Amazon Discount Offer: ప్రముఖ ఈ కామర్స్ వేదిక అమెజాన్ సంస్థపండుగల సందర్భంగా కస్టమర్లకే కాదు..విక్రేతలకు కూడా ఆఫర్లు ఇస్తోంది. విక్రేతలు చెల్లించాల్సిన ఫీజుపై 50 శాతం డిస్కౌంట్ అందిస్తోంది అమెజాన్.
ఈ కామర్స్ వేదిక అమెజాన్ ఇప్పుడు మరోసారి ఫెస్టివ్ ఆఫర్ ప్రకటిస్తోంది. ఈసారి కస్టమర్లతో పాటు విక్రేతలకు కూడా ఆఫర్ ఇస్తోంది. అద్భుతమైన 50 శాతం డిస్కౌంట్ ఆఫర్ ఇది. ఇప్పటికే ఈ ఆఫర్‌కు సంబంధించిన రిజిస్ట్రేషన్ ప్రక్రియ నడుస్తోంది. దసరా పండుగ ముందు విక్రేతల్ని ప్రోత్సహించే క్రమంలో అమెజాన్ ఈ ఆఫర్ నడుపుతోంది.
అమెజాన్ వేదికలో ఎవరు ఏది విక్రయించాలన్నా..ఉత్పత్తి విలువపై అంటే కొనుగోలుదారుడు చెల్లించే మొత్తంపై నిర్ణీత శాతం ఫీజును ఈ కామర్స్ వేదికకు సంబంధిత విక్రేత చెల్లించాల్సి ఉంటుంది. ఇప్పుడు అమెజాన్ సంస్థ విక్రేతల్ని ప్రోత్సహించే ఉద్దేశ్యంతో ఆఫర్ ప్రకటించింది. ఆగస్టు 28 నుంచి అక్టోబర్ 26 వరకూ నమోదు చేసుకుని..ఆ తరువాత 90 రోజుల్లో అమ్మకాలు జరిపితే..విక్రేతలు చెల్లించే ఫీజులో 50 శాతం డిస్కౌంట్ ఇస్తోంది.
దేశవ్యాప్తంగా లక్షలాది వ్యాపారులు పండుగ సీజన్ లబ్ది పొందేందుకు ప్రయత్నిస్తుంటారు. ఇండియాలో అమెజాన్ సంస్థకు మిలియన్ విక్రేతలున్నారు. పండుగ సీజన్ సందర్భంగా విక్రేతలు తమ తమ ఉత్పత్తుల్ని అమెజాన్ ద్వారా వినియోగదారులకు చేర్చే ప్రయత్నం చేస్తారు. అమెజాన్ సంస్థకు దేశంలో 60 ఫుల్‌ఫిల్‌మెంట్ కేంద్రాలు, 1850 స్టేషన్లు ఉన్నాయి.
ఇప్పుడీ ఆఫర్ ద్వారా అమెజాన్‌లో మరింత మంది కొత్త విక్రేతలు చేరవచ్చు. అమెజాన్‌కు చెల్లించే ఫీజుపై 50 శాతం డిస్కౌంట్ అంటే మంచి ఆఫరే మరి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
