 "சனியின் நட்சத்திரத்தில் செவ்வாய்: இந்த ராசிகளுக்கு தீபாவளி முதல் நல்ல காலம் ஆரம்பம்")
)
Sevvai Nakshatra Peyarchi Palangal: ஜோதிட சாஸ்திரத்தில் ஒவ்வொரு கிரகத்திற்கு ஒரு முக்கியத்துவம் அளிக்கப்பட்டுள்ளது. இதில் செவ்வாய் கிரகத்திற்கு தனி இடம் கொடுக்கப்பட்டுள்ளது. செவ்வாய் கிரகங்களின் தளபதி என்று அழைக்கப்படுகிறார். வீடு, மனை, அறிவாற்றல், கல்வி, செல்வம், வீரம் ஆகியவற்றின் காரணி கிரகமாக செவ்வாய் உள்ளார். ஆகையால், அவர் ராசி அல்லது நட்சத்திரத்தை மாற்றும்போதெல்லாம், மனிதர்களின் வாழ்வில் இந்த அம்சங்களில் மாற்றங்கள் காணப்படுகின்றன.
செவ்வாய் நட்சத்திர பெயர்ச்ச்சி
ஜோதிட நாட்காட்டியின்படி, தீபத் திருநாளான தீபாவளிக்கு முன், அக்டோபர் 28, 2024 அன்று மாலை 04:24 மணிக்கு, செவ்வாய் நீதியின் கடவுளான சனி பகவானின் பூச நட்சத்திரத்திற்கு மாறியுள்ளார். செவ்வாய் நட்சத்திர பெயர்ச்சியின் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அதிகப்படியான நன்மைகள் கிடைக்கும். இவர்கள் வாழ்வில் மகிழ்ச்சி மழையாய் பொழியும். நிலுவையில் இருந்த அனைத்து பணிகளும் இப்போது நிறைவடையும். வெற்றிகள் குவியும். அந்த அதிர்ஷ்ட ராசிகளை பற்றி இந்த பதிவில் காணலாம்.
செவ்வாய் பெயர்ச்சியால் இந்த ராசிகளுக்கு ஜாக்பாட் நன்மைகள்
மேஷம் (Aries)
மேஷ ராசிக்காரர்களுக்கு தீபாவளிக்குப் பின் வரும் காலம் மறக்க முடியாததாக இருக்கும். வியாபாரிகளின் விற்பனை அதிகரித்து, அதிக லாபம் ஈட்ட வாய்ப்பு கிடைக்கும். வேலை செய்பவர்களுக்கு அலுவலகத்தில் விடுமுறைகள் கிடைக்கலாம். மேலும் அவர்களுக்கு ஊதிய உயர்வும், பதவி உயர்வும் கிடைக்க வாய்ப்புள்ளது. வியாபாரிகளுக்கு பணப்பற்றாக்குறை நீங்கும். வியாபாரமும் விரிவடையும். சில காலமாக உடல்நிலை சரியில்லாமல் இருந்தவர்களின் உடல்நிலையில் முன்னேற்றம் ஏற்பட வாய்ப்பு உள்ளது.
துலாம் (Libra)
2024ஆம் ஆண்டு முடிவதற்குள் செவ்வாயின் சிறப்பு அருளால், துலாம் ராசிக்காரர்களின் பழைய ஆசைகள் அனைத்தும் நிறைவேறும். திருமணமான தம்பதியினரிடையே நிலவி வரும் விரிசல் நீங்கி, உங்கள் வாழ்கைத் துணையுடன் அன்பின் இனிமையான தருணங்களைக் கழிக்க வாய்ப்பு கிடைக்கும். சொந்தமாக கடை வைத்துள்ளவர்களுக்கு அதிக லாபம் கிடைக்கும். வேலை செய்பவர்களுக்கு பதவி உயர்வும், ஊதிய உயர்வும் கிடைக்கும். உங்கள் பணி பாராட்டப்படும். சனி பகவானின் நட்சத்திரத்தில் செவ்வாயின் பெயர்ச்சி அதிக லாபத்திற்கு வழி வகுக்கும். இந்த நேரத்தில் துலாம் ராசிக்காரர்களுக்கு பங்குச்சந்தையில் பணத்தை முதலீடு செய்வது சாதகமாக இருக்கும். இதனால் எதிர்காலத்தில் பெரிய லாபம் கிடைக்கும். குழந்தைகள் மூலம் நல்ல செய்திகள் கிடைக்கும். குடும்பத்தில் அமைதியும், மகிழ்ச்சியும் இருக்கும்.
கும்பம் (Aquarius)
கும்ப ராசிக்காரர்களுக்கு புதன் நட்சத்திர பெயர்ச்சி அனுகூலமான பலன்களை அள்ளித் தரும், தொழிலில் பங்குதாரர்களிடையே இருந்து வந்த கருத்து வேறுபாடுகள் நீங்கும். திருமணமான தம்பதிகள் தங்கள் உறவுகளை ஆழப்படுத்தி மன அமைதியைப் பெறுவார்கள். தொழிலை விரிவுபடுத்தும் திட்டங்கள் அனைத்தும் வெற்றி பெறும். வருமானத்திற்கான பல வழிகள் பிறக்கும். இதனால், வேலை செய்பவர்களின் பொருளாதார நிலை வலுப்படும். வயதானவர்களுக்கு சில பழைய நோய்களின் வலியிலிருந்து நிவாரணம் கிடைக்கும். மாணவ மாணவிகளுக்கு நேரம் சாதமகாக உள்ளது. படிப்பில் ஆர்வம் அதிகரிக்கும். தேர்வுகளில் நல்ல மதிப்பெண்கள் பெறுவீர்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
