நாட்டில் ஸ்மார்ட்போன்களை பயன்படுத்துவபவர்கள் அனைவரும் ஏறத்தாழ கூகுள் பே, பேடிஎம் மற்றும் போன்பே உள்ளிட்ட செயலிகளை பணப்பரிவர்த்தனைகளுக்காக பயன்படுத்த தொடங்கிவிட்டனர். யுபிஐ ஐடி மூலம் பணப் பரிவர்த்தனை செய்வது வாடிக்கையாளர்களுக்கு மிகவும் எளிமையாக இருக்கிறது. NPCI (National Payments Corporation of India) தரவுகளின்படி செப்டம்பர் மாதத்தில் UPI பரிவர்த்தனைகள் மட்டும் ₹11 லட்சம் கோடியைத் தாண்டியுள்ளது.
இத்தனை லட்சம் கோடிகள் அனைத்தையும் கையில் இருக்கும் ஒரு தொலைபேசியைக் கொண்டே மக்கள் பரிவர்த்தனை செய்திருக்கின்றனர். இருப்பினும் இதில் கவனமாக இருக்க வேண்டிய அம்சங்களும் இருக்கின்றன. ஆன்லைன் ஹேக்கர்களிம் இருந்து தப்பிப்பது எப்படி? மொபைல் தொலைந்தால் உடனே யுபிஐ ஐடிகளை பிளாக் செய்வது எப்படி? போன்ற அடிப்படையான விஷயங்களை நாம் கட்டாயம் தெரிந்துவைத்திருக்க வேண்டும்.
ஏதாவதொரு சமயத்தில் நீங்கள் மொபைலை தொலைத்துவிட்டால், கட்டாயம் யுபிஐ ஐடியை பிளாக் செய்ய வேண்டும் அல்லது உங்கள் மொபைலில் இருந்து வங்கி தொடர்பை செயலிழக்க செய்ய வேண்டும். இந்த இரண்டுக்கும் ஏதேனும் வழி இருக்கிறதா என்பதை இங்கு பார்ப்போம்.
மேலும் படிக்க |Aadhaar Centre: உங்கள் வீட்டின் அருகில் ஆதார் மையம் எங்குள்ளது? கண்டறிவது எப்படி?
ஹெல்ப்லைன் எண்கள்
உங்கள் Google Pay அல்லது Paytm கணக்கைத் தடுக்க, முறையே 18004190157 / 01204456456 என்ற எண்ணில் வாடிக்கையாளர் சேவையைத் தொடர்புகொள்ளவும். PhonePe க்கு, 08068727374 அல்லது 02268727374 என்ற எண்ணை அழைத்து, வழிமுறைகளைப் பின்பற்றவும்.
நீங்கள் செய்ய வேண்டியது இதுதான்
* வாடிக்கையாளர் சேவை மையத்தை அணுகவும்.
* தொலைந்த போனின் விருப்பத்தைத் தேர்வு செய்யவும்.
* ‘வேறு ஃபோன் எண்ணை உள்ளிடுவதற்கான’ விருப்பத்தைத் தேர்ந்தெடுத்து, நீங்கள் தடுக்க விரும்பும் கணக்குடன் இணைக்கப்பட்ட எண்ணை உள்ளிடவும்.
* எல்லா சாதனங்களிலிருந்தும் வெளியேறும் விருப்பத்தைத் தேர்ந்தெடுக்கவும்.
Paytm பயனர்கள் அதிகாரப்பூர்வ இணையதளத்திற்குச் சென்று மோசடியைப் புகாரளிப்பதன் மூலம் தங்கள் கணக்குகளைத் தற்காலிகமாகத் தடுக்கலாம். அவர்கள் டெபிட் அல்லது கிரெடிட் கார்டு அறிக்கை அல்லது எஸ்எம்எஸ் மூலம் கணக்கின் உரிமைச் சான்றுகளை வழங்க வேண்டும். சரிபார்த்த பிறகு, கணக்கு தற்காலிகமாக தடுக்கப்படும்.
மொபைலில் உள்ள டேட்டாவை அழிப்பது எப்படி?
Android பயனர்கள் 'android.com/find' மூலம் தரவைக் கண்டறியலாம், லாக் செய்யலாம் அல்லது அழிக்கலாம். உங்கள் ஜிமெயில் கணக்கில் உள்நுழையவும். உங்கள் மெயில் ஐடியுடன் பல சாதனங்கள் இணைக்கப்பட்டிருந்தால், நீங்கள் இழந்த ஸ்மார்ட்போனைத் தேர்ந்தெடுத்து, தரவை அழிக்கவும். Apple (iOS) பயனர்கள் ஃபோன் டேட்டாவை அழிக்க Find My App ஐப் பயன்படுத்தலாம்.
மேலும் படிக்க | PAN Card தொலைந்துவிட்டதா? புதிய பான் கார்டை பெறுவது எப்படி? முழு செயல்முறை இதோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
