India squad for Sri Lanka: இந்திய அணி இலங்கைக்கு சுற்றுப்பயணம் சென்று 3 டி20 மற்றும் 3 ஒருநாள் போட்டிகளில் விளையாட உள்ளது. முதல் டி20 போட்டி வரும் ஜூலை 27 ஆம் தேதி தொடங்குகிறது. இந்த தொடருக்கான இந்திய அணி எப்போது அறிவிக்கப்படும் என்று ரசிகர்கள் ஆவலுடன் காத்து கொண்டிருந்தனர். இந்நிலையில் அறிவிப்பு வெளியாகி பலத்த சர்ச்சைகளையும் ஏற்படுத்தி உள்ளது. டி20 அணியின் புதிய கேப்டனாக ஹர்திக் பாண்டியாவுக்கு பதில் சூர்யகுமார் யாதவ் நியமிக்கப்பட்டுள்ளார். மேலும் அணி தேர்விலும் சரியில்லை என்று ரசிகர்கள் புகார் செய்து வருகின்றனர். மேலும் சுப்மான் கில் இரண்டு தொடர்களிலும் துணை கேப்டனாக நியமிக்கப்பட்டுள்ளார்.
சூர்யகுமார் யாதவ்
சூர்யகுமார் யாதவ் ஒருநாள் போட்டிகளில் விளையாட மிகவும் சிரமப்பட்டு வருகிறார். கடந்த ஆண்டு நடைபெற்ற ஒருநாள் உலக கோப்பையின் போது இது வெளிச்சத்திற்கு வந்தது. இதுவரை 37 சர்வதேச ஒருநாள் போட்டிகளில் விளையாடியுள்ள சூர்யகுமார் யாதவின் சராசரி வெறும் 25.76 மட்டுமே. 2025 சாம்பியன்ஸ் டிராபி தொடங்குவதற்கு முன்பு இந்திய அணி இன்னும் 6 ஒருநாள் போட்டிகளில் மட்டுமே விளையாட உள்ளது. இந்நிலையில், ஒருநாள் போட்டிகளில் இருந்து நீக்கப்பட்டுள்ள சூர்யகுமார் யாதவ் தற்போது டி20 அணியின் கேப்டனாக நியமிக்கப்பட்டுள்ளார். ஹர்திக் ஏன் கேப்டன் பதவியில் இருந்து நீக்கப்பட்டுள்ளார் என்பதற்கான எந்த ஒரு காரணமும் தெரிவிக்கப்படவில்லை.
ஹர்திக் பாண்டியா நீக்கம்
சூர்யகுமாரை போலவே ஹர்திக்கும் ஒருநாள் அணியில் இருந்து நீக்கப்பட்டுள்ளார். தனிப்பட்ட காரணங்களுக்காக ஒருநாள் தொடரில் இருந்து ஹர்திக் தாமாக விலகியதாக செய்திகள் வெளியாகிறது. இந்திய அணியின் முக்கியமான ஆல் ரவுண்டராக ஹர்திக் பாண்டியா உள்ளார். கடந்த ஆண்டு நடைபெற ஒருநாள் உலக கோப்பை, இந்த ஆண்டு நடைபெற்ற டி20 உலக கோப்பை என தொடர்ந்து சிறப்பாக செயல்பட்டு வருகிறார். எனவே இந்திய அணியில் ஹர்திக்கிற்கு மாற்று இல்லை என்றாலும், தற்போது இடம் பெறவில்லை. மேலும் சாம்பியன்ஸ் டிராபி தொடருக்காக பந்துவீச்சு ஆல்ரவுண்டர் அக்சர் படேல் மற்றும் வாஷிங்டன் சுந்தர் போன்றோரும் ஒருநாள் அணியில் இடம் பெற்றுள்ளனர்.
யாரும் எதிர்பார்க்காத விதமாக ஷுப்மான் கில் நாள் மற்றும் டி20 அணியில் துணை கேப்டனாக நியமிக்கப்பட்டார். சமீபத்தில் நடந்து முடிந்த ஜிம்பாப்வே தொடரில் கேப்டனாக பணியாற்றினார். இந்திய அணியின் அடுத்த கேப்டனாக கில்லை நியமிக்க பிசிசிஐ இவ்வாறான முடிவுகளை எடுப்பதாக கூறப்படுகிறது. ரவீந்திர ஜடேஜா ஏற்கனவே டி20 போட்டிகளில் இருந்து ஓய்வு பெற்றுள்ளார். இந்நிலையில் ஒருநாள் அணியில் அவர் தற்போது இடம்பெறவில்லை. சமீபத்திய போட்டிகளில் அக்சர் படேல் சிறப்பாக விளையாடி வருவதால் ஜடேஜா இனி ஒருநாள் அணியில் இடம் பெறுவது சந்தேகத்தை ஏற்படுத்தி உள்ளது.
இந்தியாவின் டி20 அணி
சூர்யகுமார் யாதவ் (கேப்டன்), ஹுப்மன் கில், யஷஸ்வி ஜெய்ஸ்வால், ரின்கு சிங், ரியான் பராக், ரிஷப் பந்த் (WK), சஞ்சு சாம்சன் (WK), ஹர்திக் பாண்டியா, ஷிவம் துபே, அக்சர் படேல், வாஷிங்டன் சுந்தர், ரவி பிஷ்னோய், அர்ஷ்தீப் சிங் , கலீல் அகமது, முகமது சிராஜ்.
இந்தியாவின் ஒருநாள் அணி
ரோஹித் சர்மா (கேப்டன்), ஹுப்மன் கில், விராட் கோலி, கேஎல் ராகுல் (WK), ரிஷப் பந்த் (WK), ஷ்ரேயாஸ் ஐயர், சிவம் துபே, குல்தீப் யாதவ், முகமது சிராஜ், வாஷிங்டன் சுந்தர், அர்ஷ்தீப் சிங், ரியான் பராக், அக்சர் படேல் , கலீல் அகமது, ஹர்ஷித் ராணா.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
