நாட்டில் வந்தே பாரத் எக்ஸ்பிரஸ் ரயில்களின் எண்ணிக்கை தொடர்ந்து அதிகரித்து வருகிறது. ரயில்வேயில் அதிக வேக ரயில்களின் அறிமுகங்களும் தொடர்ந்து அதிகரித்து வரும் நிலையில், வந்தே பாரத் எக்ஸ்பிரஸ் மேலும் 5 புதிய வழித்தடங்களில் துவக்கப்படுகிறது. நாட்டில் இதுவரை 18 வழித்தடங்களில் வந்தே பாரத் ரயில்கள் இயக்கப்படுகின்றன. இப்போது முதல் முறையாக ஒரே நேரத்தில் 5 வழித்தடங்களில் ஐந்து வந்தே பாரத் ரயில்கள் தொடக்கப்பட உள்ளன. நாட்டில் ஒரே நேரத்தில் ஐந்து வந்தே பாரத் ரயில்களை பிரதமர் மோடி ஜூன் 27ஆம் தேதி கொடியசைத்து தொடங்கி வைக்கிறார். முதல் முறையாக இந்திய ரயில்வே ஒரே நேரத்தில் 5 வந்தே பாரத் ரயில்களை துவக்க உள்ள நிலையில், இந்த 5 ரயில்கள் இணைந்தால், நாட்டின் மொத்த ரயில்களின் எண்ணிக்கை 23 ஆக உயரும்.
முதல் வந்தே பாரத் ரயில் சேவையை பெறும் பீகார்
முதன்முறையாக பீகாரும் வந்தே பாரத் ரயில் சேவையை பெறப் போகிறது. பாட்னா மற்றும் ராஞ்சி இடையே ஓடும் அரை அதிவேக ரயிலை பிரதமர் நரேந்திர மோடி காணொலி காட்சி மூலம் காலை 10:30 மணிக்கு தொடங்கி வைக்கிறார். அதற்கான ஏற்பாடுகள் தொடங்கப்பட்டுள்ளன. வந்தே பாரத் ரயில் ஜூன் 26 அன்று ராஞ்சியை அடையும். சென்னையிலிருந்து பாட்னாவுக்கு வந்தே பாரதத்தின் இரண்டு ரயில்கள் வந்துள்ளன. இதில், ஒன்று எட்டு போகிகளையும், மற்றொன்று 16 போகிகளையும் கொண்டது.
இந்தூர்-போபால் வந்தே பாரத் எக்ஸ்பிரஸ்
ரயில் எண் 20911/20912 இந்தூரில் இருந்து காலை 6:30 மணிக்கு புறப்படும். இந்த ரயில் 9:35 மணிக்கு போபாலை சென்றடையும். பின்னர், இந்த ரயில் போபாலில் இருந்து இரவு 7:25 மணிக்கு புறப்படும். இந்த ரயில் இரவு 10:30 மணிக்கு இந்தூரை சென்றடையும். இந்த வந்தே பாரத் ரயில் ஞாயிற்றுக்கிழமை தவிர வாரத்தில் ஆறு நாட்களும் இயக்கப்படும். இதில் எட்டு ரயில் பெட்டிகள் இருக்கும். இந்த ரயில் வரும் வழியில் உஜ்ஜைனி நிலையத்தில் நிற்கும்.
ஜபல்பூர்-ராணி கமலாபதி வந்தே பாரத் எக்ஸ்பிரஸ்
ரயில் எண் 20174/20173 ஜபல்பூரில் இருந்து காலை 6:00 மணிக்கு புறப்பட்டு, 6:55 மணிக்கு நரசிங்பூரையும், 7:55 மணிக்கு பிபரியாவையும், 9:23 மணிக்கு நர்மதாபுரத்தையும், 10:35 மணிக்கு RKMP சென்றடையும். இதேபோல் (20173) RKMP-ஜபல்பூர் வந்தே பாரத் RKMP இல் இருந்து இரவு 07:00 மணிக்கு புறப்படும். இரவு 7:51 மணிக்கு நர்மதாபுரத்தையும், இரவு 9:15 மணிக்கு பிபரியாவையும், இரவு 10:15 மணிக்கு நரசிங்பூரையும், இரவு 11:35 மணிக்கு ஜபல்பூரையும் சென்றடையும். வரும் போது மற்றும் செல்லும் போது, நர்மதாபுரம், பிபாரியா மற்றும் நரசிங்பூர் ஆகிய இடங்களில் 2-2 நிமிடங்கள் நிறுத்தப்படும். இந்த ரயில் செவ்வாய்க்கிழமை தவிர வாரத்தில் ஆறு நாட்களும் இயக்கப்படும்.
