Temple Entry Verdict By HC: இந்துக்களைத் தவிர பிறர் கோவிலுக்கு வரக்கூடாது என்று கடுமையாக தெரிவித்த சென்னை உயர் நீதிமன்றத்தின் தீர்ப்பு தொடர்பாக பல்வேறு கருத்துக்கள் முன்வைக்கப்படுகின்றன. ’கோயில் என்பது பிக்னிக் வருவதற்கான இடமோ அல்லது சுற்றுலாத் தலமோ அல்ல': தமிழகக் கோயில்களில் இந்துக்கள் அல்லாதவர்களின் நுழைவு குறித்து சென்னை உயர்நீதிமன்றம் தெரிவித்தது ஏன்? பின்னணி என்ன?
அருள்மிகு பழனி தண்டாயுதபாணி சுவாமி கோவிலிலும், அதன் உபகோயில்களிலும் இந்துக்களுக்கு மட்டுமே செல்ல அனுமதி வழங்க உத்தரவிடுமாறு செந்தில்குமார் என்பவர் தாக்கல் செய்த மனுவை உயர்நீதிமன்ற மதுரை கிளை நீதிபதி எஸ்.ஸ்ரீமதி விசாரித்தார்.
பழனி தேவஸ்தானத்திற்கு உட்பட்ட பழனி முருகன் மற்றும் உப கோயிலுக்குள் 'இந்து அல்லாதவர்கள் கோவிலுக்குள் நுழைய தடை' என்ற பதாகை நீக்கப்பட்டுள்ளது, அந்த அறிவிப்பு பலகையை மீண்டும் வைக்க வேண்டும் என உத்தரவிடக்கோரி மனுத்தாக்கல் செய்யப்பட்டிருந்தது.
இந்த மனுவை விசாரித்த நீதிபதி எஸ்.ஸ்ரீமதி, ஜனவரி 30ம் தேதியன்று வழங்கிய இந்த வரலாற்று சிறப்புமிக்க தீர்ப்பில், 'கொடிமரம்' என்ற முக்கியமான பகுதிக்கு உள்ளே கோவிலுக்கு இந்து மதத்தை சேர்ந்தவர்கள் மட்டுமே வரவேண்டும். ’கோயில் கொடிமரத்தைத் தாண்டி ஆலயத்திற்குள் இந்துக்கள் அல்லாதவர்கள் நுழைய தடை விதிக்கப்பட்டுள்ளது’ என்ற பதாகைகளை அனைத்து இந்து கோவில்களிலும் நிறுவுமாறு இந்து சமய அறநிலையத் துறைக்கு உத்தரவு பிறப்பித்தார்.
இந்துக்களும் தங்கள் மதத்தைப் பின்பற்றுவதற்கும் வழிபாடு செய்வதற்கும் அடிப்படை உரிமை உள்ளது என்பதை நீதிமன்றம் வலியுறுத்தியது. அருள்மிகு பழனி தண்டாயுதபாணி சுவாமி கோவிலிலும், அதன் உபகோயில்களிலும் இந்துக்களுக்கு மட்டுமே செல்ல அனுமதி வழங்குமாறு குறிப்பிட்ட உத்தரவு தொடர்பான மனுவை விசாரித்த நீதிபதி, அனைத்து கோவில் நுழைவு வாயில்களிலும் இந்த தடையை தெரிவிக்கும் வகையில் பதாகைகள் அமைக்க வேண்டும் என்றும் அறிவுறுத்தினார்.
திண்டுக்கல் மாவட்டம் பழனியில் அமைந்துள்ள பிரசித்தி பெற்ற முருகன் கோவில் அறுபடை வீடுகளில் ஒன்று. இந்த மனு தொடர்பாக தமிழக அரசின் சார்பில், சுற்றுலா, பண்பாடு மற்றும் சமய அறநிலையத் துறை முதன்மைச் செயலர், இந்து சமய அறநிலையத் துறை (HR&CE) ஆணையர் மற்றும் பழனி கோயிலின் செயல் அலுவலர் ஆகியோர் பதிலளித்தனர்.
“இந்து மதத்தில் நம்பிக்கை இல்லாத இந்துக்கள் அல்லாதவர்களை அனுமதிக்கக் கூடாது என்று பதிலளித்தவர்களுக்கு உத்தரவிடப்பட்டுள்ளது. இந்து அல்லாதவர்கள் யாரேனும் கோயிலில் குறிப்பிட்ட தெய்வத்தை தரிசிப்பதாகக் கூறினால், அந்த இந்து அல்லாதவரிடமிருந்து அவர் தெய்வத்தின் மீது நம்பிக்கை வைத்திருப்பதாகவும், அவர் இந்து மதத்தின் பழக்கவழக்கங்களையும் நடைமுறைகளையும் பின்பற்றுவதாகவும் உறுதிமொழி தரவேண்டும். கோயில் பழக்கவழக்கங்கள் மற்றும் அவர்கள் அளிக்குக்ம் உறுதிமொழியின் பேரில் இந்து அல்லாதவர்கள் கோயிலுக்குச் செல்ல அனுமதிக்கப்படலாம்” என்று நீதிமன்றம் தீர்ப்பளித்தது.
உறுதிமொழியின் அடிப்படையில் இந்து அல்லாத, ஆனால் இந்து மதத்தின் மேல் நம்பிக்கை வைத்திருக்கும் நபர் அனுமதிக்கப்படும் போதெல்லாம், அது கோயிலால் பராமரிக்கப்படும் பதிவேட்டில் பதிவு செய்யப்பட வேண்டும்.
"பிரதிவாதிகள் கோவிலின் ஆகமங்கள், சம்பிரதாயங்கள், பழக்கவழக்கங்கள் மற்றும் நடைமுறைகளை பின்பற்ற வேண்டும்" என்று நீதிபதி கூறினார்.
