Chia Seeds: మనిషి ఆరోగ్యానికి అవసరమైన పోషకాలు చుట్టూ ప్రకృతిలో లభించే పదార్ధాల్లో పుష్కలంగా ఉంటాయి. ఇందులో ముఖ్యమైంది చియా సీడ్స్. చియా సీడ్స్‌ను అందుకే సూపర్ ఫుడ్ అంటారు. ఇందులో ఫైబర్, ప్రోటీన్, ఒమేగా 3 ఫ్యాటీ యాసిడ్స్, యాంటీ ఆక్సిడెంట్లు పెద్దఎత్తున ఉండటం వల్ల ఆరోగ్యపరంగా చాలా ప్రయోజనాలున్నాయి. అయితే కొంతమందికి చియా సీడ్స్ హానికారకం అని మీకు తెలుసా. ఎవరెవరికి చియా సీడ్స్ మంచివి కావో తెలుసుకుందాం.
చియా సీడ్స్ ఎంత తీసుకోవాలి రోజుకు రెండు చెంచాల చియా సీడ్స్ మాత్రమే తీసుకోవాలి. ఇదే ఆరోగ్యం. ఏదైనా అనారోగ్య సమస్యలకు మందులు వాడుతుంటే మాత్రం వైద్యుని సలహా మేరకు తీసుకోవాలి.
బరువు పెరగడం చియా సీడ్స్‌లో కేలరీలు పెద్దమొత్తంలో ఉంటాయి. అందుకే చియా సీడ్స్ ఎక్కువ మోతాదులో తీసుకుంటే బరువు మరింత పెరగవచ్చు. బరువు నియంత్రణకు తీసుకునే ఉద్దేశ్యం ఉంటే మితంగా తీసుకోవాలి. ఎక్కువగా తీసుకుంటే మాత్రం బరువు పెరుగుతారు
జీర్ణక్రియ చియా సీడ్స్‌లో ఫైబర్ ఎక్కువగా ఉండటంతో జీర్ణక్రియను మెరుగుపరుస్తుంది. అయితే అతిగా తీసుకుంటే మాత్రం మలబద్ధకం, కడుపులో నొప్పి, గ్యాస్, స్వెల్లింగ్ వంటి జీర్ణ సంబంధ సమస్యలు తలెత్తుతాయి. ప్రత్యేకించి జీర్ణ సంబంధ సమస్యలుండేవారికి మంచిది కాదు.
అధిక రక్తపోటు చియా సీడ్స్‌లో ఒమేగా 3 ఫ్యాటీ యాసిడ్స్, యాంటీ ఆక్సిడెంట్లు పెద్దఎత్తున ఉంటాయి. ఫలితంగా గుండె ఆరోగ్యానికి చాలా ప్రయోజనం కల్గిస్తాయి. ఇందులో పొటాషియం ఎక్కువగా ఉండటంతో అధిక రక్తపోటు మందులు తీసుకునేవారికి మంచిది కాదు. బ్లడ్ ప్రెషర్ మరింత పెరగవచ్చు
డయాబెటిస్ మధుమేహం వ్యాధిగ్రస్థులకు చియా సీడ్స్‌లో ఉండే ఫైబర్, ప్రోటీన్‌లు బ్లడ్ షుగర్‌ను నిస్సందేహంగా నియంత్రిస్తాయి, కానీ పరిమితి మించి తీసుకుంటే మాత్రం షుగర్ లెవెల్స్ బ్యాలెన్స్ తప్పుతాయి.
