தமிழ் திரையுலகின் முன்னணி நடிகர்களான ரஜினியும் கமலும் இந்த வயதில் பல படங்களில தங்களை கமிட் செய்து கொண்டு நடித்துக்கொண்டிருக்கின்றனர். அவை என்னென்ன படங்கள் தெரியுமா?
இருவருக்கும் வயது 60+..
தற்போது தமிழ் திரையுலகின் சூப்பர் ஸ்டாராக திகழும் ரஜினிகாந்த், 70 களில் கோலிவுட்டிற்குள் நுழைந்தார். ரசிகர்களால் ‘உலக நாயகன்’ என்ற பெயர் சூட்டப்பட்ட கமல் ஹாசனோ, தனது 5 வயது முதல் திரையுலகிலேயே இருக்கிறார். இருவரும் 70, 80களை தாண்டி இன்று வரை தமிழ் சினிமாவை ஆண்டு வருகின்றனர். எத்தனையோ இயக்குநர்கள், எத்தனையோ நடிகைகள் பற்பல கதாப்பாத்திரங்கள் என பலவற்றை இருவரும் தங்களது சினிமா வாழ்க்கையில் பார்த்து விட்டனர். தற்போது இருவருக்குமே வயது 65 + ஆகிவிட்டது. இருப்பினும், இருவரும் இன்னும் தமிழ் சினிமாவில் முடிசூடா மன்னர்களாக திகழ்கின்றனர். இனி வரும் காலங்களிலும் இதை தொடர, வெவ்வேறு வகையான இயக்குநர்களுடனும் இருவரும் கூட்டணி வைத்துள்ளனர். இவர்கள் இனி வரும் காலங்களில் நடிக்கவிருக்கும் படங்கள் குறித்து பார்க்கலாம்.
மேலும் படிக்க | லோகேஷ் கனகராஜ் இயக்கும் அடுத்த படத்தின் ஹீரோ இவரா..? செம ஷாக்கில் ரசிகர்கள்..!
கமல்ஹாசனின் படங்கள்..
விஸ்வரூபம் படத்திற்கு பிறக துவண்டு போயிருந்த நடிகர் கமல்ஹாசனின் மார்கெட் இப்போது எட்ட முடியா உயரத்திற்கு சென்றுவிட்டது. அதற்கு திருப்புமுனையாக அமைந்தது இவரின் விக்ரம் திரைப்படம்தான். கமல், பான் இந்தியா அளவில் உருவாகி வரும் ப்ராஜெக்ட்-கே படத்தில் நடிக்கிறார். இதில் பல திரையுலக சூப்பர் ஸ்டார்களும் நடிக்கின்றனர். இந்த படத்தை அடுத்து கமல் இன்னும் வரிசையாக பல இயக்குநர்களுடன் கைக்கோர்க்க உள்ளார்.
இந்தியன் 2:
26 வருடங்களுக்கு முன்பு வெளியாகி வெற்றி பெற்ற படம், இந்தியன்2. இதில் அப்பா-மகன் என இருவேடங்களில் நடித்த கமல், இதன் இரண்டாம் பாகத்தில் ஹீரோவாக நடித்து கொண்டிருக்கிறார். இந்த படத்தையும் ஷங்கரே இயக்கி வருகிறார். இதன் படப்பிடிப்பு இறுதிக்கட்டத்தை நெருங்கி கொண்டிருக்கின்றது.
ப்ராஜெக்ட் கே:
தெலுங்கு இயக்குநர் நாக் அஷ்வின் இயக்கி வரும் படம், ப்ராஜெக்ட் கே. இந்த படத்தில் பிரபாஸ், தீபிகா படுகோன், திஷா பதானி ஆகியோர் முக்கிய கதாப்பாத்திரங்களாக நடிக்க இவர்களுடன் கமல் ஹாசனும் இணைவதாக படக்குழு இன்று அதிகாரப்பூர்வ அறிவிப்பினை வெளியிட்டுள்ளது. இதில் நடிகர் கமல் வில்லனாக நடிப்பதாக கூறப்படுகிறது.
KH233:
நடிகர் கமல் ஹாசன், தனது 233ஆவது படத்தில் பிரபல இயக்குநர் ஹெச்.வினோத்துடன் கை கோர்த்துள்ளார். இதற்கான ஆரம்பக்கட்ட வேலைகள் தீவிரமடைந்துள்ளதாக தகவல் வெளியாகியுள்ளது.
KH234:
கமல்ஹாசன், தனது ஃபேவரட் இயக்குநரான மணிரத்னமுடன் தனது 234ஆவது படத்தில் கைக்கோர்த்துள்ளதாக கூறப்படுகிறது. இதற்கான அதிகாரப்பூர்வ அறிவிப்பு விரைவில் வெளியாகும் என கூறப்படுகிறது.
ரஜினியின் படங்கள்..
நடிகர் ரஜினி, சில நாட்களுக்கு முன்புதான் ஜெயிலர் படப்பிடிப்பினை முடித்தார். இதில், இவர் தமன்னா, மோகன்லால் போன்ற பல பிரபல நடிகர்களுடன் நடித்துள்ளார். படம், ஆகஸ்டு 10ஆம் தேதி வெளிவர இருக்கிறது. இந்த படம் மட்டுமன்றி ரஜினி இன்னும் சில படங்களையும் கைவசம் வைத்துள்ளார்.
லால் சலாம்..
தனது மகன் ஐஸ்வர்யா இயக்கும் லால் சலாம் படத்தில் பல ஆண்டுகளுக்கு பிறகு முதன் முறையாக கெளரவ வேடத்தில் நடிக்கிறார் ரஜினி. இதில் இவரது பெயர், முகைதீன் பாய் என கூறப்படுகிறது. இந்த படத்தின் படப்பிடிப்புகள் இன்னும் சில ஆண்டுகளில் வெளியாகவுள்ளது.
தலைவர் 170:
லைகா ப்ரொடக்ஷன்ஸ் தயாரிப்பில் டி.ஜே ஞானவேல் ராஜா இயக்கும் புதிய படத்தில் நடிக்க உள்ளார், ரஜினி. இந்த படத்தில் நடிகர் விக்ரமை வில்லனாக நடிக்க வைக்க பேச்சுவார்த்தை நடைப்பெற்று வருவதாகவும் கூறப்படுகிறது. இது ரஜினியின் 170ஆவது படமாகும்.
தலைவர் 171..
நடிகர் ரஜினிகாந்த், 171 ஆவது படத்தில் ஒரு புதிய இயக்குநரின் படத்தில் நடிப்பதாக கூறப்படுகிறது. அவர் வேறு யாருமில்லை, லோகேஷ் கனகராஜ்தான். ஆனால், தற்போதைக்கு இப்படம் குறித்த பேச்சு வார்த்தைகள்தான் நடைப்பெற்று வருவதாக கூறப்படுகிறது. இதுவே ரஜினியின் கடைசி படமாக இருக்கும் என்றும் ஒரு சில தகவல்கள் வெளியாகியுள்ளன.
மேலும் படிக்க | Viral Video: குழந்தை கெட்-அப்பில் குடும்பத்துடன் கும்மாளம் போடும் ரோபோ சங்கர்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
