Mahesh Babu Trivikram Movie Update: ఇటీవల సర్కారు వారి పాట సినిమాతో తెలుగు ప్రేక్షకులు ముందుకు వచ్చిన మహేష్ బాబు ఆ సినిమాతో మిశ్రమ ఫలితాన్ని అందుకున్నారు. సర్కారు వారి పాట సినిమా సూపర్ గా ఉందని మహేష్ బాబు అభిమానులు అంటుంటే అంత సూపర్ గా ఏమీ లేదని సాధారణ ప్రేక్షకులు అభిప్రాయపడ్డారు. సినిమా కలెక్షన్స్ విషయంలో రికార్డులు బద్దలు కొట్టినట్టు యూనిట్ ప్రకటించింది కానీ ఆ కలెక్షన్స్ విషయంలో అనేక అనుమానాలు అయితే ఉన్నాయి.
అయితే ఈ సినిమా తర్వాత మహేష్ బాబు చేయబోతున్న సినిమా ఏమిటి అనే క్లారిటీ ఉంది కానీ ఆ సినిమా ఎప్పుడు ప్రారంభమవుతుంది ఎప్పుడు విడుదల చేస్తారనే విషయం మీద ఎలాంటి క్లారిటీ లేదు. అయితే తాజాగా ఈ విషయం మీద సినిమా యూనిట్ అధికారికంగా ప్రకటన చేసింది. సూపర్ స్టార్ మహేష్ బాబు త్రివిక్రమ్ కాంబినేషన్లో ఈ సినిమా రూపొందుతోంది. టాలీవుడ్ లో అనేక సూపర్ హిట్స్ సినిమాలు అందించిన హారిక అండ్ హాసిని క్రియేషన్స్ సంస్థ ఈ సినిమాను భారీ బడ్జెట్ తో నిర్మిస్తోంది.
రాధాకృష్ణ నిర్మాణంలో రూపొందుతున్న ఈ సినిమాలో మహేష్ బాబుతో పూజా హెగ్డే మహర్షి తర్వాత మరోసారి జత కడుతోంది. ఇక సినిమాకు సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయని రెగ్యులర్ షూటింగ్ ఆగస్టులో ప్రారంభమవుతుందని సినిమా యూనిట్ తాజాగా ఒక వీడియో విడుదల చేసింది. ఆ వీడియో కనక మనం పరిశీలిస్తే ఈ సినిమాకు పని చేస్తున్న ఇతర టెక్నికల్ డిపార్ట్మెంట్ లకు సంబంధించిన క్లారిటీ ఇచ్చారు.
The Evergreen Combo of Super Star @urstrulyMahesh & our Darling Director #Trivikram is back to REIGN! 🔥
The most eagerly awaited #SSMB28 pre-production has started on EPIC proportions! Shoot starts This Aug✨
Be Ready for a MASSive Blast at the Screens ~ Summer 2023! pic.twitter.com/m4g6m3p9Ad
— Haarika & Hassine Creations (@haarikahassine) July 9, 2022
ఈ సినిమాకు నవీన్ నూలి ఎడిటర్ గా వ్యవహరిస్తుండగా ఏఎస్ ప్రకాష్ ఆర్ట్ డైరెక్టర్ గా వ్యవహరిస్తున్నారు. ఇక పీఎస్ వినోద్ సినిమాటోగ్రాఫర్ గా వ్యవహరిస్తున్న ఈ సినిమాకు తమన్ మరోసారి సంగీతం అందించేందుకు సిద్ధమయ్యాడు. ఇక ఈ సినిమా రెగ్యులర్ షూటింగ్ ఆగస్టు నెలలో ప్రారంభించి వచ్చే ఏడాది వేసవిలో సినిమా విడుదల చేసేందుకు ప్రణాళికలు సిద్ధం చేస్తున్నట్లు సినిమా యూనిట్ వెల్లడించింది. దీంతో సినిమా విషయంలో అనేక అనుమానాలు పెట్టుకున్న మహేష్ ఫ్యాన్స్ ఇప్పుడు ఆనందం వ్యక్తం చేస్తున్నారు.
Also Read: Priya Anand: నిత్యానందతో ప్రియా ఆనంద్ పెళ్లి.. సింక్ కోసం రెడీ అంటున్న భామ!
స్థానిక నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
