12 ராசிகளுள் பலர், அறிவுக்கூர்மை பெற்றவர்களாக இருப்பார்கள். ஆனால், ஒரு சில குறிப்பிட்ட ராசியை சேர்ந்தவர்கள் மட்டுமே பிறக்கும் போதே அறிவாளிகளாக பிறப்பார்கள் என்று கூறப்படுகிறது. யார் அந்த 5 அறிவாளி ராசிக்காரர்கள்? இங்கே பார்ப்போம்.
1. மிதுனம்:
மிதுன ராசிக்காரர்களை பொதுவாக அறிவுக்கூர்மை பெற்றவர்கள் என பலர் கூறுவதுண்டு. இவர்களுக்கு பொதுவாகவே பிறருடன் உரையாடுவது, தான் என்ன நினைக்கிறோம் என்பதை தெரிவிப்பது போன்ற விஷயங்களில் தயக்கம் இருக்காது. எந்த மாதிரியான சூழ்நிலையாக இருந்தாலும் அதை எளிதில் சமாளிக்கும் திறனும் அதை தனக்கு சாதகமாக மாற்றும் திறனும் இருக்கும். இவர்களுக்கு தினம் தினம் ஏதாவது ஒரு விஷயத்தை கற்றுக்கொள்ள பிடிக்கும். ஒரே நேரத்தில் பல விதமான வேலைகளை செய்யவும் இவர்கள் தயங்க மாட்டார்கள். சவால்கள் நிறைந்த வாழ்க்கயை விரும்புபவர்கள், மிதுன ராசிக்காரர்கள்.
2.கும்பம்:
கும்ப ராசியை சேர்ந்தவர்கள், எப்போதும் பலருக்கும் முன்னோடியாக திகழ்வார்கள். இவர்கள், தங்களின் தனித்துவமான சிந்தனைக்கு பெயர் பெற்றவர்களாக இருப்பார்கள். உலகம் மாற மாற அதனுடன் சேர்ந்து புதிய விஷயங்களை கற்றுக்கொண்டு மாறுபவர்கள், கும்ப ராசிக்காரர்கள். இவர்களின் அறிவுக்கூர்மையே பலரை இவர்கள் பக்கம் இழுக்கும். அனைவரையும் விட அனைத்திலும் இவர்கள் ஒரு படி முன்னால் இருப்பார்கள். அதனால் பலர் இவர்களை பின் தொடருவர்.
மேலும் படிக்க | அக்டோபர் மாதம் எந்தெந்த ராசிகளுக்கு காதல் செட் ஆகும்..? இதோ காதல் ராசி பலன்கள்..!
3.கன்னி:
தன்னை சுற்றி என்ன நடந்தாலும் அதை உன்னிப்பாக கவனிக்கும் திறன் கொண்டவர்கள், கன்னி ராசிக்காரர்கள். சில சூழ்நிலைகளில் என்ன நடக்கும், அதன் விளைவு என்னவாக இருக்கும் என்ற அளவிற்கு இவர்களால் கணித்து கூற முடியும். அந்த அளவிற்கு பகுப்பாய்வு மனப்பான்மை கொண்டவர்களாக இருப்பார்கள், கன்னி ராசிக்காரர்கள். கடினமான சூழ்நிலைகளிலும் அதற்கான தீர்வை கண்டுபிடிக்கும் அளவிற்கு இவர்களுக்கு அறிவுக்கூர்மை இருக்கும். அந்த அறிவை வளர்த்துக்கொள்ள எப்போதும் இவர்கள் தயங்குவதில்லை.
4.விருச்சிகம்:
விருச்சிக ராசிக்காரர்கள் எப்போதும் மர்மம் நிறைந்தவர்களாக இருப்பார்கள். “அறிவாளிகள் பிறரிடம் அதிகமாக பேச மாட்டார்கள்” என்ற பழமொழி ஒன்று உள்ளது. அதற்கு ஏற்றார் போல, இவர்கள் பெரிதாக பேசா விட்டாலும் இவர்களின் அறிவுக்கூர்மை வெளிபடும் சமயங்களில் சுற்றி இருப்பவர்கள் வாயடைத்து போய் விடுவர். இவர்கள், ஒரு அறைக்குள் நுழைகிறார்கள் என்றால், அங்கு என்ன நடக்கிறது என்பதை பிறர் கூறாமலேயே கண்டுபிடித்து விடுவர். தன்னிடம் பேசுபவர் என்ன யோசிக்கிறார் என்பதை கூட இவர்களால் அவர்களின் முகத்தை பார்த்து கண்டுபிடித்து விட முடியும். தனித்துவமாக யோசித்து செயல்படும் திறன் இவர்களிடம் அதிகமாக உள்ளது. இந்த குணாதிசயம் இவர்களை எப்போதும் வெற்றி பாதையில் அழைத்துச்செல்லும்.
5.தனுசு:
உளவியல் ரீதியாக அறிவாளிகளாக விளங்குபவர்கள், தனுசு ராசிக்காரர்கள். இவர்களுக்கு தத்துவம் பேசவும் தத்துவம் பேசுபவர்களையும் மிகவும் பிடிக்கும். தன் துறை சார்ந்து அல்லாது வேறு எந்த துறையாக இருந்தாலும் அது சார்ந்த விஷயங்களை கற்றுக்கொள்ள வேண்டும் என்று எண்ணும் ராசிக்காரர்கள், தனுசு ராசியை சேர்ந்தவர்கள்.
எந்த விஷயத்தை எடுத்தாலும் அதை தெளிவாக புரிந்து கொண்டு அதில் தனது அறிவை வளர்த்துக்கொள்ள வேண்டும் என்று இவர்கள் நினைப்பதுண்டு. இவர்களில் பலர், நல்ல படைப்பாளிகளாக இருப்பார்கள். சிலர், நல்ல கதை சொல்லும் திறன் கொண்டவர்களாக இருப்பார்கள். பலருக்கு பல விஷயங்களை கற்றுக்கொடுப்பவர்களாகவும் இவர்கள் விளங்குவார்கள். இதுவே இவர்களை புத்திசாலிகளாகவும் பெரிய ஞானியாகவும் மாற்றும்.
மேலும் படிக்க | ‘இந்த’ 6 ராசிக்காரர்களுக்கு பொறுப்பே இருக்காது..! யார் அவர்கள்..?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
