Health Tips in Telugu: ముఖంపై ముడతల వస్తే.. చిన్న వయసులోనే ఎక్కువ వయసు ఉన్నవారిలా కనిపిస్తారు. వయసు పెరుగుతున్న కొద్ది ముడతలు ఏర్పడడం సహజం. దుమ్ము, కాలుష్య ప్రభావంతో కూడా ముఖంపై ముడతలు ఏర్పడతాయి. మీరు కూడా ముడతలతో ఇబ్బంది పడుతుంటే.. సహజ పద్ధతుల ద్వారా తొలగించుకోవచ్చు. మీ ఆహారంలో కొన్ని పండ్లను చేరిస్తే సరి. ఆ పండ్లు ఏంటంటే..?
బొప్పాయిలో యాంటీ ఇన్‌ఫ్లమేటరీ గుణాలు ఎక్కువగా ఉంటాయి. ఇది చర్మంపై వేడిని తగ్గిస్తుంది. అంతేకాకుండా బొప్పాయిలో అనేక రకాల పోషకాలు ఉండడంతో చర్మాన్ని ఆరోగ్యంగా ఉంచుతాయి. మీరు ముఖం ముడుతలతో ఇబ్బంది పడుతుంటే.. రోజూ బొప్పాయిని తింటే మంచి ప్రయోజనం ఉంటుంది.
బెర్రీస్‌లో ఉండే విటమిన్ A, విటమిన్ C చర్మాన్ని ఆరోగ్యంగా ఉంచడంలో ప్రభావవంతంగా పనిచేస్తాయి. ఇవి చర్మానికి ఆరోగ్యాన్ని చేకూర్చడమే కాకుండా మీ కళ్లను సురక్షితంగా ఉంచడంతో సహాయపడతాయి.
దానిమ్మ వల్ల అనేక ప్రయోజనాలు ఉన్నాయి. మీ చర్మానికి కూడా మేలు చేస్తుంది. చిన్న ఎర్రటి గింజలు ప్యూనికాలాజిన్స్ అనే సమ్మేళనం కారణంగా చర్మంలో ఉండే కొల్లాజెన్‌ ముడతలతో పోరాడటానికి సహాయపడుతుంది. మీ చర్మం అందంగా, యవ్వనంగా మారుతుంది.
మీ జుట్టు, చర్మం రెండింటికీ మేలు చేయడంతో ఆరెంజ్ పండ్లు సహాయపడుతాయి. మీ చర్మం ఎల్లప్పుడు యవ్వనంగా ఉండాలంటే.. నారింజ పండ్లు ఎక్కువగా తినండి. నారింజలో విటమిన్ సి పుష్కలంగా ఉంటుంది. ఇది మీ చర్మంపై మచ్చలు లేకుండా చేస్తుంది.
పైనాపిల్‌తో ఆరోగ్యానికి ఎంతో మేలు చేస్తుంది. మీ ముఖంపై ముడతలు ఉన్నట్లయితే.. మీరు పైనాపిల్ తీసుకుంటే బెటర్. మీ చర్మాన్ని ఆరోగ్యంగా.. అందంగా మార్చడంలో సహాయపడే అనేక విటమిన్లు పైనాపిల్‌లో ఉంటాయి. గమనిక: ఇక్కడ అందజేసిన ఆరోగ్యానికి సంబంధించిన ఏదైనా విషయం పాటించే ముందు కచ్చితంగా వైద్యుడిని సంప్రదించండి.)
