உடல் எடையை குறைக்கும் வீட்டில் தயாரிக்கப்படும் பானம்: உங்கள் எடை அதிகரிப்பு மற்றும் தொங்கும் தொப்பை ஆகியவற்றால் நீங்கள் சங்கடமாக உணர்கிறீர்களா? உடல் எடையை குறைக்க எளிதான வீட்டு வைத்தியத்தை நீங்கள் தேடுகிறீர்களானால், கண்டிப்பாக இந்த கட்டுரையை கடைசி வரை படியுங்கள். உடல் எடை அதிகரிப்பது இன்றைய காலத்தில் பலருக்கு இருக்கும் பெரிய பிரச்சனை. உடல் எடையை குறைக்க மக்கள் பல்வேறு நடவடிக்கைகளை மேற்கொள்கின்றனர். இதற்காக உணவுக் கட்டுப்பாடு முதல் உடற்பயிற்சி வரை அனைத்தையும் செய்கிறார்கள். ஆனால், பலமுறை கடுமையாக உழைத்தும் அவர்களால் விரும்பிய பலனைப் பெற முடிவதில்லை. நீங்களும் உடல் எடையை குறைக்க விரும்பினால், இன்று முதல் சமையலறையில் இருக்கும் இரண்டு மசாலாப் பொருட்களை உட்கொள்ளத் தொடங்குங்கள். ஆம், நாம் சீரகம் மற்றும் ஓமம் பற்றி தான் பேசுகிறோம். உணவின் சுவையை அதிகரிப்பது மட்டுமல்லாமல், இந்த இரண்டு மசாலாப் பொருட்களும் ஆரோக்கியத்திற்கும் மிகவும் நன்மை பயக்கும். தினமும் காலையில் சீரகம் மற்றும் ஓமத் தண்ணீரை தொடர்ந்து குடித்து வந்தால், உடல் எடையை எளிதில் குறைக்கலாம். எனவே அதை செயல்முறை மற்றும் பலன்களை தெரிந்து கொள்வோம் வாருங்கள்.
எடையைக் குறைப்பதில் சீரகம் மற்றும் ஓமம் எவ்வாறு பயனுள்ளதாக இருக்கும்?
சீரகத்தின் நன்மைகள்
சீரகத்தில் ஆன்டி-ஆக்ஸிடன்ட்கள் நிறைந்துள்ளன, இது எடை குறைக்க உதவுகிறது. இது ஹைப்போலிபிடெமிக் பண்புகளைக் கொண்டுள்ளது, இது உடலில் அதிக அளவு கொழுப்பைக் கட்டுப்படுத்துகிறது. இதனை உட்கொள்வதால் செரிமான மண்டலம் வலுவடைகிறது. இது எடை இழப்புக்கும் பங்களிக்கிறது.
மேலும் படிக்க | இதய ஆரோக்கியம் முதல் நோயெதிர்ப்பு சக்தி வரை! கருப்பு பூண்டின் மேஜிக் மகிமைகள்!
ஓமத்தின் நன்மைகள்
ஓமத்தில் பல ஊட்டச்சத்துக்கள் காணப்படுகின்றன. வைட்டமின்கள், நார்ச்சத்துகள், தாதுக்கள் மற்றும் ஆக்ஸிஜனேற்றங்கள் இதில் ஏராளமாக உள்ளன. இது அதிக கொழுப்பு மற்றும் ட்ரைகிளிசரைடு அளவைக் குறைக்க உதவுகிறது. இதில் தைமால் என்ற கலவை உள்ளது, இது செரிமானத்தை மேம்படுத்தவும் எடை குறைக்கவும் உதவுகிறது. ஓமத்தை உட்கொள்வது வளர்சிதை மாற்றத்தை அதிகரிக்கிறது, இது உடலில் குவிந்துள்ள கூடுதல் கொழுப்பை எரிக்க உதவுகிறது.
சீரகம் மற்றும் ஓம தண்ணீர் செயல்முறை:
தேவையான பொருட்கள்-
1 தேக்கரண்டி சீரகம்
1 தேக்கரண்டி ஓமம்
1 கிளாஸ் தண்ணீர்
1 தேக்கரண்டி எலுமிச்சை சாறு
செயல்முறை-
சீரகம் மற்றும் ஓமத் தண்ணீர் தயார் செய்ய, முதலில் ஒரு கிளாஸ் தண்ணீரில் ஒரு ஸ்பூன் சீரகம் மற்றும் ஒரு ஸ்பூன் ஓமம் சேர்த்து இரவு முழுவதும் ஊற வைக்கவும். மறுநாள் காலையில் இந்த தண்ணீரை ஒரு பாத்திரத்தில் ஊற்றி சூடாக்கவும். சுமார் 5-10 நிமிடங்கள் நன்றாக கொதிக்க வைக்கவும். அதன் பிறகு, இந்த தண்ணீரை ஒரு கிளாஸில் வடிகட்டவும். சிறிது ஆறிய பின் எலுமிச்சை சாறு சேர்த்து குடிக்கலாம்.
சீரகம் மற்றும் ஓமத் தண்ணீர் குடிப்பது எப்படி?
எடை இழப்புக்கு, காலையில் வெறும் வயிற்றில் ஒரு கிளாஸ் சீரகம் மற்றும் ஓமத் தண்ணீரை உட்கொள்ளுங்கள். இதனை தொடர்ந்து உட்கொள்வதன் மூலம் உங்கள் எடையை 4 முதல் 5 கிலோ வரை குறையலாம். கூடுதலாக, இது வயிற்றில் குவிந்துள்ள கொழுப்பைக் குறைப்பதில் பயனுள்ளதாக இருக்கும்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | தொப்பை அதிரடியாக குறைய இந்த ஸ்பெஷல் தண்ணீரை குடியுங்கள் போதும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
