IPL 2022 Highest Earned Players: ఐపీఎల్ 2022లో అత్యధిక ధరకు అమ్ముడుకానున్న క్రికెట్ ప్లేయర్స్ ఎవరో తెలుసా. విరాట్ కోహ్లీ లేదా ఎంఎస్ ధోనీ అనుకుంటే పొరపాటే. అనూహ్యంగా కేఎల్ రాహుల్, రషీద్ ఖాన్‌లు 16-20 కోట్ల ధర పలకనున్నారని తెలుస్తోంది. అది కూడా ఈసారి కొత్తగా వస్తున్న లక్నో, అహ్మదాబాద్ ఫ్రాంచైజీలు దక్కించుకోనున్నాయి.
రవీంద్ర జడేజా : చెన్నై సూపర్‌కింగ్స్ జట్టు ఆణిముత్యంగా ఉన్న రవీంద్ర జడేజా ఫస్ట్ పిక్‌లో 16 కోట్లు దక్కించుకోనున్నాడు.
రోహిత్ శర్మ : ముంబై ఇండియన్స్ టీమ్ కెప్టెన్ రోహిత్ శర్మ..ఇప్పటికే ఐదుసార్లు ఐపీఎల్ టైటిల్ సాధించిపెట్టిన క్రికెటర్. ఈసారి అతని ధర 16 కోట్లుగా ఉంది.
రషీద్ ఖాన్ : ఆఫ్ఘనిస్తాన్ లెగ్ స్పిన్నర్ రషీద్ ఖాన్‌ను సన్‌రైజర్స్ హైదరాబాద్ వదులుకుంది. ఈసారి అతన్ని 16 నుంచి 18 కోట్లు చెల్లించి లక్నో లేదా అహ్మదాబాద్ ఫ్రాంచైజీలు సొంతం చేసుకోవచ్చు.
రిషభ్ పంత్: ఢిల్లీ క్యాపిటల్స్ కెప్టెన్ రిషభ్ పంత్ ఈసారి 16 కోట్లు పలకనున్నాడు. గతంతో పోలిస్తే ఇది చాలా ఎక్కువే.
కేఎల్ రాహుల్ : టీమ్ ఇండియా టీ20 వైస్ కెప్టెన్ కేఎల్ రాహుల్ ఈసారి అంటే ఐపీఎల్ 2022లో అత్యధిక ధర పలకనున్న క్రికెటర్ కావచ్చని తెలుస్తోంది. లక్నో ఫ్రాంచైజీ టీమ్ రాహుల్‌కు 20 కోట్లు ఆఫర్ ఇచ్చినట్టు సమాచారం. ఆ టీమ్‌ను కూడా రాహుల్ లీడ్ చేయవచ్చని సమాచారం.
