Planet Transits in November: கிரகங்களின் ராசி மாற்றம், நவம்பர் 2022: ஜோதிட சாஸ்திரத்தின் படி, கிரகங்களின் ராசி மாற்றம் மற்றும் இயக்க மாற்றத்தால் அனைத்து ராசிகளிலும் பாதிப்பு ஏற்படுகிறது. நவம்பர் 13, 2022 அன்று, இரண்டு பெரிய கிரகங்கள் தங்கள் இயக்கத்தை மாற்றப் போகின்றன. ஜோதிடத்தின் கணக்கீடுகளின்படி, நவம்பர் 13, 2022 அன்று, செவ்வாய் ரிஷப ராசியிலும், புதன் விருச்சிக ராசியிலும் நுழைவார்கள். செவ்வாய் மற்றும் புதனின் இந்த மாற்றம் அனைத்து ராசிகளிலும் தாக்கத்தை ஏற்படுத்தும். எனினும் சில ராசிகளில் குறிப்பிடத்தக்க மாற்றங்கள் ஏற்படும். அந்த ராசிகளை பற்றி இந்த பதிவில் காணலாம்.
செவ்வாய் மற்றும் புதன் ஆகிய கிரகங்களின் ராசி மாற்றத்தால், ரிஷப ராசிக்காரர்களுக்கு பண வரவு அதிகரிக்கும். அயல்நாட்டு வியாபாரத்தில் ஈடுபட்டிருக்கும் இந்த ராசிக்காரர்களுக்கு அதிக லாபம் கிடைக்க வாய்ப்புள்ளது. இந்த காலத்தில் இவர்களின் உடல்நிலை சிறப்பாக இருக்கும். இதனுடன், அவர்கள் பல புதிய லாபங்களையும் பெறுவார்கள்.
ஜோதிட சாஸ்திரத்தின் படி, விருச்சிக ராசிக்காரர்களுக்கு செவ்வாய் ஆறாம் வீட்டிற்கும் புதன் எட்டாம் வீட்டிற்கும் அதிபதிகளாக உள்ளனர். இந்த கிரகங்களின் ராசி மாற்றத்தால், தொழில் மற்றும் வியாபாரத்தில் வெற்றி கிடைக்கும். இந்த நேரத்தில் அதிகப்படியான பண வரவுக்கான வாய்ப்புகள் உள்ளன. கூட்டுத் தொழில் செய்யும் விருச்சிக ராசிக்காரர்களுக்கும் இந்த நேரம் சிறப்பாக இருக்கும்.
வியாபாரத்தில் ஈடுபட்டுள்ள தனுசு ராசிக்காரர்களுக்கு இது மிக நல்ல நேரமாக இருக்கும். தனுசு ராசிக்கு ஏழாவது மற்றும் பத்தாம் வீட்டிற்கு அதிபதியாக புதன் இருப்பதால் இந்த சஞ்சாரம் அவர்களுக்கு சுப பலன்களை அளிக்கும். தொழிலில் நல்ல வெற்றியைப் பெறுவார்கள்.
புதன் கிரகத்தின் சஞ்சாரம் மகர ராசியில் உள்ள மாணவர்களுக்கு சாதகமாக அமையும். தேர்வில் நல்ல முடிவுகளைப் பெறலாம். சில ஆராய்ச்சிப் பணிகளுடன் தொடர்புடையவர்கள் இப்போது வெற்றி பெறுவார்கள். செவ்வாயின் ராசி மாற்றம் அவர்களுக்கு சாதகமாக அமையும்.
கும்ப ராசிக்காரர்களுக்கு 5 மற்றும் 8ஆம் வீடுகளுக்கு அதிபதி புதன். ஆகையால், புதன் கிரகத்தின் பெயர்ச்சியால், உங்கள் அலுவலக பணியில் பல வித வெற்றிகளை காண வாய்ப்புள்ளது. வீட்டின் சூழல் அமைதியாகவும் இனிமையாகவும் இருக்கும்.
கடக ராசிக்காரர்களுக்கு பணியிடத்தில் கடின உழைப்புக்கு சிறப்பான பலன் கிடைக்கும். அவர்களின் விருப்பங்கள் அனைத்தும் நிறைவேறும். குடும்பத்தில் மகிழ்ச்சி அதிகரிக்கும். குழந்தைகள் மூலம் பெருமை வந்து சேரும்.
