Tata Chairman Chandrasekaran: 5 లక్షల ఉద్యోగాలు కల్పిస్తామని ప్రకటించారు టాటా గ్రూప్ చైర్మన్ ఎన్ చంద్రశేఖరన్. రానున్న ఐదేళ్లలో టాటా గ్రూప్ 5 లక్షల ఉద్యోగాలు కల్పించబోతోందని టాటా గ్రూప్ తెలిపింది. ఏ పోస్టుల రిక్రూట్‌మెంట్ జరుగుతుందో పూర్తి వివరాలు తెలుసుకుందాం.
Tata Group Jobs : టాటా గ్రూప్ ఉపాధికి సంబంధించి భారీ ప్రకటన చేసింది. వచ్చే ఐదేళ్లలో 5 లక్షల ఉద్యోగాలు కల్పిస్తామని గ్రూప్ ప్రకటించింది. ఈ విషయాన్ని చైర్మన్ ఎన్ చంద్రశేఖరన్ ప్రకటించినట్లు వార్తా సంస్థ పిటిఐ తెలిపింది. చంద్రశేఖరన్ తెలిపిన ప్రకారం, రాబోయే కాలంలో, సెమీకండక్టర్, ఎలక్ట్రిక్ వాహనాలు, బ్యాటరీ సంబంధిత పరిశ్రమలు వంటి అనేక రంగాలలో నియామకాలు జరుగుతాయని వెల్లడించారు.
ఐదేళ్లలో 5 లక్షల ఉద్యోగాల లక్ష్యం: ఇండియన్ క్వాలిటీ మేనేజ్‌మెంట్ ఫౌండేషన్ సెమినార్‌లో చైర్మన్ ఎన్ చంద్రశేఖరన్ ఈ విషయాన్ని ప్రకటించారు. ఈ సమయంలో అతను తయారీ రంగంలో ఉద్యోగాలు కల్పించడంపై దృష్టి పెట్టారు. భారతదేశం అభివృద్ధి చెందాలనే లక్ష్యంలో ఈ రంగం ముఖ్యమైనదని ఆయన అన్నారు. తయారీ రంగంలో ఉద్యోగాలు పెంచితేనే అభివృద్ధి చెందిన భారత్‌ లక్ష్యాలను చేరుకోగలుగుతామని స్పష్టం చేశారు.
ఏయే రంగాల్లో ఉద్యోగాలు లభిస్తాయి? టాటా గ్రూప్ వివిధ రంగాల్లో ఉద్యోగాలను ప్రకటించింది. సెమీకండక్టర్, ప్రెసిషన్ మాన్యుఫ్యాక్చరింగ్, అసెంబ్లీ, ఎలక్ట్రిక్ వాహనాలు, బ్యాటరీలకు సంబంధించి వచ్చే ఐదేళ్లలో టాటా గ్రూప్ దాదాపు 5 లక్షల ఉద్యోగాలను సృష్టించబోతోందని చంద్రశేఖరన్ చెప్పారు. టాటా గ్రూప్ అస్సాంలో సెమీకండక్టర్ ప్లాంట్, ఎలక్ట్రిక్ వాహనాలు, బ్యాటరీలకు సంబంధించిన అనేక యూనిట్లను నిర్మిస్తోంది. దాని లోపల అనేక చిన్న, పెద్ద సైజు కంపెనీలను ప్రారంభిస్తారు. వీటి ద్వారా ఉద్యోగ అవకాశాలను సృష్టిస్తుంది.
చంద్రశేఖరన్ ఈ లక్ష్యాన్ని సాధించడానికి ప్రభుత్వ సహకారం గురించి కూడా మాట్లాడారు. పెరుగుతున్న శ్రామికశక్తికి అనుగుణంగా భారతదేశం దాదాపు 10 కోట్ల ఉద్యోగాలను సృష్టించాల్సి ఉంటుందని ఆయన అన్నారు.
మేము 10 లక్షల ఉద్యోగాలను సృష్టించాలి. ప్రతి ఒక్కరికి ప్రత్యక్ష, పరోక్ష ఉద్యోగాలను సృష్టించే సెమీకండక్టర్ల వంటి కొత్త-యుగం తయారీ ప్రాముఖ్యతను నొక్కి చెప్పారు. దివంగత రతన్ టాటాను స్మరించుకున్నారు టాటా సన్స్ చైర్మన్ ఎన్ చంద్రశేఖరన్. రతన్ టాటా వలే..టాటా గ్రూప్ కంపెనీలలో ఉద్యోగులతో పాటు వారి కుటుంబాల శ్రేయస్సును చూసుకుంటామని తెలిపారు.
టాటా గ్రూప్ నుంచి ఎంతోమంది నాయకులను తయారు చేశారని..రతన్ టాటా లాంటి వ్యక్తం లేరని..ఉండరు అన్నారు చంద్రశేఖరన్. నెట్‌వర్కింగ్ ప్లాట్‌ఫారమ్ అయిన లింక్డ్‌ఇన్‌లో టాటాతో తన అనుబంధాన్ని గుర్తు చేసుకున్నారు. రతన్ టాటాను కలిసిన తర్వాత ఒక వ్యక్తి భారతదేశానికి ఏదైనా చేయాలన్న సంకల్పంతో ఉంటారని అంతటి గొప్పవ్యక్తి రతన్ టాటా అంటూ ఈ సందర్బంగా గుర్తు చేసున్నారు. రానున్న కాలంలో 5లక్షల ఉద్యోగాలను కల్పించి రతన్ టాటాకు ఘనంగా నివాళులర్పిస్తామని తెలిపారు.
