Tirumala Vaikunta Ekadashi: తిరుమల వైకుంఠ ఏకాదశికి సంబంధించి టీటీడీ కీలక ఆదేశాలు జారీ చేసింది. జనవరి 10వ తేదీ వైకుంఠ ఏకాదశి రానుంది. ఈ సందర్భంగా తిరుమల శ్రీ వేంకటేశుని దర్శించుకోవడానికి చాలా మంది భక్తులు ఎదురు చూస్తుంటారు. టీటీడీ యంత్రాంగం తిరుమల వైకుంఠ ఏకాదశి దర్శనాలకు సంబంధించి కీలక ఆదేశాలు జారీ చేసింది.
జనవరి 10 నుంచి 19 వరకు తిరుమలలో వైకుంఠ ఏకాదశి ఉత్సవాలు నిర్వహించనున్నారు. ఈ సందర్భంగా భక్తులకు ఉత్తర ద్వార దర్శనం కల్పించనున్నారు. అయితే, వైకుంఠ ఏకాదశి సందర్భంగా తిరుమలకు వెళ్లే భక్తులకు కీలక ఆదేశాలు టీటీడీ జారీ చేసింది.
జనవరి 9 రేపు ఉదయం 5 గంటల నుంచి 10, 11, 12 తేదీలకు సంబంధించిన లక్ష 20 వేల టోకెన్లను తిరుపతిలోని 8, తిరుమలలో ఓ కేంద్రంలో కేటాయిస్తామన్నారు. భక్తులకు తగిన సూచనలు చేశారు. ఈ నియమాలను భక్తులు ముందుగానే పాటిస్తే ఇబ్బందులు పడకుండా ఉండొచ్చని చెప్పారు.
ఇక 13వ తేదీ నుంచి 19వ తేదీ వరకు ఏరోజుకు ఆరోజు వైకుంఠ ద్వార దర్శనం టోకెన్లను జారీ చేయనున్నారు. తిరుమలలో పదిరోజుల పాటు ప్రత్యేక దర్శనాలు రద్దు చేసినట్లు టీటీడీ ఈవో శ్యామలరావు తెలిపారు.
ఈ వైకుంఠ ద్వార దర్శనం దాదాపు 7.5 లక్షల మందికి కల్పించనున్నారు. భక్తులకు ఎలాంటి ఇబ్బందులు కాకుండా సరైన ఏర్పాట్లు చేశారు. మూడు వేల మంది పోలీసులు, 1500 మంది సిబ్బందితో భద్రత కల్పించనున్నట్లు తెలిపారు.
ముఖ్యంగా టైమ్‌ స్లాట్‌ ప్రకారమే వైకుంఠ ద్వార దర్శనాలకు రావాలని భక్తులకు విజ్ఞప్తి చేశారు. ఈరోజుల్లో వీఐపీలు స్వయంగా వస్తే దర్శనం కల్పిస్తామని చెప్పారు. ఈ నేపథ్యంలో భక్తులకు ఆహారం వంటి సదుపాయాలు కల్పించనన్నామని చెప్పారు.
