G20 Summit: గత ఏడాది అంటే 2022 డిసెంబర్ 1వ తేదీన ఇండియా జీ20 అధ్యక్షత బాధ్యతలు స్వీకరించింది. ఏడాది పాటు ఉంటుంది. ఈ వేదికపై ఈసారి విభిన్న అంశాలపై దాదాపు 200 భేటీలు జరగాల్సి ఉంది. జీ20 సమావేశాల్ని విజయవంతం చేసేందుకు ఇండియా అన్ని విధాలుగా ప్రయత్నాలు చేస్తోంది.
G20 Summit: జీ20 గ్రూప్ దేశాల అధ్యక్షుల భేటీకు ఆతిద్యమిచ్చేందుకు ఆధునీకరించిన ఐటీపీవో కాంప్లెక్స్ వేదికగా ఉండనుంది. జూలై 26వ తేదీన ప్రారంభం కానున్న ఈ భవనం ఇంద్ర భవనాన్ని తలపిస్తుంది. అంతటి అద్భుతమైన ఇంటీరియర్, అవుట్ లుక్స్, సౌకర్యాలు ఉన్నాయి. 7 స్టార్ హోటల్‌కు తీసిపోని విధంగా ఇందులో వసతులుంటాయి.
సెప్టెంబర్ 9-10 మధ్య జరిగే 18వ జీ20 శిఖరాగ్ర సమావేశం ఇక్కడే జరగనుంది.
ఈ కాంప్లెక్స్ ప్రారంభం జూలై 26న జరగనుంది. ఈ కాంప్లెక్స్ పునరుద్ధరణ పనుల్ని ఎన్ బీసీసీకు అప్పగించారు.
ఐఈసీసీకు వచ్చే అతిధుల సౌకర్యాలకు పెద్దపీట వేస్తున్నారు. ఇక్కడ ఒకేసారి 5500 వాహనాల పార్కింగ్ ఉంటుంది.
ఐటీపీవో కాంప్లెక్స్‌లోని ప్రదర్శన హల్ చాలా బాగుంటుంది. బిజినెస్ డెవెలప్‌మెంట్, నెట్ వర్కింగ్ అవకాశాలు పెంచేందుకు సరైన వేదిక ఇది.
అద్భుతమైన సౌకర్యాలతో పాటు 3 వేలమంది కూర్చునే సామర్ధ్యం కలిగిన ఎంఫీ థియేటర్ ఈ కన్వెన్షన్ సెంటర్ ప్రత్యేకత. అంటే 3 వేల పీవీఆర్ థియేటర్లకు సమానం.
ఆస్ట్రేలియాలోని సుప్రసిద్ధ సిడ్నీ ఒపేరా హౌస్ సామర్ధ్యం 5500 కాగా ఈ కన్వెన్షన్ సెంటర్ లెవెల్ 3 సామర్ధ్యమే 7000 గా ఉంది.
జీ20 కీలక భేటీ ఇక్కడే జరగనుంది. ఇండియాకు చెందిన ఈ భవనం జర్మనీకు చెందిన హనోవర్ కేంద్రం, షాంఘాయీలోని జాతీయ ప్రదర్శనా కేంద్రాలకు పోటీగా ఉంటుంది.
దేశ రాజధాని ఢిల్లీలో 123 ఎకరాల్లో ఉన్న ఈ భవనం దేశంలోని ప్రముర్మాణాల్లో అతి పెద్దది. ఐఈసీసీ కాంప్లెక్స్ అనేది ప్రపంచంలోని టాప్ 10 కన్వెన్షన్ కాంప్లెక్స్‌లలో ఒకటి.
