இந்திய அணியின் ஸ்டார் ஓபனிங் பேட்ஸ்மேனை நிராகரிக்கும் ரோகித்சர்மா

ரோகித் சர்மா கேப்டனாக பொறுப்பேற்றது முதல், ஸ்டார் ஓபனிங் பேட்ஸ்மேனாக இருந்த இந்த வீரருக்கான வாய்ப்பு கேள்விக்குறியாகியுள்ளது.

ரோகித் சர்மாவின் சிறந்த நண்பர் என்றாலும், அவரால் இந்திய அணிக்குள் வர முடியவில்லை. ஐபிஎல் போட்டிகளில் சிறப்பாக விளையாடி அடுத்த 20 ஓவர் உலகக்கோப்பைக்கான இந்திய அணியின் இடம்பெறுவேன் என அவர் நம்பிக்கை தெரிவித்துள்ளார்.

யார்  அந்த வீரர்?

இந்திய அணியின் சிறந்த ஓபனிங் பேட்ஸ்மேனாக இருந்த ஷிகர் தவான் இலங்கை தொடருக்கான இந்திய அணியில் இடம்பெறவில்லை. இந்திய அணிக்காக ஓபனிங் விளையாடி பல போட்டிகளில் வெற்றி பெறுவதற்கு காரணமாக இருந்த அவர், இப்போது இந்திய அணியில் மறுபிரவேசம் செய்ய வேண்டிய நிலைக்கு தள்ளப்பட்டுள்ளார். இளம் வீரர்கள் வருகையால் அவரின் இடம் கேள்விக்குறியாகியுள்ளது.

ரோகித் – தவான் ஜோடி

2013 சாம்பியன்ஸ் டிராபியில் முதல் முறையாக, அப்போதைய கேப்டன் மகேந்திர சிங் தோனி, ரோஹித் சர்மா மற்றும் ஷிகர் தவான்  ஆகியோரை ஓபனிங் இறக்கினார். அப்போதிருந்து இருவரும் இந்திய  அணியின் ஆஸ்தான ஓபனிங் பேட்ஸ்மேன்களாக மாறினர். இருவரும் பல சாதனைகளை படைத்து வந்த நிலையில், திடீரென தவான் அணியில் இருந்து நீக்கப்பட்டு, கே.எல்.ராகுலுக்கு வாய்ப்பளிக்கப்பட்டது. இப்போதைய சூழலில் இந்திய அணியில் அவர் இடம்பிடிப்பது என்பது சாத்தியமில்லை என்ற நிலையே இருக்கிறது.

ஷிகர் தவானின் கேரியர்

இந்திய அணியின் மூன்று வடிவ கிரிக்கெட் போட்டிகளிலும் விளையாடியுள்ளார். 34 டெஸ்ட் போட்டிகளில் விளையாடியுள்ள தவான்,  2315 ரன்களும், 149 ஒருநாள் போட்டிகளில் 6284 ரன்களும் எடுத்துள்ளார். 68 டி20 போட்டிகளில் விளையாடி 1759 ரன்கள் சேர்த்துள்ளார். கடந்த நான்கு ஆண்டுகளாக டெஸ்ட் அணியில் அவருக்கு வாய்ப்பளிக்கப்படவில்லை.

ரோகித்சர்மா

ஷிகர் தவானுடன் ஓபனிங் இறக்கிய ரோகித்சர்மா தனக்கான இடத்தை அணியில் உறுதி செய்ததுடன், இந்திய அணின் மூன்று வடிவிலான அணிக்கும் தலைமை பொறுப்பை ஏற்றுள்ளார். ஒருநாள் போட்டியில் 3 இரட்டை சதங்களை விளாசியுள்ள அவர், இங்கிலாந்துக்கு எதிராக அந்நாட்டு மண்ணிலேயே சதமடித்தும் அசத்தியுள்ளார். அதேநேரத்தில், அவருடன் நீண்ட நாட்களாக தொடக்க ஜோடியாக இருந்த தவானை, மீண்டும் அணிக்குள் கொண்டு வர முயற்சி எடுப்பாரா? என்ற எதிர்பார்ப்பு எழுந்துள்ளது.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G
Apple Link - https://apple.co/3loQYeR