இன்று இந்திய வரலாற்றில் மிக முக்கியமான நாள். இந்தியாவின் மூன் மிஷனான சந்திரயான்-3 இன்று மாலை நிலவின் மேற்பரப்பில் தரையிறங்க உள்ளது. வரலாற்று சிறப்புமிக்க இந்த நிகழ்வுக்காக இந்தியா மட்டுமல்லாமல் உலகமே ஆவலோடு காத்திருக்கின்றது. இந்தியா முழுவதும் இதற்காக பல வித பிரார்த்தனைகள் நடந்து வருகின்றன. இந்தியர்கள் அனைவரும் இந்த செயல்திட்டத்தின் வெற்றிக்காக ஆவலோடு காத்திருக்கிறார்கள். நிலவில் விக்ரம் தரையிறங்கும் அந்த கடைசி 20 நிமிடங்கள் மிக முக்கியமான நிமிடங்களாக இருக்கும் என கூறப்படுகின்றது. இதை விஞ்ஞானிகள் ‘20 மினிட்ஸ் ஆஃப் டெரர்’ என விவரித்துள்ளார்கள்.
உலகமே விக்ரம் நிலவில் தரையிறங்கும் அந்த தருணத்திற்காக காத்திருக்கும் அந்த வேளையில், இந்த மிகப்பெரிய நிகழ்வு பற்றிய முக்கிய சில அம்சங்களை பற்றி இந்த பதிவில் காணலாம்.
- நிலவில் லேண்டர் விக்ரம் தரையிறங்கும் நேரம் - மாலை 6.04 மணி: இந்த நிகழ்வு நாடு முழுவதும் நேரடியாக ஒளிபரப்பப்படும். இதற்காக பள்ளிகள் அதுவரை திறக்கப்பட்டிருக்கும். இந்த வரலாற்று தருணத்தை எதிர்பார்த்து விண்வெளி ஆர்வலர்கள் விருந்துகளை ஏற்பாடு செய்து வருகின்றனர். தென்னாப்பிரிக்காவில் நடைபெறும் பிரிக்ஸ் மாநாட்டில் கலந்து கொள்ள அங்கு சென்றுள்ள பிரதமர் நரேந்திர மோடி, நாட்டு மக்களுடன் இணைய வழியாக இணைவார்.
- ஞாயிற்றுக்கிழமை தரையிறங்கும் முயற்சியில் நிலவின் மேற்பரப்பில் விழுந்து ரஷ்ய நிலவு மிஷன் லூனா-25 தோல்வியடைந்தது. இதைத் தொடர்ந்து இந்தியாவின் மிஷன் சந்திரயான்3 இன் மீதான் சஸ்பென்ஸ் இன்னும் அதிகரித்துள்ளது.
- 2019 ஆம் ஆண்டில், சந்திரயான் -2 பனி பள்ளங்கள் மற்றும் ஆழமான அகழிகள் நிறைந்த அதே பகுதியில் பாதுகாப்பாக தரையிறங்க முடியாமல் தோல்வியை தழுவியது.
மேலும் படிக்க | சாதனை படைக்க நிலவில் தரையிறங்கும் சந்திரயான் - 3... நாடு முழுவதிலும் பிரார்த்தனைகள்!
- விஞ்ஞானிகள் சந்திரயான்-2ல் இருந்து கற்றுக்கொண்ட அனைத்து மதிப்புமிக்க பாடங்களையும் நினைவில் கொண்டு இதில் தேவையான நடவடிக்கைகளை எடுத்துள்ளதால், தரையிறக்கம் தடையின்றி நடைபெறும் என்று விண்வெளி நிறுவனமான இஸ்ரோ நம்பிக்கை தெரிவித்துள்ளது.
