Pongal Parisu | ரேஷன் கார்டு இல்லாதவர்களும் தமிழ்நாடு அரசு பொங்கல் பரிசு பெறுவது எப்படி என தெரிந்து கொள்ளுங்கள்
Pongal Parisu, Ration Card | பொங்கல் பரிசு தொகுப்பு அறிவிக்கப்பட்டுள்ள நிலையில், ரேஷன் கார்டு இல்லாதவர்கள் பெறுவது எப்படி என தெரிந்து கொள்ளுங்கள்.
தமிழ்நாடு அரசு பொங்கல் பரிசு தொகுப்பு அறிவித்துள்ளது. முதலமைச்சர் மு.க.ஸ்டாலின் வெளியிட்டுள்ள இந்த அறிவிப்பில் அனைத்து ரேஷன் கார்டில் அரிசி அட்டை வைத்திருப்பவர்கள் அனைவருக்கும் பொங்கல் பரிசுதொகுப்பு அறிவிக்கப்பட்டுள்ளது. ஒரு கிலோ பச்சரிசி, வெல்லம் மற்றும் முழு கரும்பு வழங்கப்படும் என தமிழ்நாடு அரசு அறிவித்திருக்கிறது.
அதேபோல், இலங்கை மறுவாழ்வு முகாமில் வசிப்பவர்களுக்கும் பொங்கல் பரிசு கொடுக்கப்படும் என்றும் தமிழ்நாடு அரசு அறிவித்திருக்கிறது. அவர்களுக்கும் தமிழ்நாட்டு மக்களுக்கு கிடைக்கும் பொங்கல் பரிசு தொகுப்பு கிடைக்கும். இந்த பொங்கல் பரிசுத் தொகுப்பு 2 கோடியே 20 லட்சம் ரேஷன் அட்டைதாரர்களுக்கு கிடைக்கும். ஆனால் மக்கள் பெரிதும் எதிர்பார்த்த ஆயிரம் ரூபாய் ரொக்கம் குறித்த அறிவிப்பு வெளியாகவில்லை.
பொங்கல் பரிசுத் தொகுப்புடன் ஆயிரம் ரூபாய் ரொக்கம் கிடைக்கும் என எதிர்பார்த்த தமிழ்நாட்டு மக்களுக்கு முதலமைச்சரின் இந்த அறிவிப்பு ஏமாற்றமாக அமைந்திருக்கிறது. இந்த சூழலில் ரேஷன் அட்டை இல்லாதவர்கள் பொங்கல் பரிசு இல்லையே என்ற கவலை வேண்டாம். ரேஷன் அட்டை இல்லாதவர்களும் பொங்கல் பரிசு தொகுப்பு பெறலாம்.
ரேஷன் கடைகள் மூலம் இலவசமாக பொங்கல் பரிசு தொகுப்பு அரிசி அட்டைதாரர்கள் பெறும் நிலையில், ரேஷன் அட்டை இல்லாதவர்கள் மலிவு விலையில் பணம் செலவழித்து பொங்கல் பரிசு தொகுப்பு பெறலாம். கூட்டுறவுத்துறை மூலம் கூட்டுறவு பொங்கல் என்ற பெயரில் விற்பனை நடந்து வருகிறது. கூட்டுறவு மொத்த விற்பனை பண்டகசாலைகள். பிரதம கூட்டுறவு பண்டகசாலைகள், கூட்டுறவு விற்பனைச் சங்கம், சுயசேவை பிரிவுகள் மற்றும் சில்லறை விற்பனை நிலையங்கள் ஆகிய இடங்களில் இந்த பொங்கல் பரிசு தொகுப்பை பெறலாம்.
இனிப்பு பொங்கல் தொகுப்பு, கூட்டுறவு சிறப்பு பொங்கல் தொகுப்பு, பெரும் பொங்கல் தொகுப்பு என மூன்று வகையாகயான பொங்கல் தொகுப்பு விற்பனையாகிறது. இனிப்பு பொங்கல் தொகுப்பு : பச்சரிசி (BPT 43) 500 கிராம், பாகுவெல்லம் - 500 கிராம். ஏலக்காய் - 5கிராம். முந்திரி 50கிராம். ஆவின் நெய் - 50கிராம். பாசிபருப்பு - 100 கிராம். உலர் திராட்சை -50 கிராம் என 7 பொருட்கள் அடங்கிய பொங்கல் தொகுப்பு. சிறிய பையுடன் ரூ.199/- என்ற விலையில் விற்பனை செய்யப்படவுள்ளது.
