Mohammad Azharuddin Meets Revanth Reddy: టీపీసీసీ వర్కింగ్ ప్రెసిడెంట్, మాజీ ఎంపీ మహ్మద్ అజారుద్దీన్ సీఎం రేవంత్ రెడ్డిని కలిసి నూతన సంవత్సరం శుభాకాంక్షలు తెలిపారు. అనంతరం సచివాలయంలో మంత్రులు పొన్నం ప్రభాకర్, కొండా సురేఖ, సీతక్కలను కలిసి న్యూ ఇయర్ విషెస్ చెప్పారు.
లోక్‌సభ ఎన్నికల్లో కాంగ్రెస్ క్లీన్ స్వీప్ చేయడం ఖాయమని.. కేంద్రంలో కూడా అధికారంలోకి వస్తామన్నారు.
ఎన్నికల సందర్భంగా ఇచ్చిన ఆరు గ్యారంటీలలో అధికారంలోకి వచ్చిన రెండు రోజులకే అందులో రెండు గ్యారంటీలను అమలు చేశారని గుర్తు చేశారు.
కేంద్రంలో రాహుల్ నాయకత్వంలో తమ ప్రభుత్వం ఏర్పాటుకు కృషి చేస్తామన్నారు. రేవంత్ రెడ్డి సీఎంగా బాధ్యతలు చేపట్టిన వెంటనే అన్ని వర్గాల ప్రజలకు చేరువ అయ్యేలా పని చేస్తున్నారని మెచ్చుకున్నారు.
ఈ సందర్భంగా అజహరుద్దీన్ మాట్లాడుతూ.. ఈ కొత్త సంవత్సరంలో జరగబోయే పార్లమెంట్ ఎన్నికల్లోనూ తెలంగాణాలో అత్యధిక ఎంపీ సీట్లను గెలుస్తుందని జోస్యం చెప్పారు.
సచివాలయంలో మంత్రులను కలసి సందడిగా ముచ్చటించారు. ఆయన వెంట టీపీసీసీ ప్రధాన కార్యదర్శి మహ్మద్ అబ్దుల్ ఫహీం, కాంగ్రెస్ నేత అసదుద్దీన్ ఉన్నారు.
