Prabhas Recent Movies Pre Release Business: టాలీవుడ్ కాదు.. భారతీయ సినీ చరిత్రలో ఒకే ఒక్కడు .. ప్రభాస్ ఆ రికార్డుకు దరిదాపుల్లో ఎవరు లేరు.. అవును ప్రభాస్.. ఒక్కో సినిమాకు తన మార్కెట్ పరిధి పెంచుకుంటూ ఇంతింతై అన్నట్టు బాక్సాఫీస్ దగ్గర తన సత్తా చూపెడుతున్నాడు. తాజాగా ‘కల్కి 2898 AD’ మూవీతో మరోసారి బాక్సాఫీస్ దగ్గర సత్తా చూపెడుతన్నారు.
నాగ్ అశ్విన్ దర్శకత్వంలో ప్రభాస్ హీరోగా తెరకెక్కిన మూవీ ‘కల్కి 2898 AD’. ఈ సినిమా ప్రపంచ వ్యాప్తంగా రూ. 370 కోట్ల ప్రీ రిలీజ్ బిజినెస్ చేసింది.
ప్రభాస్ హీరోగా ప్రశాంత్ నీల్ దర్శకత్వంలో హోంబలే ఫిల్మ్స్ పతాకంపై తెరకెక్కిన ‘సలార్ పార్ట్ -1 సీజ్ ఫైర్’ ప్రపంచ వ్యాప్తంగా రూ. 345 కోట్ల ప్రీ రిలీజ్ బిజినెస్ చేసింది.
ప్రభాస్ శ్రీరామ చంద్రుడిగా యాక్ట్ చేసిన సినిమా ‘ఆదిపురుష్’. ఈ మూవీ ప్రపంచ వ్యాప్తంగా రూ. 240 కోట్ల ప్రీ రిలీజ్ బిజినెస్ చేసింది.
రాధే శ్యామ్ ప్రభాస్ హీరోగా పూజా హెగ్డే హీరోయిన్ గా రాధాకృష్ణ కుమార్ దర్శకత్వంలో తెరకెక్కిన సినిమా ‘రాధే శ్యామ్’. ఈ సినిమా ప్రపంచవ వ్యాప్తంగా రూ. 202.80 కోట్ల ప్రీ రిలీజ్ బిజినెస్ చేసింది.
సాహో సుజిత్ దర్శకత్వంలో రెబల్ స్టార్ ప్రభాస్ హీరోగా తెరకెక్కిన మూవీ ‘సాహో’. ఈ సినిమా ప్రపంచ వ్యాప్తంగా రూ. 270 కోట్ల ప్రీ రిలీజ్ బిజినెస్ చేసింది. ఈ చిత్రం తెలుగు రాష్ట్రాల్లో రూ. 121.6 కోట్ల ప్రీ రిలీజ్ బిజినెస్ చేసింది.
బాహుబలి 2 ప్రభాస్ హీరోగా రాజమౌళి దర్శకత్వంలో తెరకెక్కిన చిత్రం ‘బాహుబలి 2’. ఈ సినిమా ప్రపంచ వ్యాప్తంగా రూ. 352 కోట్ల బిజినెస్ చేసింది.
ప్రభాస్ .. రాజమౌళి కాంబినేషన్ లో ఛత్రపతి తర్వాత తెరకెక్కిన చిత్రం ‘బాహుబలి పార్ట్ -1. ఈ సినిమా అప్పట్లోనే రూ. 118 కోట్ల ప్రీ రిలీజ్ బిజినెస్ చేసింది. తెలుగులో తొలి వంద కోట్లకు పైగా ప్రీ రిలీజ్ బిజినెస్ చేసిన తొలి తెలుగు చిత్రంగా రికార్డులకు ఎక్కింది.
మొత్తంగా రెబల్ స్టార్ ప్రభాస్.. గత ఐదు సినిమాల ప్రీ రిలీజ్ బిజినెస్ చూస్తే.. అక్షరాల రూ. 1427.8 కోట్లు ఉంది. మొత్తంగా తెలుగు సహా భారతీయ చిత్ర పరిశ్రమలో ఏ హీరో ఈ రికార్డుకు దరిదాపుల్లో లేరనే చెప్పాలి.
