Spices That burns LDL Cholesterol: இன்றைய காலகட்டத்தில் கொலஸ்ட்ரால் மற்றும் உயர் ரத்த அழுத்தம் பெரும்பாலானோரின் பிரச்சனையாக மாறி விட்டது . இதற்குக் காரணம் மோசமான வாழ்க்கை முறை மற்றும் உணவுப் பழக்கம். இரத்த நாளங்களில் சேரும் கொழுப்பு, மாரடைப்பு அபாயத்தை அதிகரிக்கிறது.
Spices For Cholesterol: முறையான உணவு பழக்க வழக்கங்களின் மூலம் கொலஸ்ட்ரால் அளவைக் கட்டுப்படுத்தலாம். இதற்கு சமையலறையில் நாம் தினமும் பயன்படுத்தும் மசாலாப் பொருட்கள் பெரிதும் உதவும்.
மாரடைப்பு அபாயத்தை அதிகரிக்கும் கெட்ட கொலஸ்ட்ரால் என்பது உலகெங்கிலும் உள்ள மக்களை பாதிக்கும் ஒரு பொதுவான உடல்நலப் பிரச்சனையாகும். இரத்தத்தில் அதிக அளவு கெட்ட கொலஸ்ட்ரால் இதய நோய் மற்றும் பக்கவாதம் உட்பட பல உடல்நல பிரச்சனைகளை ஏற்படுத்தும்.
கொலஸ்ட்ரால்: நம் அனைவருக்கும் உணவே மிகப்பெரிய மருந்து. நான் பயன்படுத்தும் பல மசாலாப் பொருட்கள் உணவிற்கு சுவையை சேர்ப்பது மட்டுமல்லாமல் ஒட்டுமொத்த ஆரோக்கியத்தையும் மேம்படுத்த உதவுகிறது. உங்கள் உணவில் சில மசாலாப் பொருட்களைச் சேர்ப்பது கொலஸ்ட்ரால் அளவைக் குறைக்க உதவும்.
நம் அனைவருக்கும் உணவே மிகப்பெரிய மருந்து. நான் பயன்படுத்தும் பல மசாலாப் பொருட்கள் உணவிற்கு சுவையை சேர்ப்பது மட்டுமல்லாமல் ஒட்டுமொத்த ஆரோக்கியத்தையும் மேம்படுத்த உதவுகிறது. உங்கள் உணவில் சில மசாலாப் பொருட்களைச் சேர்ப்பது கொலஸ்ட்ரால் அளவைக் குறைக்க உதவும்.
மஞ்சளில் உள்ள குர்குமின் என்னும் கலவை அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டுள்ளது. உடலில் கெட்ட கொலஸ்ட்ரால் என்னும் எல்டிஎல் கொழுப்பைக் குறைக்க பெரிதும் உதவுகிறது. காய்கறிகள், சூப்கள் மற்றும் பொரியல்களில் மஞ்சள் சேர்த்துக் கொள்ளலாம். இது தவிர, மஞ்சள் பால் குடிப்பதன் மூலம் மஞ்சளின் முழுமையான பலனைப் பெறலாம்
இலவங்கப்பட்டை என்னும் அற்புத மசாலா, LDL கொழுப்பு மற்றும் ட்ரைகிளிசரைடு அளவைக் குறைத்து, இதய நோய் அபாயத்தைக் குறைக்க உதவுகிறது. மேலும், இது இன்சுலின் உணர்திறனை மேம்படுத்தி, இரத்த சர்க்கரை அளவை நிர்வகிக்க உதவுகிறது. கெட்ட கொழுப்பைக் குறைக்க, தினமும் ஒரு டீஸ்பூன் இலவங்கப்பட்டையை வெவ்வேறு வழிகளில் உட்கொள்வது பலன் தரும்.
வெந்தயம்: வெந்தயத்தில் உள்ள சபோனின் உடல் கொழுப்பை உறிஞ்சுவதை குறைக்க உதவுகிறது. வெந்தயத்தில் உள்ள நார்ச்சத்து, கொலஸ்ட்ராலை எரித்து உடலில் இருந்து அகற்ற உதவுகிறது. வெந்தயத்தை இரவில் தண்ணீரில் ஊறவைத்து, மறுநாள் காலையில் சாப்பிடுங்கள். வேண்டுமானால் வெந்தயத்தை அரைத்து பொடியாக தயார் செய்து வைத்துக் கொண்டு, சிறிதளவு சுநீரில் கலந்து பருகலாம்.
கருமிளகு: கருமிளகில் கொலஸ்ட்ராலைக் குறைக்கும் கலவைகள் இருப்பதால், எல்டிஎல் ஆக்சிஜனேற்றத்தைத் தடுக்க உதவும். இதில் உள்ள பைபரின் உடல் ஊட்டச்சத்துக்களை உறிஞ்சுவதை மேம்படுத்துகிறது. எனவே, கெட்ட கொழுப்பைக் குறைக்க கருப்பு மிளகு உட்கொள்ளலாம். கருப்பு மிளகு தூள் செய்து அதை உணவில் சேர்க்கலாம். சாலட், முட்டை மற்றும் சூப்பில் மிளகு தூளை தூவி பயன்படுத்தலாம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
