Gratuity Calculator: బడ్జెట్‌లో గ్రాట్యుటీపై కేంద్రం అదిరిపోయే ప్రకటన..! గ్రీన్‌సిగ్నల్ వస్తే ఉద్యోగులకు పండగే..

1 /8

ఇటీవల ఆర్థిక మంత్రి నిర్మలా సీతారామన్‌తో జరిగిన ప్రీ బడ్జెట్ సమావేశంలో సెంట్రల్ ట్రేడ్ యూనియన్‌ నాయకులు గ్రాట్యుటీ గణన నిబంధనలపై చర్చించాయి. కార్మికులు, ఉద్యోగులు పదవీ విరమణపై ఎక్కువ గ్రాట్యుటీని పొందేలా మార్పులు చేయాలని వారు డిమాండ్ చేశారు.  

2 /8

బడ్జెట్‌ ప్రసంగానికి ముందు కేంద్ర కార్మిక సంఘాలు తమ డిమాండ్లను ఆర్థిక మంత్రికి అందజేశాయి. కార్మికులు, ఉద్యోగులు పదవీ విరమణపై ఎక్కువ గ్రాట్యుటీ పొందేందుకు వీలుగా గ్రాట్యుటీ చెల్లింపులను 15 రోజుల జీతానికి బదులుగా ఒక నెల జీతానికి పెంచాలని కోరారు.  

3 /8

అంతేకాకుండా గ్రాట్యుటీ చెల్లింపు కోసం రూ.20 లక్షల లిమిట్‌ను తొలగించాలని కోరారు. ప్రస్తుత నిబంధనల ప్రకారం.. గ్రాట్యుటీ చెల్లింపు గరిష్ట పరిమితి రూ.20 లక్షలుగా ఉంది. ఈ మొత్తంపై ఎలాంటి ట్యాక్స్‌ చెల్లించాల్సిన అవసరం లేదు.  

4 /8

గ్రాట్యుటీ అంటే.. ఉద్యోగులు కంపెనీకి చేసిన సేవలకు ప్రతిఫలంగా ఇచ్చే మొత్తం. ఒక ఉద్యోగి పదవీ విరమణ లేదా ఒక కంపెనీలో కంటిన్యూగా ఐదేళ్లు పనిచేసిన తరువాత గ్రాట్యూటీ పొందేందుకు అర్హులు అవుతారు.  

5 /8

గ్రాట్యుటీ ఏ ఉద్యోగి శాలరీలో భాగం కాదు. కంపెనీకి రాజీనామా చేసి వెళ్లిపోయినప్పుడు ఒకేసారి కంపెనీ చెల్లిస్తుంది. ఉద్యోగి లేదా కార్మికుల జీతం ఆధారంగా గ్రాట్యూటీని లెక్కిస్తారు.  

6 /8

కంపెనీ పాలసీ ప్రకారం.. ప్రతి ఉద్యోగికి విడిగా గ్రాట్యూటీని నిర్ణయిస్తారు. గ్రాట్యుటీని పొందడానికి.. ఏదైనా కంపెనీలో కనీసం వరుసగా ఐదేళ్లు పనిచేయాలి. అయితే ఉద్యోగి మరణించినా.. లేదా వైకల్యం విషయంలో ఈ నిబంధనలు వర్తించదు.   

7 /8

గ్రాట్యుటీని లెక్కించేందుకు ఏడాదిలో 240 రోజులు పని దినాలుగా  లెక్కిస్తారు. (15 x గత నెల జీతం x మొత్తం సర్వీస్ సంవత్సరాల సంఖ్య)/26.  

8 /8

15 రోజుల జీతం ఆధారంగా గ్రాట్యుటీ చెల్లిస్తారు. చివరి నెల జీతంలో డీఏతో పాటు బేసిక్ శాలరీ కూడా ఉంటుంది. 26 అంటే నాలుగు ఆదివారాలు చేర్చని నెలలోని 30 రోజులను తీసుకుంటారు.