பாட்னா-ராஞ்சி வந்தே பாரத் எக்ஸ்பிரஸ்
ரயில் எண் 22349/22350 பாட்னா-ராஞ்சி வந்தே பாரத் எக்ஸ்பிரஸ் ரயில் பாட்னா சந்திப்பில் இருந்து காலை 7:00 மணிக்கு புறப்பட்டு மதியம் 1:00 மணிக்கு ராஞ்சியை சென்றடையும். பதிலுக்கு இந்த ரயில் ராஞ்சியில் இருந்து மாலை 4.15 மணிக்கு புறப்பட்டு இரவு 10.05 மணிக்கு பாட்னா சென்றடையும். பாட்னா மற்றும் ராஞ்சி இடையேயான 385 கிமீ தூரத்தை இந்த ரயில் கடக்க, 6 மணி 15 நிமிடம் ஆகும். இந்த ரயில் செவ்வாய்க்கிழமை தவிர வாரத்தில் ஆறு நாட்கள் இயக்கப்படும்.
பெங்களூர்-தர்வாட் வந்தே பாரத் எக்ஸ்பிரஸ் ரயில்
ரயில் எண் 20661/20662 பெங்களூரு சிட்டி - தார்வாட் வந்தே பாரத் எக்ஸ்பிரஸ் ரயில் பெங்களூரில் இருந்து காலை 5:45 மணிக்கு புறப்படும். இந்த ரயில் 12:10 மணிக்கு தார்வாடை சென்றடையும். ம்று மார்க்கத்தில், இந்த ரயில் மதியம் 1:15 மணிக்கு தார்வாட்டில் இருந்து புறப்படும். இந்த ரயில் பெங்களூரு நகரை இரவு 7.45 மணிக்கு சென்றடையும். இந்த ரயில் செவ்வாய்க்கிழமை தவிர வாரத்தில் ஆறு நாட்கள் இயக்கப்படும்.
CSMT - மட்கான் வந்தே பாரத் எக்ஸ்பிரஸ்
ரயில் எண் 22229/22230 மும்பையில் உள்ள சத்ரபதி சிவாஜி மகாராஜ் டெர்மினஸ் (CSMT) மற்றும் கோவாவில் உள்ள மட்கான் இடையே இயக்கப்படும். இந்த ரயில் சிஎஸ்எம்டியில் இருந்து காலை 5.25 மணிக்கு புறப்படும். இந்த ரயில் மதியம் 1.10 மணிக்கு மட்கான் சென்றடையும். பதிலுக்கு இந்த ரயில் மட்கானில் இருந்து மதியம் 2.40 மணிக்கு புறப்படும். இந்த ரயில் சிஎஸ்எம்டியை இரவு 10:25 மணிக்கு சென்றடையும். இந்த ரயில் வெள்ளிக்கிழமை தவிர வாரத்தில் ஆறு நாட்களும் இயக்கப்படும். அதே நேரத்தில், மழைக்காலங்களில் இந்த ரயிலின் நேரம் மாறும். பருவமழை காலத்தில், இந்த ரயில் வாரத்தில் திங்கள், புதன் மற்றும் வெள்ளி ஆகிய மூன்று நாட்கள் இயக்கப்படும். இந்த ரயில் சிஎஸ்எம்டியில் இருந்து காலை 5.25 மணிக்கு புறப்படும். மாலை 3:30 மணிக்கு மட்கானை சென்றடையும். மறு மார்க்கமாக, இந்த ரயில் மட்கானில் இருந்து 12:20 மணிக்கு புறப்படும். இந்த ரயில் சிஎஸ்எம்டியை 10:25க்கு சென்றடையும்.
முதல் வந்தே பாரத் ரயில்
நாட்டில் 18 வந்தே பாரத் ரயில்கள் வெற்றிகரமாக இயங்கி வருவது குறிப்பிடத்தக்கது. முதலாவதாக, 2019 ஆம் ஆண்டில், முதல் வந்தே பாரத் ரயில் புது தில்லி-வாரணாசி இடையே இயக்கப்பட்டது. இதைத் தொடர்ந்து, புதுடெல்லி-ஸ்ரீ மாதா வைஷ்ணோ தேவி கத்ரா இடையே வந்தே பாரத் ரயில் இயக்கப்பட்டது. மூன்றாவது வந்தே பாரத் ரயில் காந்திநகர் மற்றும் மும்பை இடையே இயக்கப்பட்டது. இதேபோல், வந்தே பாரத் எக்ஸ்பிரஸ் நாட்டின் பல்வேறு மாநிலங்களில் இருந்து தொடங்கப்பட்டது.
சென்னை - கோயம்புத்தூர் வந்தே பாரத் எக்ஸ்பிரஸ்
சமீபத்தில், இந்தியாவின் 14வது வந்தே பாரத் எக்ஸ்பிரஸ் ரயில் சேவை சென்னை மற்றும் கோயம்புத்தூர் இடையே கடந்த ஏப்ரல் மாதம் 8ம் தேதி தொடங்கப்பட்டது. பிரதமர் நரேந்திர மோடி சென்னையில் ரயில் சேவையை கொடியசைத்து தொடங்கி வைத்தார். இதன் மூலம் இரு நகரங்களுக்கும் இடையேயான பயண நேரம் 5 மணி நேரம் 50 நிமிடங்களாக குறைந்துள்ளது. நாட்டின் பல்வேறு பகுதிகளுக்கு ஒரே நேரத்தில் இந்திய ரயில்வேயின் வந்தே பாரத் ரயில்கள் தொடக்கி வைக்கப்படும் போது, இது நாட்டிற்கு ஒரு வரலாற்று தருணமாக இருக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
