Mega Job Fair In Hyderabad: నిరుద్యోగులకు బంపర్‌ ఆఫర్ హైదరాబాద్‌లో నవంబర్‌ 26న రెండు మెగా జాబ్‌ ఫెయిర్లను నిర్వహించనున్నారు. ఆసక్తి ఉన్న అభ్యర్థులు తగిన ధ్రువపత్రాలతో హాజరు కావచ్చు. ఆ పూర్తి వివరాలు తెలుసుకుందాం.
అపోలో ఫార్మసీ సహాకారంతో ఎంప్లాయిమెంట్‌ బ్యూరో ఆఫ్‌ ఉస్మానియా యూనివర్శిటీలో నవంబర్‌ 26 మంగళవారం మెగా జాబ్‌ మేళా నిర్వహించనున్నారు. ఆర్ట్స్‌ కాలేజీ ఎదుట ఉన్న ఎంప్లాయిమెంట్‌ ఆఫీసులో ఈ జాబ్‌ మేళా నిర్వహించనున్నారు.
అపోలో ఫార్మసీ 100 ఫార్మసిస్టుల పోస్టులను ఈ జాబ్‌ ఫెయిర్‌లో భర్తీ చేయనున్నారు. ఈ జాబ్‌ మేళా 18 నుంచి 35 ఏళ్ల మధ్య ఉన్నవారు అర్హులని యూనివర్శిటీ ఎంప్లాయిమెంట్‌ బ్యూరో తెలిపింది. దీంతోపాటు డిగ్రీ చదివిన ప్రతి ఒక్కరూ అర్హులు అని చెప్పింది.
ఈ జాబ్‌ మేళాలలో ఎంపికైనవారికి రూ.14,800 నుంచి రూ.25,000 జీతం పొందవచ్చని చెప్పారు.
మాసబ్‌ ట్యాంక్‌లోని ఖాజా మ్యాన్షన్‌లో మరో జాబ్‌ మేళా నవంబర్‌ 26న నిర్వహించనున్నారు. ఉదయం 7 గంటల నుంచి మధ్యాహ్నం 2 గంటల వరకు ఈ జాబ్‌ ఫెయిర్‌ నిర్వహించనున్నారు.
ఈ మేళాలో రకరకాల కంపెనీలు పాల్గొంటాయని నిర్వాహకులు చెబుతున్నారు. ఇందులో ముఖ్యంగా ఫార్మా, హెల్త్‌కేర్‌, ఐటీ, బ్యాంకింగ్‌ రంగాల్లో భర్తీ చేయనున్నారు. ఇందులో వర్క్‌ ఫ్రం హోం జాబ్స్‌ కూడా ఉన్నాయి. నిరుద్యోగులు సద్వినియోగం చేసుకోవాలని సూచిస్తున్నారు.
ఇందులో పదవ తరగతి చదువుకున్నారు కూడా అర్హులు. మరిన్ని వివరాలకు 8374315052 సంప్రదించవచ్చు.
