ஜிகா வைரஸ் News

ஜிகா வைரஸ் குறித்து மக்கள் அச்சம் அடைய தேவையில்லை. ஜிகா வைரஸ் உயிரைப் பறிக்கும் நோய் அல்ல. என்று மாநில சுகாதராத்துரை அமைச்சர் விஜய பாஸ்கர் இன்று தெரிவித்துள்ளார். கிருஷ்ணகிரி மாவட்டத்தில் 27 வயது வாலிபர் ஒருவருக்கு ஜிகா வைரஸ் பாதிப்பு ஏற்பட்டுள்ளதாக தமிழக சுகாதாரத்துறை அமைச்சர் விஜயபாஸ்கர் நேற்று சட்டசபையில் தெரிவித்து இருந்தார்.  இதைத்தொடர்ந்து அவருக்கு சிகிச்சை அளிக்கப்பட்டது. புனேயில் உள்ள ஆய்வகத்தில் நடத்தப்பட்ட பரிசோதனையில் ஜிகா வைரஸ் காய்ச்சல் இருந்தது தெரிய வந்தது. தற்போது அவர் குணமடைந்து வருகிறார்.

உலக நாடுகளை அச்சுறுத்தி வரும் ஜிகா வைரஸ் இந்தியாவிலும் 3 பேருக்கு பாதிப்பை ஏற்படுத்தியுள்ளது. இதனை உலக சுகாதார அமைப்பு உறுதிப்படுத்தி உள்ளது. அமெரிக்கா, ஆப்ரிக்கா போன்ற நாடுகளில் அதிக பாதிப்பை ஏற்படுத்திய ஜிகா வைரஸ், தற்போது குஜராத் மாநிலத்தை சேர்ந்த கர்ப்பிணி உட்பட 3 பேருக்கு ஜிகா வைரஸ் பாதிப்பு இருந்ததை சோதனைகள் மூலம் உறுதிப்படுத்தி இருப்பதாக உலக சுகாதார நிறுவனம் அறிக்கை அனுப்பி உள்ளது.இதனை மத்திய அரசு உறுதி செய்துள்ளது. இந்தியாவில் ஜிகா பாதிப்பு இல்லை என கூறப்பட்டு வந்த நிலையில், இந்த சம்பவத்தால் பொது மக்கள் மத்தியில் பெரும் பரபரப்பு ஏற்பட்டுள்ளது.

கொசுக்கடியால் தொற்றி கிருமிதான் ‘ஜிகா’ வைரஸ். உகாண்டாவில் உள்ள ஜிகா (Zika) என்ற காட்டில் குரங்குகளை தாக்கியபோதுதான், இந்த கிருமி பற்றி 1947-ம் ஆண்டு தெரியவந்தது.  அதன் பின்னர், இந்த வைரஸ் 1952-ம் ஆண்டு உகாண்டாவிலும் தான்சானியாவிலும் மனிதர்களையும் தாக்கியது. 2007 மற்றும் 2013-ம் ஆண்டுகளில், பசிபிக் நாடுகளில் ‘ஜிகா’ வைரஸ் தாக்குதலுக்கான அறிகுறிகள் தென்பட்டது.  அமெரிக்க நாடுகளான பிரேசில் மற்றும் கொலம்பியாவிலும், ஆப்பிரிக்காவிலும் அக்கிருமி பரவியது. ஜிகா வைரஸ், தென் அமெரிக்கா, மத்திய அமெரிக்காவை சேர்ந்த 23 நாடுகளில் தாக்கியது. 

ஜிகா வைரஸ் வேகமாக பரவிவந்த நிலையில் கடந்த பிப்ரவரி மாதம், உலக சுகாதார நிறுவனம் சர்வதேச அவசர நிலையை அறிவித்தது.

சிங்கப்பூரில் வசிக்கும் 13 இந்தியர்களுக்கு ஜிகா வைஸ் பாதிப்பு ஏற்பட்டுள்ளதாக மத்திய வெளியுறவு அமைச்சகம் உறுதிப்படுத்தியுள்ளது. சிங்கப்பூரின் அல்ஜூனைத் கிரெசன்ட் பகுதியில், வசித்து வரும் வெளிநாட்டு கட்டுமான தொழிலாளர்கள் 41 பேருக்கு ஜிகா வைரஸ் பாதிப்பு ஏற்பட்டுள்ளது. இதையடுத்து ஜிகா வைரஸ் தொற்று நோயால் பாதிக்கப்பட்டுள்ளோரின் எண்ணிக்கை 82 ஆக உயர்ந்துள்ளது என அந்நாட்டின் சுகாதாரத்துறை அமைச்சகம் கூறியுள்ளது. 

சிங்கப்பூரில் வசிக்கும் 13 இந்தியர்களுக்கு ஜிகா வைஸ் பாதிப்பு ஏற்பட்டுள்ளதாக மத்திய வெளியுறவு அமைச்சகம் உறுதிப்படுத்தியுள்ளது. சிங்கப்பூரின் அல்ஜூனைத் கிரெசன்ட் பகுதியில், வசித்து வரும் வெளிநாட்டு கட்டுமான தொழிலாளர்கள் 41 பேருக்கு ஜிகா வைரஸ் பாதிப்பு ஏற்பட்டுள்ளது. இதையடுத்து ஜிகா வைரஸ் தொற்று நோயால் பாதிக்கப்பட்டுள்ளோரின் எண்ணிக்கை 82 ஆக உயர்ந்துள்ளது என அந்நாட்டின் சுகாதாரத்துறை அமைச்சகம் கூறியுள்ளது.