மேலும் எதிர்மனுதாரர்கள் தாக்கல் செய்த ரிட் மனுவில், பழனி முருகன் கோவிலுக்காக மட்டுமே தாக்கல் செய்யப்பட்டுள்ளதாகவும், அதற்கு மட்டும் உத்தரவு பிறப்பிக்கப்படலாம் என்ற கோரிக்கையை நிராகரித்த நீதிபதி, “எழுப்பப்பட்ட பிரச்சினை பெரிய பிரச்சினை மற்றும் இது அனைத்து இந்து கோவில்களுக்கும் பொருந்த வேண்டும், எனவே பதிலளித்தவர்களின் மனு நிராகரிக்கப்படுகிறது. மேற்கூறியபடி, இந்த கட்டுப்பாடுகள் பல்வேறு மதங்களுக்கிடையில் மத நல்லிணக்கத்தை உறுதி செய்வதோடு சமூகத்தில் அமைதியை உறுதிப்படுத்தும். எனவே, மாநில அரசு, இந்து அறநிலையத்துறை, பிரதிவாதிகள் மற்றும் கோவில் நிர்வாகத்தில் ஈடுபட்டுள்ள அனைத்து நபர்களும் அனைத்து இந்து கோவில்களுக்கும் இந்த வழிகாட்டுதல்களைப் பின்பற்றுமாறு அறிவுறுத்தப்படுகிறார்கள்”என்று நீதிபதி தனது தீர்ப்பில் தெரிவித்துள்ளார்.
இந்து மதத்தைச் சேர்ந்தவர்களுக்கு நம்பிக்கையை வெளிப்படுத்தவும், பின்பற்றவும் உரிமை உண்டு. “அதேபோல், பிற மதங்களைச் சேர்ந்தவர்கள் தங்கள் மதத்தைப் பின்பற்றுவதற்கும் பின்பற்றுவதற்கும் உரிமை உண்டு. ஆனால் அந்தந்த மதத்தின் பழக்கவழக்கங்கள் மற்றும் நடைமுறைகளில் தலையிட முடியாது. அதேபோல், அதில் எந்த குறுக்கீடும் இருக்கக்கூடாது” என்று நீதிபதி தெரிவித்தார்.
கோவில் என்பது பிக்னிக் ஸ்பாட் அல்லது டூரிஸ்ட் ஸ்பாட் அல்ல. தஞ்சாவூரில் உள்ள அருள்மிகு பிரகதீஸ்வரர் கோயிலில் கூட பிற மதத்தினர் கோயிலின் கட்டிடக்கலை மற்றும் பாரம்பரிய சின்னங்களை ரசிக்க மற்றும் பார்த்து அனுபவிக்க அனுமதிக்கப்படுகிறார்கள், ஆனால் கொடிமரத்திற்கு உள்ளே செல்லக்கூடாது.
கட்டடக்கலை நினைவுச்சின்னங்களைப் போற்றும் அதே வேளையில், மக்கள் அந்த வளாகத்தை பிக்னிக் ஸ்பாட் அல்லது சுற்றுலாத் தலமாகப் பயன்படுத்தக்கூடாது. கோயில் வளாகங்கள் மரியாதையுடனும் ஆகம விதிகளின்படியும் பராமரிக்கப்பட வேண்டும். அரசியல்சாசனத்தின் கீழ் உத்தரவாதம் அளிக்கப்பட்ட உரிமைகள், இந்து மதத்தின் மீது எந்த நம்பிக்கையும் நம்பிக்கையும் இல்லாத பிற மதத்தினரை கோவிலுக்கும் அனுமதிக்கும் எந்த உரிமையையும் வழங்குவில்லை. மேலும், அனைத்து மதத்தினருக்கும் உரிமைகள் உறுதி செய்யப்பட்டுள்ளன, அத்தகைய உரிமையைப் பயன்படுத்துவதில் எந்த ஒரு சார்பும் இருக்க முடியாது, ”என்று சென்னை உயர்நீதிமன்றத்தின் மதுரை கிளை நீதிபதி, தனது தீர்ப்பை விளக்கமாக பதிவு செய்துள்ளார்.
இந்துக்கள் அல்லாதவர்கள் கோவில்களுக்குள் நுழைந்ததாகக் கூறப்படும் சில சம்பவங்களையும் குறிப்பிட்ட நீதிபதி, “அருள்மிகு பிரகதீஸ்வரர் கோயிலில் பிற மதத்தைச் சேர்ந்தவர்கள் கோயில் வளாகத்தை பிக்னிக் ஸ்பாட்டாகக் கருதி, கோயில் வளாகத்திற்குள் அசைவ உணவு உட்கொண்டதாக புகார் எழுந்தது. அதேபோல், சமீபத்தில் 11.01.2024 அன்று, மதுரை அருள்மிகு மீனாட்சி சுந்தரேசுவரர் கோவிலுக்குள், பிற மதத்தைச் சேர்ந்தவர்கள், சன்னதி மற்றும் சன்னதிக்கு அருகில், "தங்கள் புனித நூலுடன்" நுழைந்து, பிரார்த்தனை செய்ய முயன்றதாக, ஒரு நாளிதழில் செய்தி வெளியானது. இந்த சம்பவங்கள் அரசியல் சாசனத்தின் கீழ் இந்துக்களுக்கு உத்தரவாதம் அளிக்கப்பட்டுள்ள அடிப்படை உரிமைகளில் முற்றிலும் தலையிடுவதாக நீதிபதி கூறினார்.
மேலும் படிக்க | Palani Temple: பழனி கோவிலுக்கு இந்து அல்லாதவர்களும் போகலாம்... ஆனால் ஒரு கண்டீஷன்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
