Ram Charan news: రామ్ చరణ్ ఆర్ఆర్ఆర్ సినిమా తర్వాత ప్రపంచవ్యాప్తంగా ఎంతటి గుర్తింపు తెచ్చుకున్నారు.. ప్రత్యేకంగా చెప్పనవసరం లేదు. ఇక ఆ సినిమా తర్వాత సోలో హీరోగా.. రామ్ చరణ్ నుంచి రాబోతున్న పాన్ ఇండియా చిత్రం గేమ్ చేంజర్. ఈ సినిమా సంక్రాంతి సందర్భంగా.. జనవరి 10న తెలుగులోనే కాకుండా.. ఇతర భాషలు అన్నిటిలో కూడా విడుదలవుతోంది. ఈ క్రమంలో ఈ సినిమా ప్రమోషన్స్ లో తెగే యక్టివ్ గా పాల్గొంటున్నారు ఈ హీరో. కాగా ఈ మధ్యనే రామ్ చరణ్ ఈ తరం హీరోయిన్స్ లో తన ఫేవరెట్ ఎవరని.. చెప్పి అందరిని ఆకట్టుకున్నాడు.
ప్రపంచవ్యాప్తంగా గుర్తింపు పొందిన రామ్ చరణ్ తన తాజా సినిమా గేమ్ ఛేంజర్ విడుదలకు సిద్ధంగా ఉన్నారు. ఈ సందర్భంగా ఆయన నందమూరి బాలకృష్ణ హోస్ట్ చేసే అన్‌స్టాపబుల్ విత్ ఎన్బీకే షోలో పాల్గొన్నారు. తాజా సమాచారం ప్రకారం, ఈ కార్యక్రమంలో బాలకృష్ణ తన దృష్టి బెస్ట్ యాక్ట్రెస్‌ ఎవరు అని అడగగా…రామ్ చరణ్ వెంటనే ఒక హీరోయిన్ పేరు చెప్పేశారట. ఆ హీరోయిన్ మరెవరో కాదు.. అందరినీ మాయ చేసిన సమంత.
చరణ్ మాట్లాడుతూ.. సమంత తనతో కలిసి నటించిన సినిమా రంగస్థలంలో.. అద్భుతమైన నటనను ప్రదర్శించారని తెలిపారంట. రామ్ చరణ్ ఇందులో చిట్టిబాబు పాత్రను పోషించగా, సమంత సుబ్బలక్ష్మి పాత్రలో కనిపించారు. సుకుమార్ దర్శకత్వంలో వచ్చిన ఈ చిత్రం అప్పట్లో.. పెద్ద విజయాన్ని సాధించి, వారి జంట ప్రేక్షకులను విశేషంగా ఆకట్టుకుంది.
కాగా రామ్ చరణ్ బాలీవుడ్ హీరోయిన్స్ తో సైతం నటించిన సంగతి తెలిసిందే. ఆలియా భట్, కియారా అద్వాణీలతో కూడా రామ్ చరణ్ నటించారు. రాజమౌళి దర్శకత్వంలో వచ్చిన ఆర్ఆర్ఆర్ లో చరణ్-ఆలియా జంటగా కనిపించగా, కియారాతో ఆయన వినయ విధేయ రామ చిత్రంలో నటించారు.
తాజాగా, గేమ్ ఛేంజర్ చిత్రంలో కియారాతో మళ్లీ కలిసి పనిచేశారు. అలా హిందీ హీరోయిన్స్ ని కూడా పక్కన పెట్టి మన తెలుగు హీరోయిన్ సమంత పేరు గ్లోబల్ స్టార్ చెప్పారు అని తెలియడంతో.. ఆమె అభిమానులు తెగ సంతోషపడుతున్నారు.
గేమ్ ఛేంజర్ సినిమా పొలిటికల్ యాక్షన్ థ్రిల్లర్‌గా రూపుదిద్దుకుంటోంది. ఇందులో రామ్ చరణ్ ఒక నిజాయితీ గల ఐఏఎస్ ఆఫీసర్ పాత్రను పోషిస్తున్నారు. రాజకీయ అవినీతిని ఎదుర్కొనే.. క్రమంలో ఓ రాజకీయనాయకుడితో ఆయన ఘర్షణ ఈ సినిమాలో చూపించబోతున్నారు దర్శకుడు శంకర్. ఈ సినిమాలో చరణ్ ద్విపాత్రాభినయం చేయడం విశేషం.
