்கடலை, அக்ரூட் பருப்புகள், ஹேசல்நட்ஸ்  ஆகியவற்றை கட்டாயம் உணவில் சேர்த்துக் கொள்ளவும்

சோயா பொருட்கள்

டோஃபு, டெம்பே, எடமேம் மற்றும் சோயா பால் போன்ற சோயா பொருட்கள் இதய ஆரோக்கியத்திற்கு சிறந்த தேர்வுகள். அவற்றின் நுகர்வு கொலஸ்ட்ராலைக் குறைக்க உதவுகிறது. சோயா தயாரிப்புகளை இறைச்சி மற்றும் கிரீம் போன்ற நிறைவுற்ற கொழுப்பு நிறைந்த பொருட்களுடன் மாற்றுவது சிறந்த யோசனை என்று நம்பப்படுகிறது.

பீட்ரூட் சாறு

பீட்ரூட் சாறு இரத்த அழுத்தத்தைக் குறைக்கும். இதில் நைட்ரேட் (NO3) நிறைந்துள்ளது, இது உயர் இரத்த அழுத்தத்தைக் குறைக்கும் திறன் கொண்டது. தினமும் ஒரு டம்ளர் பீட்ரூட் ஜூஸ் குடிப்பதால் இரத்த நாளங்களில் ஏற்படும் அழற்சியின் அறிகுறிகளைக் குறைக்கலாம், இது கரோனரி இதய நோய் உள்ளவர்களுக்கு ஒரு பெரிய பிரச்சனையாகும்.

தேங்காய் எண்ணெய்

தேங்காய் எண்ணெய் நல்ல கொலஸ்ட்ராலை அதிகரிப்பதோடு, கெட்ட கொலஸ்ட்ராலை குறைக்கும் என்று அறியப்படுகிறது. மேலும் அதன் நுகர்வு இதயத்தற்கு பாதிப்பை ஏற்படுத்தும் ட்ரைகிளிசரைடுகளின் அளவையும் அதிகரிக்காது.

பொறுப்புத் துறப்பு: இந்தக் கட்டுரை பொதுவான தகவலுக்காக மட்டுமே. இது எந்த வகையிலும் எந்த மருந்துக்கும் அல்லது சிகிச்சைக்கும் மாற்றாக இருக்க முடியாது. மேலும் விவரங்களுக்கு எப்போதும் உங்கள் மருத்துவரை அணுகவும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