 "நாளை வெளியாகிறது பிளஸ்-2 தேர்வு முடிவுகள்: ரிசல்ட் லிங்க் இதோ")
Tamil Nadu Board exam 2024: தமிழக பள்ளிகளில் மாணவர்களுக்கு 10, 11 மற்றும் 12ஆம் வகுப்பு பொதுத்தேர்வு அட்டவணை கடந்த ஆண்டு டிசம்பர் மாதம் வெளியிடப்பட்டு தற்போது பொதுத்தேர்வுகள் நடந்து முடிந்துள்ளன. கடந்த மார்ச் 1 ஆம் தேதி முதல் மார்ச் 22 ஆம் தேதி வரை பன்னிரண்டாம் வகுப்பு மாணவர்களுக்கு பொதுத்தேர்வு நடைபெற்றது. மேலும் மார்ச் 4 ஆம் தேதி முதல் மார்ச் 25 ஆம் தேதி வரை பதினொன்றாம் வகுப்பு மாணவர்களுக்கும், மார்ச் 26 ஆம் தேதி முதல் ஏப்ரல் 8 ஆம் தேதி வரை பத்தாம் வகுப்பு மாணவர்களுக்கும் பொதுத்தேர்வு நடைபெற்று முடிந்துள்ளது. தேர்வு முடிந்ததும் ஏப்ரல் 12 ஆம் தேதி முதல் ஏப்ரல் 22 ஆம் தேதி வரை திருத்தும் பணிகள் நடைபெற்று வந்தது. இதற்கென மொத்தம் 88 முகாம்களில் 50 ஆயிரம் ஆசிரியர்கள் நியமிக்கப்பட்டனர்.
விடைத்தாள் திருத்தமும் நிறைவு பெற்றுள்ள நிலையில் நாளை அதாவது மே 6 ஆம் தேதி அரசின் அதிகாரப்பூர்வ இணையதளத்தில் தேர்வு முடிவுகள் வெளியிடப்பட உள்ளன. அதே போல பிளஸ்-1க்கு விடைத்தாள் திருத்தும் பணிகள் நடந்து முடிந்துள்ளது. அதுமட்டுமின்றி 10 ஆம் வகுப்புக்கான விடைத்தாள் திருத்தமும் நிறைவு பெற்ருள்ள நிலையில் இதற்கான தேர்வு முடிவுகள் வரும் மே மாதம் 10 ஆம் தேதி வெளியாகும் என்று கூறப்பட்டுள்ளது.
தேர்வு எழுதியவர்கள்:
12ஆம் வகுப்பு தேர்வை, மொத்தம் 7.50 லட்சம் மாணவ-மாணவிகள் எழுதியதாக கூறப்படுகிறது. 11ஆம் வகுப்பு தேர்வுகளை மொத்தம் 8 லட்சம் மாணவர்கள் எழுதியதாகவும், 9 லட்சம் மாணவர்கள் 10ஆம் வகுப்பு தேர்வுகளை எழுதியதாகவும் கூறப்படுகிறது.
இந்நிலையில், பிளஸ் 2 தேர்வு முடிவுகள் நாளை காலை 9.30 மணி அளவில் வெளியிடப்படவுள்ளது. தேர்வர்கள் தங்களது பதிவெண், பிறந்ததேதி/மாதம்/ வருடத்தினை பதிவு செய்து தேர்வு முடிவுகளை அறிந்து கொள்ளலாம்.
தேர்வு முடிவுகளை எப்படி பார்ப்பது?
மாணவ, மாணவியர் தேர்வு முடிவுகளை அரசின் இணையதளமான www.tnresults.nic.in, www.dge.tn.gov.in ஆகிய இணையதள முகவரியில் சரிப்பார்த்து கொள்ளலாம். மேலும் SMS மூலமாகவும் தேர்தல் முடிவுகளை அனுப்பவும் ஏற்பாடு செய்யப்பட்டு வருகிறது. இவை தவிர பள்ளி மாணவர்கள் அவர்கள் படித்த பள்ளிகளிலும், மாவட்ட ஆட்சியர் அலுவலக வளாகத்திலும், அனைத்து நூலகங்களிலும் தேர்வு முடிவுகளை கட்டணமின்றி தெரிந்து கொள்ள ஏற்பாடு செய்யப்பட்டுள்ளது.
ஆன்லைனில் முடிவுகளை சரிபார்க்க:
படி 1: தமிழ்நாடு பள்ளிக்கல்வித்துறையின் அதிகாரப்பூர்வ இணையதளத்திற்குச் செல்லவும்.
படி 2: தமிழ்நாடு ரிசல்ட் போர்ட்டலுக்கு செல்லவும்.
படி 3: பிளஸ் 2 ரிசல்ட் லிங்கை கிளிக் செய்யவும்.
படி 4: பதிவு எண் மற்றும் பிறந்த தேதியை உள்ளிடவும்.
படி 5: தற்போது தேர்தல் முடிவுகளை பார்த்துக்கொள்ளலாம்.
படி 6: இதனை பள்ளிகளுக்கு நேரில் சென்று உறுதிப்படுத்தி கொள்ள முடியும்.
இந்த மதிப்பெண் சான்றிதழ் தேர்வு முடிவுகள் வெளியிடப்பட்ட நாளிலிருந்து 90 நாட்களுக்கு மட்டுமே செல்லுபடியாகும். மேலும் தேர்வு முடிவில் குறைந்த மதிப்பெண்கள் பெற்ற மாணவர்கள், ஸ்கேன் செய்யப்பட்டுள்ள தங்கள் விடைத்ததாள் நகலை கேட்டுப்பெற்று, அதனை ஆய்வு செய்து கூடுதல் மதிப்பெண் பெற முடியும் என்று கருதினால், மறுகூட்டல்/மறுமதிப்பீட்டிற்கு விண்ணப்பிக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)