December 2024 Movie Releases : இந்த வருடத்தின் முதல் 6 மாதங்களில் வெளியான தமிழ் படங்கள் எதுவும் சரியாக ரசிகர்களின் கவனத்தை பெறவில்லை. ஆனால், ஜூலை முதல், கடந்த நவம்பர் மாதம் வரை வெளியான படங்கள், மக்கள் மத்தியில் நல்ல வரவேற்பினை பெற்றன. அந்த வகையில், கடைசி மாதத்தில் வெளியாகும் படங்களின் லிஸ்டை இங்கு பார்ப்போம்.
விடுதலை 2:
நடிகர் சூரி நடிப்பில், கடந்த ஆண்டு வெளியான படம் விடுதலை. வெற்றிமாறன் இயக்கியிருக்கும் இந்த படத்தின் இரண்டாம் பாகம், வரும் 20ஆம் தேதி வெளியாக இருக்கிறது. முதல் பாகத்தில், சூரி, பாவனா ஸ்ரீ, சேத்தன் உள்ளிட்டோரை சுற்றி நிகழும் கதை இருந்தது. இதில் முக்கிய கேரக்டராக வந்தார், விஜய் சேதுபதி. இவரது கதையை கூறுகிறது, விடுதலை 2. இதில், ஹீரோயினாக நடித்திருக்கிறார் மஞ்சு வாரியர். விடுதலை 2 படத்தின் பணிகள், முதல் பாகத்துடன் முடிக்கப்பட வேண்டியது. ஆனால், கொஞ்சம் படப்பிடிப்பு பணிகள் இழுத்து விட்டன. இதனால், இந்த ஆண்டில் வெளியாக இருக்கிறது, இப்படம்.
சூது கவ்வும் 2:
மக்களை அதிகம் எதிர்பார்க்க வைத்திருக்கும் இன்னொரு படம், சூது கவ்வும் 2. இந்த படத்தில் மிர்ச்சி சிவா கதாநாயகனாக நடித்திருக்கிறார். 2013ஆம் ஆண்டு வெளியான சூது கவ்வும் படத்தின் கடைசி பாகமாக இப்படம் உருவாகியிருக்கிறது. இதனை எஸ்.ஜே.அர்ஜுன் இயக்கியிருக்கிறார். சிவாவுடன் இணைந்து ஹரிஷா, ராதா ரவி, கருணாகரன், எம்.எஸ்.பாஸ்கர் உள்ளிட்ட பலர் இதில் முக்கியகதாப்பாத்திரங்களில் நடித்திருக்கின்றனர். இந்த படம், வரும் 13ஆம் தேதி வெளியாக இருக்கிறது.
புஷ்பா 2: தி ரூல்
2021ல் வெளியான புஷ்பா படத்தின் முதல் பாகத்திற்கு பிறகு உருவாகியிருக்கும் படம், புஷ்பா 2:தி ரூல். அல்லு அர்ஜுன் கதாநாயகனாக நடிக்க, இவருக்கு ஜோடியாக ராஷ்மிகா மந்தனா இதில் நடித்திருக்கிறார். சுகுமார் இயக்கத்தில் உருவாகியிருக்கும் இந்த படத்தில் பகத் பாசில் வில்லனாக நடித்திருக்கிறார். பான் இந்திய அளவில் வரும் 5ஆம் தேதியன்று, உலகம் முழுவதும் வெளியாக இருக்கிறது. இந்த படத்தின் ரிலீஸிற்காக பலர் காத்துக்கொண்டுள்ளனர்.
பாரோஸ்:
மோகன்லால் நடிப்பு மற்றும் இயக்கத்தில் உருவாகியிருக்கும் படம், பாரோஸ். மலையாள படமான இது, 3டி தொழில் நுட்பத்தில் தயாராகி இருக்கிறது. இந்த படத்தை, டிசம்பர் 22ஆம் தேதி திரையரங்குகளில் பார்க்கலாம்.
ராபின் ஹுட்:
ரொமான்ஸ்-ஆக்ஷன் த்ரில்லர் படமாக உருவாகியிருக்கிறது ராபின் ஹுட். இந்த படத்தில் நிதின் மற்றும் ஸ்ரீலீலா ஆகியோர் நடித்திருக்கின்றனர். ஜிவி பிரகாஷ் குமார் இசையமைத்திருக்கிறார். இப்படம், டிசம்பர் 25ஆம் தேதியன்று வெளியாக இருக்கிறது.
மேலும் படிக்க | 2024-ல் பெரிதும் ஏமாற்றமளித்த 2 தமிழ் படங்கள்! ஒன்னு கங்குவா..இன்னொன்னு எது?
பேபி ஜான்:
தெறி படத்தின் இந்தி ரீ-மேக் ஆக உருவாகியிருக்கிறது பேபி ஜான். இந்த படத்தில் வருண் தவான் ஹீரோவாக நடித்திருக்கிறார். இவருக்கு ஜோடியாக கீர்த்தி சுரேஷ் நடித்திருக்கிறார். இந்த படம், வரும் 25ஆம் தேதி வெளியாக இருக்கிறது.
முஃபாசா: தி லயன் கிங்
உலகளவில் வெற்றி பெற்ற ஆங்கில படங்களுள் ஒன்று, தி லயன் கிங். இந்த படத்தின் முன் கதை, முஃபாசா: தி லயன் கிங் வரும் 20ஆம் தேதி வெளியாக இருக்கிறது. இந்த படத்தில் தமிழ், தெலுங்கு, இந்தி, ஆங்கிலம் உள்ளிட்ட மொழிகளில் பார்க்கலாம்.
இந்த படத்தின் தமிழ் டப்பிங்கில் அர்ஜுன் தாஸ் ஹீரோவுக்கு வாய்ஸ் கொடுத்துள்ளார் என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
