வம்சி படிப்பள்ளி இயக்கத்தில் விஜய் நடிக்கும் 'தளபதி 66' படத்தின் படப்பிடிப்பு பணிகள் விறுவிறுப்பாக நடைபெற்று வருகிறது. இந்த படத்தில் முதன்முறையாக விஜய்க்கு ஜோடியாக ராஷ்மிகா மந்தனா நடிக்கிறார், விஜய்க்கு ஜோடியாக நடிப்பதில் இவர் மிகுந்த மகிழ்ச்சியில் இருக்கிறார். மேலும் படத்தில் பிரபல நட்சத்திரங்களான பிரகாஷ் ராஜ், பிரபு, ஜெயசுதா, சங்கீதா மற்றும் ஷாம் போன்ற பலர் முக்கிய கதாபாத்திரத்தில் நடித்துள்ளனர். சில வாரங்களுக்கு முன்னர் இந்த படத்தின் சில முக்கியமான காட்சிகள் ஹைதராபாத்தில் நிறைவு செய்யப்பட்டது.
மேலும் படிக்க | என்னுடைய நடிப்பு எனக்கு திருப்தியை கொடுக்காது - கீர்த்தி சுரேஷ்
தற்போது ஜூன்-3ம் தேதி முதல் சென்னையில் அடுத்தகட்ட படப்பிடிப்பு பணிகள் தொடங்க இருப்பதாக தகவல்கள் வெளியாகியுள்ளது. தமிழகத்தை சேர்ந்த FEFSI ஊழியர்கள் பயனடையும் வகையில் படத்தின் அதிகப்பட்ச காட்சிகளை சென்னையில் படமாக்க வேண்டும் என்கிற விஜய்யின் விருப்பத்திற்கிணங்க படக்குழு படத்தின் அடுத்தகட்ட காட்சிகளை படமாக்க ஹைதராபாத்தில் இருந்து சென்னைக்கு பெயர்ந்து இருக்கிறது. இதற்கென சென்னையில் பிரம்மாண்டமாக செட் அமைக்கப்பட்டு இருக்கிறது, இன்னும் சில வாரங்களில் முழுமையான பணிகள் தொடங்கப்படும் என்று கூறப்படுகிறது.
இங்கு நடத்தப்படும் படப்பிடிப்பு முதலில் பாடல் காட்சியுடன் தொடங்கும் என்று எதிர்பார்க்கப்படுகிறது. மேலும் இந்த பாடலின் ஒரு பகுதியாக கதாநாயகி ராஷ்மிகா மற்றும் சில முக்கியமான நபர்கள் பங்குபெறுவார்கள் என்று எதிர்பார்க்கப்படுகிறது. படப்பிடிப்பின்போது எவ்வித இடையூறும் ஏற்படாமல் இருக்க தயாரிப்புக்குழு பாதுகாப்பை பலப்படுத்தி உள்ளது. இந்த படத்தில் விஜய் இரண்டு கதாபாத்திரங்களில் நடித்துள்ளார், இதற்கென ஹைதராபாத்தில் நடைபெற்ற இரண்டு வெவ்வேறு ஹேர் ஸ்டைலில் நடிகர் விஜய் கலந்துகொண்டார். இப்படத்திற்கு தமன் இசையமைத்துள்ளார்.
மேலும் படிக்க | நயன்தாராவின் ஃபிட்னஸ் மற்றும் பியூட்டியின் ரகசியம் இதுதானா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
