close

News WrapGet Handpicked Stories from our editors directly to your mailbox

அசர வைக்கும் காட்சிகளுடன் வெளியானது 'ஆதித்யா வர்மா' trailer!

அர்ஜுன் ரெட்டி' படத்தின் தமிழ் ரீமேக்கான 'ஆதித்யா வர்மா' திரைப்படத்தின் டிரெய்லர் வெளியாகி ரசிகர்கள் மத்தியில் நல்ல வரவேற்பை பெற்று வருகிறது!

Updated: Oct 23, 2019, 11:29 AM IST
அசர வைக்கும் காட்சிகளுடன் வெளியானது 'ஆதித்யா வர்மா' trailer!
Screengrab

அர்ஜுன் ரெட்டி' படத்தின் தமிழ் ரீமேக்கான 'ஆதித்யா வர்மா' திரைப்படத்தின் டிரெய்லர் வெளியாகி ரசிகர்கள் மத்தியில் நல்ல வரவேற்பை பெற்று வருகிறது!

தெலுங்கு மொழில் அர்ஜூன் ரெட்டி என்ற பெயரில் சமீபத்தில் வெளியாகி வெற்றி நடைப்போட்ட திரைப்படம் ‘அர்ஜூன் ரெட்டி’. இத்திரைப்படத்தின் தமிழ் பதிப்பினை நடிகர் துருவ் நடிப்பில் தமிழில் வர்மா என்னும் பெயரில் B Studios நிறுவனம் தயாரித்தது. விரைவில் இந்த திரைப்படம் திரைக்கு வரும் என எதிர்பார்க்கப்பட்ட நிலையில் இத்திரைப்படம் சில காரணங்களால் கைவிடப்பட்டதாக படக்குழுவினர் அறிவித்தனர்.

தெலுங்கில் E4 Entertainment தயாரிக்க, இயங்குநர் சந்தீப் வங்கா இயக்கியிருந்தார். இப்படத்தினை தமிழில் வெளியிட விரும்பிய இந்நிறுவனம் இயக்குநர் பாலா தலைமையில் செயல்மடும்  B Studios நிறுவனத்துடன் அதற்கான ஒப்பந்தத்தை கையெழுத்திட்டது. ஒப்பந்தத்தின் படி இயக்குநர் பாலா இயக்கத்தில் நடிகர் விக்ரம் மகன் துருவ் நடிக்க தமிழில் வர்மா என்னும் பெயரில் உருவானது. வெளியீடு வரை இத்திரைப்படம் வந்த நிலையில் தெலுங்கு பதிப்பில் இருந்து தமிழ் பதிப்பு வேறுபட்டிருப்பதாக கூறி வர்மா படத்தை கைவிடுவதாக தயாரிப்பு நிறுவனத்தார் தெரிவித்தனர். மேலும் விரைவில் புது குழுவுடன் மீண்டும் இத்திரைப்படம் இயக்கப்படும் எனவும் அறிவித்திருந்தனர்

இந்நிலையில் தற்போது இப்படத்தின் தமிழ் பதிப்பான ‘ஆதித்யா வர்மா’ பணிகள் இறுதி கட்டத்தை எட்டியுள்ள நிலையில் தற்போது இத்திரைப்படத்தின் ட்ரைலரினை படக்குழுவினர் வெளியிட்டுள்ளனர். இத்திரைப்படத்தில் துருவ் விக்ரம் நாயகனாகவும், அவருக்கு நாயகியாக பனிடா சாந்து நடித்துள்ளார். இவர் இந்தியில் வருண் தவான் நடித்த 'அக்டோபர்' படத்தில் நாயகியாக நடித்தவர் என்பது குறிப்பிடத்தக்கது

மேலும், ஆதித்ய வர்மா திரைப்படம் நவம்பர் 8-ஆம் தேதி திரைக்கு வரும் என படக்குழுவினர் அதிகாரபூர்வமாக அறிவித்துள்ளனர்.