ప్రముఖ హాస్యనటుడు బ్రహ్మానందం మరో అరుదైన ఘనతను చేజిక్కించుకున్నారు. అమెరికాలోని యూనివర్సిటీ ఆఫ్ వాషింగ్టన్ సౌత్ ఏషియన్ సెంటర్ ప్రతి సంవత్సరం అందించే అవార్డుకు ఈ యేడాది బ్రహ్మానందం ఎంపికయ్యారు. ఈ అవార్డును ఈ అక్టోబరు 6వ తేదీన విశ్వవిద్యాలయం ఆధ్వర్యంలో జరిగే ఆసియా చలనచిత్రోత్సవంలో అందజేస్తారు. ప్రస్తుతం బ్రహ్మానందం మంచు విష్ణు కథానాయకుడిగా తెరకెక్కుతున్న "ఆచారి అమెరికా యాత్ర" చిత్రంలో నటిస్తున్నారు. గతంలో అత్యధిక చిత్రాల్లో నటించిన హాస్యనటుడిగా గిన్నిస్ పురస్కారం మరియు పలుమార్లు గౌరవ డాక్టరేట్లు కూడా అందుకున్న బ్రహ్మానందం ఈ అవార్డుకు ఎంపిక కావడం పట్ల పలువురు సినీ ప్రముఖులు హర్షం వ్యక్తం చేస్తు్న్నారు.
