சென்னை: ஒரு வலைத் திரைப்படத்தின் தயாரிப்பாளர்களை அதன் தலைப்பை மாற்றுமாறு மெட்ராஸ் உயர்நீதிமன்றம் (Madras High Court) புதன்கிழமை உத்தரவிட்டதுடன், இந்த படம் முந்தைய நடிகை பானுமதியின் வாழ்க்கை வரலாறு அல்ல என்று மறுப்பு தெரிவித்தது. பானுமதி மற்றும் ராமகிருஷ்ணா ஆகியோரின் மகன் டாக்டர் பரணி ஆர் பலுவால் (Dr Bharani R Paluval) தாக்கல் செய்த மனுவை நீதிபதி என் சதீஷ்குமார் (Justice N Sathish Kumar) விசாரித்தார். அவர் திரைப்பட தயாரிப்பாளர்களிடம் “பானுமதி ராமகிருஷ்ணா” (Banumathi Ramakrishna) என்ற தலைப்பை எந்த வகையிலும் பயன்படுத்தக்கூடாது என்று உத்தரவாதம் அளிக்க வேண்டும் என கோரினார்.
வலைத் திரைப்படத்தின் (Web film) அசல் தலைப்பு, அல்லது வரவிருக்கும் எந்தவொரு படத்திலும், நடிகையின் பெயரைக் கேவலப்படுத்தும் என்று மனுதாரர் வாதிட்டார். இந்த திரைப்படத்தின் டிரைலர் காட்சிகளை பார்க்கும்போது பெற்றோரின் நற்பெயருக்கு களங்கம் ஏற்படுத்தும் விதமாக உள்ளது. இது உடல் மற்றும் மன வேதனையை ஏற்படுத்தியதாகவும், மேலும் தனது தாயின் பெயரை அனுமதியின்றி பயன்படுத்தியதால் ரூ .1 கோடி (Rs 1 Crore) இழப்பீடு வழங்க வேண்டும் எனவும் கோரிக்கை வைத்தார். அதுமட்டுமில்லாமல் இந்த படத்திற்கு தடை விதிக்க வேண்டும் எனவும் கூறினார்.
பிற செய்தி | கொரோனா பாதிப்பு எதிரொலி; சந்தையில் காய்கறி விற்கும் பிரபல நடிகர்..
பிற செய்தி | பாடகி எஸ்.ஜானகி மரணம் குறித்த வதந்திக்கு முற்றுப்புள்ளி வைத்த மகன்...!!
அதேநேரத்தில் திரைப்பட தயாரிப்பாளர் தரப்பில், எங்கள் படத்துக்கும் நடிகை பானுமதிக்கும் எந்த சம்பந்தம் இல்லை. இது ஒரு காதல் கதை அடிப்படையில் எடுக்கப்பட்டது. சமூகத்தில் ஒருவர் பிரபலமாக இருந்தால், அவரின் பெயருக்கு காப்புரிமை கோர முடியாது. இந்த திரைப்படம் இன்று வெளியாக உள்ளதால், படத்திற்கு தடை விதிக்கக்கூடாது என கூறப்பட்டது.
இருதரப்பு வாதங்களை கேட்ட நீதிபதி, திரைப்படத்திற்கு தடை விதிக்க முடியாது. அதேநேரத்தில் படத்தின் தலைப்பை மாற்ற வேண்டும் எனவும் நீதிபதி உத்தரவிட்டார். இதை இருதரப்பும் ஒப்புக்கொண்டதை அடுத்து, இந்த வழக்கு முடித்து வைக்கப்பட்டது. ஸ்ரீகாந்த் நாகோதி (Srikanth Nagothi) இயக்கியுள்ள இப்படம் வெள்ளிக்கிழமை வலை வெளியீடுக்கு வருகிறது.
