Tamannaah: తమన్నా తెలుగు,హిందీ సహా ప్యాన్ ఇండియా లెవల్లో కథానాయికగా సత్తా చాటుతూనే ఉంది. అంతేకాదు హీరోయిన్ గా ఎంట్రీ ఇచ్చి 2దశాబ్దాలు పూర్తి కావొస్తోంది.అయినా.. ఇప్పటికీ తమన్నా ఏజ్ 19 దగ్గరే ఆగిపోయిందా అనే డౌట్స్ వస్తాయి ఆమె గ్లామర్ ను చూస్తే. తన తర్వాత ఎంతో మంది హీరోయిన్స్ వస్తోన్న ఆ పోటీని తట్టుకొని నిలబడటం అంటే మాములు విషయం కాదు. ప్రస్తుతం సినిమాలు, వెబ్ సిరీస్‌లతో తమ్మూ బేబి ఫుల్ బిజీగా ఉంది.
తమన్నా కెరీర్‌లో హిట్స్ కంటే ఫ్లాపులే ఉన్నాయి. అయినా.. తన అంద చందాలతో పర్సనల్ ఇమేజ్‌తో ఇప్పటికీ హీరోయిన్‌గా సత్తా చాటుతునే ఉంది.
తమన్నా మంచు మనోజ్ హీరోగా నటించిన 'శ్రీ' మూవీతో తెలుగు తెరకు పరిచయం అయింది. అంతకు ముందు హిందీలో 'చాంద్ సే రోషన్ చెహ్రా' మూవీలో నటించింది.
మొదటి సినిమా అట్టర్ ఫ్లాప్ అయినా.. కథానాయికగా తమ్మూ వెనుదిరిగి చూసుకోలేదు. తెలుగులో శేఖర్ కమ్ముల దర్శకత్వంలో తెరకెక్కిన 'హ్యాపీ డేస్' మూవీతో తమన్నా కెరీర్ టర్న్ తీసుకుంది.
ఇక తెలుగులో 100% లవ్, రామ్ చరణ్‌తో చేసిన 'రచ్చ' ఎన్టీఆర్‌తో చేసిన 'ఊసరవెల్లి' సినిమాలు ఈమెను టాప్ హీరోయిన్ చైర్‌ను కట్టబెట్టాయి.
ఇక రాజమౌళి దర్శకత్వంలో ప్రభాస్ సరసన నటించిన 'బాహుబలి' మూవీతో ప్యాన్ ఇండియా రేంజ్‌లో సత్తా చాటింది తమన్నా. ప్రస్తుతం తెలుగు, తమిళం, హిందీ సహా సినిమాలో పాటు వెబ్ సిరీస్ లతో ఫుల్ బిజీగా ఉంది.
