Lassi Health Benefits: இந்தியாவில் மழைக்காலம் நடந்து கொண்டிருந்தாலும், வெப்பம் மற்றும் ஈரப்பதம் அடிக்கடி உங்களை தொந்தரவு செய்யும். ஈரப்பதமான காலநிலையில் நீரிழப்பை எதிர்கொள்ள நேரிடலாம், அத்தகைய சூழ்நிலையில் லஸ்ஸி உங்களுக்கு நிவாரணம் அளிக்கும்.
கட்டியான தயிரில் இருந்து தயாரிக்கப்படும் இந்த சுவையான பானம் இந்தியாவில் மிகவும் விரும்பப்படுகிறது. சில சமயங்களில் நண்பர்கள் மத்தியில் வீட்டில் அமர்ந்து கொண்டும், சில சமயம் உறவினர்கள் உடனும், சில சமயங்களில் தெரு முனை கடையில் அமர்ந்து கொண்டும் லஸ்ஸியை குடித்திருப்பீர்கள். அதனை குடிப்பதனால் உள்ள பலன்களை நீங்கள் தெரிந்துகொள்வதும் அவசியம்.
எப்போது குடிக்கலாம்?
தினமும் ஒரு கிளாஸ் லஸ்ஸி சாப்பிட்டு வந்தால், அது உங்களுக்கு மிகவும் பயனுள்ளதாக இருக்கும். குறிப்பாக மதியப் பொழுதில் லஸ்ஸி குடிப்பது மிகவும் நல்லது. லஸ்ஸி குடிப்பதன் மூலம் உடலுக்கு பொட்டாசியம், புரதம், கால்சியம், பாஸ்பரஸ் போன்ற சத்துக்கள் கிடைக்கும். ஈரப்பதமான காலநிலையில் உடலுக்கு மிகவும் முக்கியமானதாகக் கருதப்படுகிறது. வெப்பம் அதிகம் இருக்கும் நாள்களில் லஸ்ஸி குடிப்பதன் மூலம் பல நன்மைகள் கிடைக்கும். இதனை குடிப்பதால் குளிர்ச்சியடைவது மட்டுமின்றி உங்கள் முகத்திற்கு பொலிவும் கிடைக்கும்.
5 அற்புத நன்மைகள்
1. ரத்த அழுத்தம் கட்டுப்படும்
மதிய உணவுக்குப் பிறகு லஸ்ஸி குடிப்பது மிகவும் நன்மை பயக்கும். லஸ்ஸியில் போதுமான அளவு பொட்டாசியம் காணப்படுவதால், இது ரத்த அழுத்த பிரச்சனையைக் குறைக்க உதவியாகக் கருதப்படுகிறது. இப்படிப்பட்ட சூழ்நிலையில் ரத்த அழுத்த பிரச்சனை உள்ளவர்கள் வெயில் காலத்தில் கண்டிப்பாக லஸ்ஸி குடிக்க வேண்டும்.
மேலும் படிக்க | வெறும் வயிற்றில் வேப்பிலையை சாப்பிட்டால் என்ன பலன்கள் கிடைக்கும்?
2. செரிமானம் சிறப்பாக இருக்கும்
வெயில் காலங்களில் செரிமானம் சீராக இருக்க மதிய உணவுக்குப் பிறகு லஸ்ஸி குடிப்பது நல்லது. எனவே, தினமும் ஒரு கிளாஸ் லஸ்ஸி குடிப்பது நன்மை பயக்கும் என்று கருதப்படுகிறது, லஸ்ஸி வயிற்றை சுத்தமாக வைத்திருக்கிறது, இது நாள் முழுவதும் செரிமான செயல்முறையை ஆரோக்கியமாக வைத்திருக்கிறது. எனவே, காலை அல்லது மதியம் தயிர் சாப்பிட்ட பிறகு லஸ்ஸி குடிக்க வேண்டும்.
3. டென்ஷன் விலகும்
நமது பரபரப்பான வாழ்க்கை முறையில், நம் ஆரோக்கியத்திற்கு போதுமான நேரத்தை கொடுக்க முடியாது. இதன் காரணமாக அடிக்கடி மன அழுத்தம் ஏற்படுகிறது. ஆனால் லஸ்ஸியை உட்கொள்வதன் மூலம், டென்ஷனைத் தவிர்க்கலாம், ஏனெனில் லஸ்ஸி குடிப்பதால் உடலுக்கு ஆற்றல் கிடைக்கும். இதன் காரணமாக சோர்வு இருக்காது மற்றும் மன அழுத்தமும் நீங்கும். எனவே கோடையில் லஸ்ஸி குடிப்பது நன்மை பயக்கும்.
4. நோய் எதிர்ப்பு சக்தியை அதிகரிக்கும்
லஸ்ஸி குடிப்பதால் உடலின் நோய் எதிர்ப்பு சக்தியும் வலுவடைகிறது. ஏனெனில் இதில் உள்ள லாக்டிக் அமிலம் உடலின் நோய் எதிர்ப்பு சக்தியை அதிகரிக்கிறது. அதேசமயம் லஸ்ஸியில் உள்ள புரோபயாடிக் சத்துக்கள் உடலின் நோய் எதிர்ப்பு சக்தியை வலுவாக வைத்திருக்க உதவுகிறது. இது தவிர லஸ்ஸி குடிப்பதால் பாக்டீரியாவை எதிர்த்து போராடும் திறன் அதிகரிக்கிறது.
5. எடை குறைவாக இருக்கும்
லஸ்ஸி உடல் எடையை குறைக்க உதவிகரமாகவும் கருதப்படுகிறது. உண்மையில், லஸ்ஸி தயிரில் இருந்து தயாரிக்கப்படுகிறது மற்றும் தயிர் குறைந்த கொழுப்பு என்று கருதப்படுகிறது, இது தவிர, அதிக புரதமும் லஸ்ஸியில் காணப்படுகிறது, இது உடல் எடையை கட்டுக்குள் வைத்திருக்கும். அதேசமயம் லஸ்ஸி உடலையும் குளிர்ச்சியாக வைத்திருக்கும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள். ZEE NEWS இதற்கு பொறுப்பேற்காது)
மேலும் படிக்க | மக்களே உஷார்..! ‘இந்த’ வகை உணவுகளால் புற்றுநோய் வரலாம்..!
