கோடைகாலத்தில் ஏற்படும் வெப்பத்தை தணிக்க நாம் பலவகையான பானங்களை குடிக்கிறோம் ஆனால் அவை அனைத்தும் உடலுக்கு ஆரோக்கியமானது கிடையாது என்பதை நினைவில் கொள்ளவேண்டும்.
சோடா, கோக், ஸ்ப்ரைட், ஃபேண்டா போன்ற அதிகம் சர்க்கரை சேர்க்கப்பட்ட பானங்களை கண்டிப்பாக தவிர்க்க வேண்டும், உதாரணமாக ஒரு 12 அவுன்ஸ் கோக் கேனில் 39 கிராம் சர்க்கரை உள்ளது. இப்படிப்பட்ட சர்க்கரை அதிகமுள்ள பானங்களை குடிப்பதால் ரத்தத்தில் சர்க்கரையின் அளவு அதிகரிக்கும்.
லெமனேட் குடிப்பதற்கு ருசியாக இருந்தாலும் இது ஆரோக்கியமான பானம் கிடையாது என்பதை நினைவில் கொள்ளுங்கள். சோடாக்களில் சேர்க்கப்படுவதை போலவே லெமனேட்களிலும் அதிகளவில் சர்க்கரை சேர்க்கப்படுகிறது. இதுபோன்ற சர்க்கரை நிறைந்த பானங்கள் நீரிழிவு நோய்க்கு வழிவகுக்கும்.
தேநீர் உடலுக்கு புத்துணர்ச்சியை தரும் என்றாலும் அதில் சர்க்கரை சேர்த்து குடிப்பது உடலுக்கு ஆரோக்கியமானது கிடையாது. இதிலுள்ள காஃபின் வீக்கத்திற்கு வழிவகுக்கிறது, எனவே சர்க்கரை சேர்க்கப்பட்ட தேநீரை தவிர்ப்பது நல்லது.
டயட் சோடா பிரபலமாக இருந்து வருகிறது, ஆனால் இந்த சோடாக்களில் சேர்க்கப்படும் செயற்கையான சர்க்கரையானது குடலிலுள்ள நல்ல பாக்டீரியாக்களை தொந்தரவு செய்கிறது.
