விக்னேஷ் சிவன் இயக்கத்தில் சூர்யா, கீர்த்தி சுரேஷ் நடிப்பில் அனிருத் இசையில் உருவாகி வரும் திரைப்படம் "தானா சேர்ந்த கூட்டம்".
இந்தப் படத்தில் நாயகியாக கீர்த்தி சுரேஷ் நடித்துள்ளார். சூர்யா உடன் நடிக்க வேண்டும் என்ற இவரது சிறிய வயது சபதம் நிறைவேறியுள்ளதாக சமீபத்தில் அவர் தெரிவித்திருந்தார்.
மேலும் சுரேஷ் மேனன், ரம்யா கிருஷ்ணன், செந்தில் உட்பட பலர் நடித்துள்ளனர். அனிருத் இசை அமைக்கிறார். ஆக்ஷன் காமெடி படமான இதை சூர்யாவின் 2டி என்டர்டெயின்மென்ட் மற்றும் ஸ்டூடியோ கிரீன் நிறுவனங்கள் இணைந்து தயாரிக்கிறது. இந்தப் படத்திற்கு தணிக்கைக் குழு யு/ஏ சான்றிதழ் அளித்துள்ளது.
பெரும் எதிர்பார்ப்பினை ஏற்படுத்தியுள்ள இப்படத்தின் பாடல்கள் கடந்த ஜனவரி., 3-ஆம் நாள் வெளியாகி ரசிகர்களிடம் பெரும் வரவேற்பை பெற்றது. மேலும் இந்தப் படத்தின் முதல் பாடலான "நானா தானா", "பீல பீல" மற்றும் ''சொடக்கு மேல சொடக்கு'' பாடல்கள் ஏற்கனவே வெளியாகி பெரும் வரவேற்பைப் பெற்றது.
இந்நிலையில் இப்படத்தில் டைட்டல் பாடலின் லிரிக்கல் வீடியோவினை படக்குழுவினர் வெளியிட்டுள்ளனர். இப்பாடல் வெளியாகி ரசிகர்களிடம் பெரும் வரவேற்பை பெற்றுள்ளது!
இத்திரைப்படம் தமிழர் திருநாளான பொங்கல் அன்று திரைக்கு வருகிறது என்பது குறிப்பிடத்தக்கது!