- இந்த நிகழ்வின் நேரடி ஒளிபரப்பு இஸ்ரோ இணையதளம், யூடியூப் சேனல் மற்றும் டிடி நேஷனல் மூலம் மாலை 5.20 மணிக்கு தொடங்கும். மாலை 6.04 மணிக்கு, விக்ரம் லேண்டர், ரோவர் பிரக்யானை ஏற்றிக்கொண்டு, சந்திரனின் தென் துருவத்தில் மெதுவாக தரையிறங்க முயற்சிக்கும்.
- இடம் கவனமாக தேர்வு செய்யப்பட்டுள்ளது. நீரின் தடயங்களை வழங்கிய பகுதி, சந்திர நீர் பனியின் திறவுகோலையும் வைத்திருக்கும் என்று எதிர்பார்க்கப்படுகிறது. இது மிகவும் மதிப்புமிக்க வளமாக இருக்கலாம். சந்திரனின் மேற்பரப்பில் தண்ணீர் இருப்பதை 2009 இல் இஸ்ரோவின் சந்திரயான்-1 ஆய்வுக் கப்பலில் இருந்த நாசா கருவி கண்டறிந்தது.
- நீரின் இருப்பு எதிர்கால நிலவு பயணங்களுக்கு நம்பிக்கை அளிக்கிறது. இது குடிநீர் ஆதாரமாகவும், உபகரணங்களை குளிர்விக்கவும் பயன்படலாம். மேலும் இதை உடைத்து ஆக்ஸிஜனை உருவாக்கவும் ஆய்வுகள் மேற்கொள்ளப்படும். இது கடல்களின் தோற்றம் பற்றிய தடயங்களையும் கொண்டிருக்கலாம்.
- ரஷ்யா, அமெரிக்கா மற்றும் சீனாவைத் தொடர்ந்து நிலவில் ரோவரை தரையிறக்கும் நான்காவது நாடு இந்தியா.
- திட்டமிட்டபடி அனைத்தும் நடந்துவருவதாகவும், அமைப்புகள் வழக்கமான சோதனைகளுக்கு உட்படுத்தப்பட்டு வருவதாகவும் இஸ்ரோ செவ்வாயன்று கூறியது. "ஸ்மூத் செய்லிங் தொடர்கிறது. இஸ்ரோவில் உள்ள மிஷன் ஆபரேஷன்ஸ் வளாகம் உற்சாகத்தின் உச்சக்கட்டத்தில் உள்ளது!” என இஸ்ரோ எக்ஸ் (முன்பு ட்விட்டர்) -இல் பதிவிட்டிருந்தது. 70 கிமீ உயரத்தில் இருந்து எடுக்கப்பட்ட நிலவின் புகைப்படங்களையும் இஸ்ரோ வெளியிட்டுள்ளது.
- LVM 3 ஹெவி-லிஃப்ட் ஏவுகணை வாகனத்தில் அமர்ந்து மூன் லேண்டர் ஜூலை 14 அன்று ஏவப்பட்டது. இது ஆகஸ்ட் 5 ஆம் தேதி நிலவின் சுற்றுப்பாதையில் நிலைநிறுத்தப்பட்டது. இந்திய விண்வெளித் திட்டத்தின் தந்தை என்று பரவலாகக் கருதப்படும் விக்ரம் சாராபாய் நினைவாக விக்ரம் என லேண்டருக்குப் பெயரிடப்பட்டது.
- நிலவு பயணத்திற்குப் பிறகு, இஸ்ரோ பல திட்டங்களை வரிசைப்படுத்தியுள்ளது. அவற்றில் ஒன்று சூரியனை ஆய்வு செய்வதற்கான ஒரு பணி, மற்றும் ஒரு மனித விண்வெளி விமான திட்டமான ககன்யான். சூரியனை ஆய்வு செய்யும் முதல் விண்வெளி அடிப்படையிலான இந்திய ஆய்வகமான ஆதித்யா-எல்1, பெரும்பாலும் செப்டம்பர் முதல் வாரத்தில் ஏவுதலுக்கு தயாராகி வருகிறது.
மேலும் படிக்க | Chandrayaan-3: நாளை நிலவில் தரையிறங்கும் சந்திரயான் - 3 விண்கலம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
