IND vs BAN 2nd Test Playing 11: బంగ్లాదేశ్‌పై తొలి టెస్టులో విజయం సాధించిన రోహిత్ సేన.. రెండో టెస్ట్‌లో గెలిచి సిరీస్‌ను క్లీన్‌స్వీప్ చేయాలని చూస్తోంది. ఈ మ్యాచ్‌లో కూడా విజయం సాధిస్తే.. టెస్ట్ ఛాంపియన్‌షిప్ ఫైనల్ రేసులో అగ్రస్థానం మరింత పదిలమవుతుంది. కాన్పూర్ వేదికగా ఈ నెల 27వ తేదీ నుంచి రెండో, చివరి టెస్ట్ మ్యాచ్ ప్రారంభంకానుంది. ఈ మ్యాచ్‌కు టీమిండియా తుది జట్టు ఎలా ఉండబోతుంది..? బెంచ్‌పై ఉన్నవారిలో కెప్టెన్ రోహిత్ శర్మ ఎవరికి ఛాన్స్ ఇవ్వనున్నాడు..? ఓసారి లుక్కేద్దాం పదండి.
తొలి టెస్టులో హిట్‌మ్యాన్ రెండు ఇన్నింగ్స్‌ల్లోనూ విఫలమయ్యాడు. కాన్పూర్ టెస్ట్‌తో అయినా ఫామ్‌లోకి వస్తాడేమో చూడాలి.
చెన్నైలో టెస్టులో తొలి ఇన్నింగ్స్‌లో యశస్వి జైస్వాల్ హాఫ్ సెంచరీతో రాణించాడు. రోహిత్‌కు తోడు ఓపెనర్‌గా వస్తాడు.
తొలి టెస్టు రెండో ఇన్నింగ్స్‌లో శుభ్‌మన్ గిల్ సూపర్ సెంచరీతో అదరగొట్టాడు. పంత్‌తో కలిసి జట్టుకు భారీ ఆధిక్యం అందించాడు. నంబర్ 3లో ప్లేస్‌ను ఫిక్స్‌ చేసుకునేందుకు రెడీ అవుతున్నాడు.
రన్ మెషీన్ విరాట్ కోహ్లీ మళ్లీ ఫామ్‌ను అందుకోవాల్సి ఉంది. తొలి టెస్టు రెండు ఇన్నింగ్స్‌ల్లోనూ విఫలమయ్యాడు.
తొలి టెస్టుతో రీఎంట్రీ ఇచ్చిన రిషబ్ పంత్.. సూపర్ సెంచరీతో తన పునరాగమనాన్ని ఘనంగా చాటుకున్నాడు. వికెట్ కీపర్‌గా, బ్యాట్స్‌మెన్‌గా కార్పూర్‌లో మరోసారి గేమ్‌ ఛేంజర్‌గా మారనున్నాడు.
గాయం తరువాత కేఎల్ రాహుల్ తిరిగి జట్టులోకి రావడంతో బ్యాటింగ్ ఆర్డర్‌లో కూర్పు సెట్ అయింది. అయితే గత ఫామ్‌ను అందుకోవాల్సి ఉంది.
రవీంద్ర జడేజా ఆల్‌రౌండ్ నైపుణ్యంతో మరోసారి సత్తాచాటేందుకు రెడీగా ఉన్నాడు. చెన్నై టెస్టులో బ్యాట్, బంతితో రాణించాడు.
తొలి టెస్టులో మ్యాన్‌ ఆఫ్‌ ద మ్యాచ్‌గా నిలిచిన రవిచంద్రన్‌ అశ్విన్‌.. సెంచరీతోపాటు రెండో ఇన్నింగ్స్‌లో ఆరు వికెట్లు పడగొట్టాడు. స్పిన్‌కు అనుకూలించే కాన్పూర్ పిచ్‌పై మరింత రాణించే అవకాశం ఉంది.
ఇక ఈ మ్యాచ్‌కు తుది జట్టులోకి కుల్దీప్ యాదవ్ వచ్చే అవకాశాలు ఉన్నాయి. ఒక పేసర్ స్థానంలో తీసుకునే ఛాన్స్ ఉంది.
పేసర్ మహ్మద్ సిరాజ్ పేస్, బౌన్స్‌తో రెండో టెస్టులో కీలకంగా మారనున్నాడు. స్ట్రైక్ బౌలర్‌గా టీమ్‌కు బలంగా మారాడు.
కుల్దీప్ యాదవ్‌ను జట్టులోకి తీసుకుంటే.. ఆకాష్ దీప్‌ను తప్పించాల్సి ఉంటుంది. అదే టీమ్‌తోనే ఆడాలనుకుంటే ఆకాష్ దీప్ తుది జట్టులో ఉంటాడు. పేస్ దళాన్ని బుమ్రా ముందుండి నడిపించనున్నాడు. లేదా బుమ్రాకు విశ్రాంతినిచ్చి కుల్దీప్‌ను ఆడించొచ్చు.
