ராஷ்மிகா மந்தனாவின் குடும்ப புகைப்படம்: நேஷனல் க்ரஷ் என்று அழைக்கப்படும் நடிகை ராஷ்மிகா மந்தனா தற்போது தனது அப்பா, அம்மா மற்றும் தங்கையுடன் எடுத்துக்கொண்ட லேட்டஸ்ட் குடும்ப புகைப்படம் ஒன்று வெளியாகி வைரலாகி வருகின்றது.
நடிகை ராஷ்மிகா மந்தனா:
கன்னடத்தில் கதாநாயகியாக அறிமுகமாகி தொடர்ந்து தெலுங்கில் விஜய் தேவரகொண்ட நாயகனாக நடித்த கீதா கோவிந்தம், டியர் காம்ரேட் உள்ளிட்ட படங்களில் நடித்து கன்னட மற்றும் தெலுங்கு சினிமாவில் மிகப் பிரபலமடைந்தயார் நடிகை ராஷ்மிகா மந்தனா (Rashmika Mandanna). இதன் பின்னர் தமிழ் ரசிகர்களுக்கு ‘சுல்தான்’ படம் மூலம் அறிமுகமானவர், நடிகை ராஷ்மிகா மந்தனா. ஆனால் இதற்கு முன்னரே அவர் இந்தியா முழுவதும் பிரபலமாகியிருந்தார். சுல்தான் படத்தையடுத்து அல்லு அர்ஜுன் நடிப்பில் வெளிவந்த புஷ்பா திரைப்படத்தில் ஸ்ரீவல்லி என்னும் கதாபாத்திரத்தில் நடித்த நடிகை ராஷ்மிகா மந்தனா இந்திய அளவில் மிகப் பிரபலம் அடைந்து ரசிகர்களின் மனதை கவர்ந்தார். கடைசியாக சமீபத்தில் விஜய்யுடன் சேர்ந்து ‘வாரிசு’ திரைப்படத்தில் நடிக்க வாய்ப்பு கிடைத்தது. அழகான நடிகையாக மட்டுமன்றி ரசிகர்களை நன்கு மதிக்கும் நடிகையாகவும் வலம் வருகிறார், ராஷ்மிகா. இவருக்கு “நேஷனல் க்ரஷ்” என்ற இன்னொரு பெயரும் உண்டு.
நேஷனல் க்ரஷ் ராஷ்மிகா மந்தனாவின் அடுத்தடுத்த படங்கள்:
நடிகை ராஷ்மிகா மந்தனா கடைசியாக கடந்த டிசம்பர் மாதம் ரிலீஸான அனிமல் திரைப்படத்தில் நடித்திருந்தார். இந்த திரைப்படம் கலவையான விமர்சனங்களைப் பெற்றது. இந்த திரைப்படத்தின் மூலம் தற்போது பான் இந்தியா அளவில் முன்னணி நடிகையாக வலம் வரத் தொடங்கியுள்ளார் நடிகை ராஷ்மிகா மந்தனா. இதைத் தொடர்ந்து புஷ்பா திரைப்படத்தின் 2வது பாகமாக உருவாகும் புஷ்பா 2 - தி ரூல் (Pushpa 2: The Rule) திரைப்படத்திலும் ராஷ்மிகா மந்தனா கதாநாயகியாக நடித்து வருகிறார். இந்த ஆண்டு ஆகஸ்ட் மாதம் 15 ஆம் தேதி சுதந்திர தின வெளியீடாக புஷ்பா-2 திரைப்படம் ரிலீஸ் ஆகயுள்ளது. இதனிடையே தெலுங்கில் ரெயின்போ எனும் புதிய திரைப்படத்திலும் ராஷ்மிகா மந்தனா நடித்து வருகிறார். இதைதொடர்ந்து இவர், தி கேர்ள் ஃப்ரெண்ட் என்கிற படத்தில் நடித்து வருகிறார். இப்படி அடுத்தடுத்து கமிட்டாகி நடித்து வரும் நடிகை ராஷ்மிகாவின் ஃபேமிலி போட்டோ வெளியாகி வைரலாகி வருகிறது.
நடிகை ராஷ்மிகா மந்தனாவின் குடும்பம்:
இந்நிலையில் தற்போது சினிமாவில் பிசியாக நடித்து வந்தாலும் நடிகை ராஷ்மிகா மந்தனா தனது குடும்பத்திற்காகவும் நேரங்கள் ஒதுக்கி மகிழ்ச்சியாக வாழ்ந்து வருகிறார். ராஷ்மிகா மந்தனா கர்நாடகாவில் உள்ள விராஜ்பேட் ஊரில் 1996ஆம் ஆண்டு மதன் மந்தனா - சுமன் மந்தனா தம்பிக்கு பிறந்தார். இவருக்கு ஒரு தங்கையும் இருக்கிறார். இவர்களுடன் நடிகை ராஷ்மிகா எடுத்துக்கொண்ட புகைப்படம் ஒன்று வெளியாகியுள்ளது. நேஷனல் க்ரஷ் நடிகை ராஷ்மிகாவின் குடும்ப புகைப்படம் தற்போது வைரலாகி வருகிறது.
இதோ நடிகை ராஷ்மிகா மந்தனாவின் குடும்ப புகைப்படும்
Rashmika Mandanna Family pic.twitter.com/2zAO2a8gaM
— Christopher Kanagaraj (@Chrissuccess) February 12, 2024
மேலும் படிக்க | தளபதி விஜய்க்கு வித்தைக்காரன் பட நிகழ்ச்சியில் நன்றி கூறிய சதீஸ்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
