Fruit Juice You Should Avoid During Breakfast: పండ్ల రసాలు అంటే చాలామందికి ఇష్టమైన పానీయం. అవి రుచికరంగా ఉండటమే కాకుండా, విటమిన్లు, ఖనిజాలు వంటి పోషకాలను కూడా అందిస్తాయి. అయితే, బ్రేక్‌ఫాస్ట్‌లో కొన్ని పండ్ల రసాలను తాగడం మంచిది కాదని ఆరోగ్యనిపుణులు చెబుతున్నారు.
Fruit Juice You Should Avoid During Breakfast: పండ్ల రసాల్లో విటమిన్ సి, పొటాషియం, ఫైబర్ వంటి ముఖ్యమైన పోషకాలు పుష్కలంగా ఉంటాయి. ఇవి రోగ నిరోధక శక్తిని పెంచుతాయి, రక్తపోటును నియంత్రిస్తాయి. పండ్ల రసాల్లో ఉండే సహజ చక్కెర శరీరానికి త్వరగా శక్తిని ఇస్తుందని చాలా మంది భావిస్తారు. కానీ వైద్యులు సలహా మేరకు కొన్ని జ్యూస్‌లను ఉదయం ఖాళీ కడుపుతో తీసుకోవడం వల్ల అనారోగ్య సమస్యల బారిన పడుతుంటారని ఆరోగ్యనిపుణులు చెబుతున్నారు.
బ్రేక్‌ఫాస్ట్‌ సమయంలో తాగడానికి సిఫారసు చేయని కొన్ని పండ్ల రసాలు
సిట్రస్ పండ్ల రసాలు: నిమ్మ, నారింజ వంటి పండ్ల రసాలు ఆమ్లం ఎక్కువగా ఉంటాయి. ఇవి కొంతమందిలో అజీర్తి, గ్యాస్‌ వంటి సమస్యలను కలిగించవచ్చు.
అధిక చక్కెర కలిగిన పండ్ల రసాలు: మార్కెట్లో లభించే చాలా పండ్ల రసాలలో అధిక మొత్తంలో చక్కెర ఉంటుంది. ఇవి బరువు పెరగడానికి, రక్తంలో చక్కెర స్థాయిలు పెరగడానికి దారితీయవచ్చు.
పిండి పదార్థాలు కలిగిన పండ్ల రసాలు: కొన్ని పండ్ల రసాలలో పిండి పదార్థాలు కలుపుతారు. ఇవి బరువు పెరగడానికి, జీర్ణ సమస్యలకు దారితీయవచ్చు.
బ్రేక్‌ఫాస్ట్‌ సమయంలో తాగడానికి సిఫారసు చేసే పండ్ల రసాలు
బాదం పాలు: ఇది ప్రోటీన్, ఆరోగ్యకరమైన కొవ్వులు, విటమిన్లు, ఖనిజాల వంటి పోషకాలు ఎక్కువగా ఉంటాయి. ఇవి రోజంతా ఆరోగ్యంగా ఉంచడంలో ఎంతో మేలు చేస్తాయి.
అరటి పాలు: ఇది పొటాషియం, విటమిన్ B6, ఫైబర్ ఎక్కువగా ఉంటుంది. ఇది జీర్ణవ్యవస్థను పెంచడంలో ఎంతో మేలు చేస్తుంది.
బెర్రీల రసం: బ్లూబెర్రీస్, స్ట్రాబెర్రీస్ వంటి బెర్రీలు యాంటీఆక్సిడెంట్లు, విటమిన్ సి, ఫైబర్ ఎక్కువగా ఉంటుంది. దీని తీసుకోవడం వల్ల ఆరోగ్యానికి ఎంతో మేలు కలుగుతుంది.