சிறப்பு பொங்கல் தொகுப்பு ; மஞ்சள் தூள்-50கிராம், சர்க்கரை-500 கிராம். துவரம் பருப்பு-250 கிராம், கடலைப் பருப்பு-100 கிராம். பாசிப் பருப்பு-100 கிராம். உளுத்தம் பருப்பு-250 கிராம். கூட்டுறவு உப்பு-1 கிலோ, நீட்டு மிளகாய்-250 கிராம். தனியா-250 கிராம். புளி-250 கிராம். பொட்டுக்கடலை-200 கிராம். மிளகாய் தூள்-50 கிராம். செக்கு கடலை எண்ணெய் 1/2 லிட்டர். கடுகு-100 கிராம். சீரகம்-50 கிராம், மிளகு-25 கிராம், வெந்தயம்-100 கிராம், சோம்பு-50 கிராம், பெருங்காயம்-25 கிராம் என 19 பொருட்கள் அடங்கிய பொங்கல் தொகுப்பு. மளிகை பையுடன் ரூ499/- என்ற விலையில் விற்பனை செய்யப்படுகிறது.
பெரும் பொங்கல் தொகுப்பு : மஞ்சள் தூள்-50 கிராம். சர்க்கரை-500 கிராம். கூட்டுறவு உப்பு-1 கிலோ. துவரம் பருப்பு-250 கிராம். உளுத்தம் பருப்பு-250 கிராம். கடலைப் பருப்பு-200 கிராம். பச்சைப் பட்டாணி-100 கிராம். பாசிப் பருப்பு (சிறுபருப்பு:) -250 கிராம். வெள்ளை சுண்டல்-200 கிராம், வேர்க்கடலை-200 கிராம். பொட்டுக்கடலை-200 கிராம். வரமிளகாய்-250 கிராம், புளி-200 கிராம், தனியா-250 கிராம். கடுகு-100 கிராம். மிளகு-50 கிராம். சீரகம்-50 கிராம், வெந்தயம்-100 கிராம்.
சோம்பு-50 கிராம். ஏலக்காய்-5 கிராம், செக்கு கடலை எண்ணெய்-1/2 லிட்டர். வரகு-500 கிராம், சாமை-500 கிராம், திணை-500 கிராம். ரவை-500 கிராம். அவல்-250 கிராம். ராகிமாவு-500 கிராம். கோதுமை மாவு -500 கிராம். ஜவ்வரிசி-200 கிராம், வறுத்த சேமியா-170 கிராம், மல்லி தூள்-50 கிராம். சாம்பார் தூள்-50 கிராம், மிளகாய் தூள்-50 கிராம். பெருங்காயத் தூள்- 25 கிராம் என 34 பொருட்கள் அடங்கிய பொங்கல் தொகுப்பு. பெரிய மனிகை தொகுப்புடன் ரூ.999/- என்ற விலையில் விற்பனை செய்யப்படவுள்ளது. இந்த பெரும் பொங்கல் தொகுப்புடன் மட்டும் அரை கிலோ நாட்டுச் சர்க்கரை விலையில்லாமல் வழங்கப்படவுள்ளது.
இந்த தொகுப்புகள் அனைத்தும் வெளி சந்தையில் கிடைப்பதை விட குறைவான விலைக்கே விற்பனை செய்யப்படுகிறது. எனவே, கூட்டுறவுத் துறையின் மூலம் "கூட்டுறவு பொங்கல்" என்ற பெயரில் தமிழ்நாடு முழுவதும் உள்ள கூட்டுறவு மொத்த விற்பனை பண்டகசாலைகள், பிரதம கூட்டுறவு பண்டகசாலைகள், கூட்டுறவு விற்பனைச் சங்கம், சுயசேவை பிரிவுகள் மற்றும் சில்லறை விற்பனை நிலையங்கள் ஆகியவற்றில் பெற்றுக் கொள்ளலாம்.
ரேஷன் கார்டு உள்ளவர்களும் இந்த பொங்கல் பரிசு தொகுப்பை வாங்கிக் கொள்ள முடியும். அதேநேரத்தில் மலிவு விலையில் ரேஷன் கார்டு இல்லாதவர்கள் மலிவு விலையில் இந்த பொங்கல் பரிசு தொகுப்பை வாங்கிக் கொள்ளலாம்.
