ஆஸ்திரேலியாவில் நடைபெற்று வரும் 20 ஓவர் உலக கோப்பை போட்டியில், குரூப் 1 பிரிவில் இடம்பெற்றிருக்கும் இங்கிலாந்து அணி வெற்றி பெற வேண்டிய கட்டாயத்தில் இலங்கை அணியை எதிர்கொண்டது. இப்போட்டியில் வெற்றி பெற்றால் அரையிறுதிக்கு தகுதி பெறலாம், இல்லையென்றால் மூட்டைமுடிச்சுகளை கட்டிக்கொண்டு இங்கிலாந்துக்கு புறப்படலாம் என்ற இக்கட்டான நெருக்கடியில் அந்த அணி களம் கண்டது. ஒருவேளை இப்போட்டியில் இங்கிலாந்து தோல்வியடைந்து, இலங்கை வெற்றி பெற்றால் நாம் அரையிறுதிக்கு செல்லலாம் என்ற கனவுடன் ஆஸ்திரேலிய அணியினர் இருந்தனர். ஆனால் இங்கிலாந்தின் ஆட்டம் அவர்களின் ஆசையில் மண்ணைவாரி போட்டது.
மேலும் படிக்க | ICC T20 World Cup : நடப்பு சாம்பியனுக்கு வந்த சோதனை... வெளியேறுகிறதா ஆஸ்திரேலியா!
டாஸ் வெற்றி பெற்ற இலங்கை அணி முதலில் பேட்டிங்கை தேர்வு செய்தது. இங்கிலாந்து அணி கட்டுக்கோப்பாக பந்துவீசியதால் இலங்கை அணியினரால் பெரிய அளவு ஸ்கோர் செய்ய முடியவில்லை. இதனால் சீரான இடைவெளியில் விக்கெட்டுகளை இழந்த இலங்கை அணி, 20 ஓவர் முடிவில் 8 விக்கெட் இழப்புக்கு 141 ரன்கள் மட்டுமே எடுத்தது. பதூன் நிஷானகா ஓப்பனிங் இறங்கி அதிரடியாக விளையாடி 45 பந்துகளில் 67 ரன்கள் எடுத்தார். அவருக்கு பக்கபலமாக மற்ற வீரர்கள் யாரும் விளையாடவில்லை.
பனுகா ராஜபக்ச 22 பந்துகளில் 22 ரன்கள் எடுத்தார். இதனையெடுத்து வெற்றி இலக்கை நோக்கி களமிறங்கிய இங்கிலாந்து அணி அதிரடியாக விளையாடியது. அரையிறுதி வாய்ப்பை சீக்கிரம் எட்டிவிட வேண்டும் என்ற எண்ணம் அவர்களின் பேட்டிங்கிலேயே தெரிந்தது. பட்லர் 28 ரன்கள் எடுத்து ஆட்டமிழக்க, அலெக்ஸ் ஹேல்ஸ் 47 ரன்கள் விளாசினார். ப்ரூக், லிவிங்ஸ்டோன், மொயின் அலி, சாம் கரன் என இங்கிலாந்து வீரர்கள் வரிசையாக ஆட்டமிழந்தாலும், மறுமுனையில் ஸ்டோக்ஸ் நிலைத்து நின்று விளையாடி 42 ரன்கள் எடுத்து அணியை வெற்றி பாதைக்கு அழைத்துச் சென்றார். இதன்மூலம் குரூப் 1-ல் இரண்டாம் பிடித்த இங்கிலாந்து அணி, இந்த உலக கோப்பை போட்டியில் 2வது அணியாக அரையிறுதி வாய்ப்பை உறுதி செய்தது. இங்கிலாந்து அணியின் வெற்றி மூலம் ஆஸ்திரேலிய அணியின் 20 ஓவர் உலக கோப்பை கனவு தகர்ந்தது.
மேலும் படிக்க | வங்கதேச வீரர்கள் உணவருந்தியபோது விராட் கோலி கொடுத்த அதிர்ச்சி!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
